32.9 C
Dushanbe

Хушомадгӯи ҳукумат бе ҷоиза монд

Ато Мирхоҷа, шоири халқии Тоҷикистон даъво дорад, ки 30 сол барои адабиёт хидмат карда, се маротиба барои гирифтани унвон пешниҳод шуда, вале дар ҳар се маврид дастгоҳи президент номзадиашро рад кардааст.

Акс аз сафҳаи Ато Мирхоҷа аз Фейсбук гирифта шудааст.

Ато Мирхоҷа, шоир ва нависандаи халқии Тоҷикистон, ки зодаи Вилояти мухтори кӯҳистонони Бадахшон аст, аз Дастгоҳи раёсати ҷумҳурӣ шикоят карда, ки гуфтааст, ки «ман дар муддати 30 соли истиқлолият барои адабиёт ва Ватани азизам аз тамоми ашхосе, ки ба ин унвон соҳиб гардидаанд, агар зиёдтар не, камтар хидмат накардаам.» Чаро сазовори мукофот нашудаам?

Нависандаи халқии Тоҷикистон мегӯяд, «Раёсати Иттифоқи нависандагони Тоҷикистон маро аз соли 2013 сар карда, то соли равон се маротиба ба унвони Нависандаи (Шоири) халқии Тоҷикистон лоиқ дониста, ҳуҷҷатҳои лозимиро пешниҳод намуд. Аммо, мутаассифона, ҳар се бор ҳам қарори раёсат ба назар гирифта нашуд.»

Ато Мирхоҷа таъкид мекунад, «ҳар се маротиба ҳам аъзои раёсати Иттифоқи нависандагони Тоҷикистон бидуни раъйи худам, бо тасмими дастҷамъии худ, чунин қарорҳоро бароварда, аз мақомоти болоӣ хоҳиш намудаанд, ки онҳоро дастгирӣ намоянд.»

Муовини Иттифоқи нависандагони Тоҷикистон таъкид мекунад: «Ду бори аввал аз баҳри даъво гузаштам, аммо ин бор фаҳмидан мехоҳам, ки сабаби аз чашми шумо дур афтодани банда дар арафаи чунин солҷашни бошукӯҳ дар чист?»

Ин шикояти Ато Мирхоҷа, шоир ва нависандаи халқии Тоҷикистон ба вокунишҳои мухталифи корбарон рӯ ба рӯ шудааст. Қисме ӯро тасалло ва қисме дигар шоирро ба камтар кардани мадҳсароӣ дар нисбати ҳукуматдорон тавсия додаанд.

Ато Мирхоҷо, муовини Иттифоқи нависандагони Тоҷикистон аз пешгомони мубаллиғони ҳукумати Эмомалӣ Раҳмон дониста шуда, матолиби таблиғотӣ ва тарғиботии ӯ аксар маврид дар шабакаҳои иҷтимоӣ баҳсҳои зиёдеро ба бор меоранд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.