14.9 C
Dushanbe

Корманди фурудгоҳи Душанбе ба гумони қаллобӣ боздошт гардид

Як корманди фурудгоҳи байналмилалии Душанбе аз ҷониби кормандони Ожонсии назорати давлатии молиявӣ ва зидди фасоди Тоҷикистон бо гумони қаллобӣ боздошт гардид.

“Азия-Плюс” бо такя ба Хадамоти матбуотии раёсати Ожонсии зидди фасод хабар дода, ки нозири Хадамоти амнияти авиатсионии фурудгоҳи байналмилалии Душанбе Шаҳзод Маҷидов ба қаллобӣ гумонбар дониста ва боздошт шуда аст.

Номбурда ба як шаҳрванд чиптаи ҳавопаймои Душанбе ба тарафи Маскавро, ки арзиши воқеияш 8 ҳазору 550 сомонӣ буд, 12 ҳазору 500 сомонӣ пешниҳод кардааст.

Гумонбар Маҷидов аз шаҳрванди билетхаранда 2 ҳазор сомонӣ пешпардохт гирифта ба ӯ гуфта, ки 10 ҳазору 500 сомонии дигар биёрад ва ҳангоме, ки ин шахс 10 ҳазору 500 сомониро оварда мехост ба Маҷидов таҳвил бидиҳад ба ҳангоми додугирифт аз ҷониби кормандони Ожонсии зидди фасод дастгир шуд.

Аз рӯи ин далел нисбати Ш. Маҷидов бо модаи 247 (қаллобӣ) Кодекси ҷиноии Ҷумҳурии Тоҷикистон парвандаи ҷиноӣ боз карда шуда тафтишот идома дорад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.