14.9 C
Dushanbe

Қочоқбарон дастгир шуданд

Акс аз вебгоҳи ВКД Тоҷикистон

Бино ба гузориши Вазорати корҳои дохилии Тоҷикистон шаби 23-юми июли соли 2020 дар мавзеи қаторкӯҳҳои “Туюнтов”, ҷамоати деҳоти Наврӯзи ноҳияи Носири Хусрави вилояти Хатлон ду шаҳрванди Ҷумҳурии Афғонистон бо ҷурми ғайриқонунӣ убур кардани марз ва қочоқи маводи мухаддир аз ҷониби кормандони Шуъбаи ВКД-и ноҳияи мазкур дастгир шуданд.

Ин ду нафари дастгиршуда шаҳрвандони ҳамсоякаишвари Афғонистон буда, яке бо номи Ҷалолиддин Валади Ёрмурод, соли таваллудаш 1972 ва дигаре Қалдов Аҳмад Чорӣ, соли таваллудаш 1990, сокинони вилояти Қундуз ёд шудааст.

Қочоқчиён дар баробари гузаронидани миқдори зиёди маводди мухаддир ҳамроҳи худ силоҳ низ доштаанд, ВКД дар шарҳи ин хабар менависад, “Мувофики маълумотномаи шуъбаи ташхиси криминалистии РВКД дар вилояти Хатлон маводҳои аз шаҳрвандони Афғонистон мусодирашуда, 14 килограмму 250 грамм маводи нашъадори навъи “афюн” ва 140 грамм маводи нашъадори навъи “ҳашиш”, мебошанд.Инчунин 1-адад автомати Калашников, 5-адад тирдон бо 141-адад тир дарёфт ва мусодира гардид.”

Акс аз вебгоҳи ВКД Тоҷикистон

Торнамои ВКД дар идома навиштааст, ки онҳо мехостаанд маводди нашъадорро дар ҳудуди Ҷумҳурии Тоҷикистон ба муомилот бароранд. Ва айни замон нисбати дастгиршудаҳо аз рӯи 4 моддаи Кодекси чиноятии Ҷумҳурии Тоҷикистон (моддаи 200 қисми 4, 289 қисми 3, 335 қисми 2 ва 195 қисми 2) айб эълон шуда, тафтишот идома дорад.

Бояд гуфт, ки чандест мураккаб будани вазъ дар марзи Тоҷикистону Афғонистон шунида мешавад, ҳафтаи гузашта нишасти Шӯрои амнияти Тоҷикистон бо ҳузури Эмомалӣ Раҳмон доир гашт ва дар он масъалаи пурзур кардани қувваҳои ҳифозатии марз мавриди баррасӣ қарор гирифта буд.

Ҳамзамон рӯзи 27 июл вазири корҳои хориҷии Тоҷикистон Сироҷиддин Муҳриддин низ зимни нишасти матбуотӣ таъдик дошт, ки ҳарчанд вазъ бад ҳам бошад,  вале масъулияти ҳифзи он бар души марзбонони тоҷик хоҳад буд на каси дигар. Ӯ гуфт: “Айни замон масъалаи бозгашти сарҳадбонони рус ба марзи Тоҷикистон баррасӣ намешавад ва ҳарчанд вазъият дар сарҳад башиддат ноором бошад ҳам, Тоҷикистон мустақилона ба ҳимояи сарҳадҳои худ қодир аст”.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.