32.9 C
Dushanbe

Қодиров аз мақомаш рафтанӣ нест

Рамзан Қодиров, раисҷумҳури Чеченистон дар навори

Ӯ дар ин видео ба “коршиносон” ва “сиёсатмадорон” муроҷиат намуда, мегӯяд, ки дар бораи аз мақомаш рафтан суханро бас кунанд.

Ба гуфтаи Қодиров, раҳбарии Чеченистонро мардум ба ӯ бовар кардаанд ва ӯ танҳо бо иҷозаи мардум ва Президенти Русия аз мақомаш меравад.

Дар идома Қодиров гуфт, ки 15 сол мешавад, ки раҳбари Чеченистон аст ва ният дорад рекорди тӯлонитарин давраи раҳбариро дар Русия бишканад.

Рекорди тӯлонитарин давраи раҳбарӣ 27 сол буда, ба собиқ губернатори вилояти Белгород Евгений Савченко, ки аз соли 1993 то соли 2020 ин мақомро бар уҳда дошт, рост меояд.

Ёдовар мешавем, ки 3-юми сентябри соли 2022, Рамзан Қодиров, раҳбари Чеченистон бо нашри як навори видеоӣ аз наздик шудани замони тарки қудрат карданаш хабар дода буд.

Раҳбари Чеченистон дар ин навори худ бо истифода аз як зарбулмасали қафқозиҳо гуфта буд, ки “меҳмон ҳар чӣ қадр азиз бошад, гар сари вақт биравад, ҳамон қадр роҳаттар аст”, ба ин хотир вай ҳам пеш аз он ки ӯро аз мансаб биронанд, худаш рафтанист.

Гуфта мешавад, Рамзан Қадиров, пас аз марги падараш замоне раҳбарии Чеченистонро бо ҳимояти Кремлин ба даст гирифт, ки ҷавон буд ва ҳамагӣ 31 сол умр дошт. Аммо акнун 46-солаасту 11 фарзанд, 4 писару 7 духтар дорад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.