20.9 C
Dushanbe

Кишварҳои аврупоӣ давлати Фаластинро ба расмият шинохтанд

Рӯзи чоршанбе, 22-уми майи соли ҷорӣ кишварҳои Ирландия, Испания ва Норвегия аз тасмими худ дар бораи ба расмият шинохтани давлати Фаластин хабар доданд.

Сарвазири Норвегия Юнос Гор Стёре ба расонаҳо гуфт, ки ба расмият шинохтани давлати Фаластин аз ҷониби кишвараш аз рӯзи 28-уми майи соли ҷорӣ ба иҷро медарояд.

Ӯ ҳамчунин афзуд, ки дар ин рӯз чанд кишвари дигари аврупоӣ, ки ҷонибдори ба расмият шинохтани Фаластин ҳастанд, низ ба ин тасмим ҳамроҳ хоҳанд шуд. Аз ҷумла, кишварҳои Молта ва Словения ҳам қаблан барои пайвастан ба ин раванд хабар дода буданд.

Юнос Гор Стёре таъкид кард, ки “Роҳҳалли сиёсии ягона барои исроилиҳо ва фаластиниҳо ин эътирофи ду давлати ҷудогона аст, то ин ки онҳо дар канори ҳам дар сулҳу амният зиндагӣ кунанд.” Ӯ ҳамчунин гуфт, ба расмият шинохтани кишвари Фаластин ҳимоят аз тарҳи сулҳи арабӣ барои ҳалли буҳрони Ховари Миёна аст.

Ба иттилои расонаҳо, пас аз эълони ин тасмими кишварҳои аврупоӣ Исроил вокуниши тунд намуда, сафирони худро аз Дублин ва Осло фаро хондааст. Ҳамзамон давлати Испанияро ҳам таҳдид кардааст.

Исроил Катс, вазири корҳои хориҷии Исроил гуфт, ки ба расмият шинохтани Фаластин аз ҷониби кишварҳои аврупоӣ метавонад монеи бозгардондани гаравгонҳои исроилӣ дар Ғазза шавад ва эҳтимоли оташбасро бо “додани подош ба ҷиҳодиҳои ҲАМОС ва Эрон” коҳиш медиҳад.

Аммо дар муқобил Маҳмуд Аббос, раисҷумҳури Фаластин аз ба расмият шинохта шудани кишварашро тавассути Нарвегия, Ирландия ва Испания истиқбол кард ва аз дигар кишварҳо низ хост, ки ба ин раванд бипайванданд.

Ба расмият шинохтани давлати Фаластин аз ҷониби бархе аз кишварҳои ғарбӣ дар ҳоле оғоз мешавад, ки 8 моҳ боз дар Навори Ғазза ҷанг байни Исроил ва ҲАМОС идома дорад ва артиши Исроил хона, бемористонҳо ва ҳамаҷоро ба шиддат бомборон дорад. Ба гуфтаи созмонҳои ҷаҳонӣ, дар Ғазза дигар ҷои пинҳоншавӣ вуҷуд надорад.

То кунун бар асари ин ҳамалоти бевақфаи Исроил болои мардуми Ғазза беш аз 35 ҳазор нафар ҷон бохта, наздики 77 ҳазор нафар захмӣ шудаанд. Гуфта мешавад, дар байни кушташудагон 70 дарсадашонро кӯдакону занон ва пиронсолон ташкил медиҳанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.