14.9 C
Dushanbe

Кудатои низомӣ дар Миёнмор, раисҷумҳур ва мақомдорон боздошт шуданд

Бино ба гузориши “Ройтер” бомдоди рӯзи душанбе 1 феврал (ба вақти маҳаллӣ) раисҷумҳури давлати Миёнмор, Вин Мин бо шумули сарвазиру чандин мақомҳои баландпояи ин кишвар дар натиҷаи як кудато аз ҷониби Артиши Миёнмор боздошт шуданд.

Гуфта мешавад, ҳизби Ваҳдати Миллии Демократӣ (NLD)-и ин кишвар ба нақл аз раиси он хонум Аун Сан Су Чи аз мардуми Миёнмор хоста, ки дар баробари кудатои низомӣ муқовимат кунанд ва нагузоранд, ки ин кишвар ба даврони диктотурии низомӣ бозгардад.

Баъд аз боздоштҳои густардаи мақомдорон Артиши Миёнмор дар ин кишвар вазъияти изтирорӣ эълон карда, тавассути шабакаи телевизиони марбут ба низомиён изҳор дошт, ки давлат аз дасти ғайринизомиён гирифта шудааст. Дар ин кишвар интернет, шабакаҳои телефонӣ ва мобайлҳо низ қатъ шудааст.

Ҳамзамон ба далели қатъи саросарии интернет тамоми бонкҳои ин кишвар низ эълон кардаанд, ки муваққатан таътил шудаанд. Ва шабакаҳои телевизионӣ низ аз таътили кори худ хабар доданд.

Дар моҳи ноябр дар ин кишвар интихоботи парлумонӣ доир гардида ҳизби Ваҳдати Миллии Демократӣ (NLD), ки раисаш мушовири давлатӣ Аун Сан Су Чи аст бо ба даст овардани 83 дарссади оро пирӯз эълон шуд. Аммо Артиш ин интихоботро напазируфт ва гуфт, ки дар интихобот тақаллуб сурат гирифтааст.

Рӯзи душанбе Артиши ин кишвар баъд аз боздошти раисҷумҳур ва мақомҳои давлатӣ эълон кард, ки ҳокимият ба дасти Сарфармондеҳи кул, генерал Мин Аун Ҳлайн гузаштааст ва ба зудӣ интихоботи шаффофу демократиеро роҳандозӣ хоҳад кард.

Созмони Миллали Муттаҳид ва дигар кишварҳои дунё ин кудаторо маҳкум намуда, раҳоии раисҷумҳур ва сарвазиру дигар мақомти баландпояи ин кишварро талаб карданд. Амрико баъд аз расонаӣ шудани ин хабар бо лаҳни тундтаре бархурд намуда, боздоштҳоро маҳкум кард ва гуфт, дар сурате, ки шароит ба ҳолати қаблӣ бознагардад, алайҳи касоне, ки дар ин кудато даст доранд иқдом хоҳад кард.

Аун Сан Су Чи. Сурат: nachedeu.com

Аун Сан Су Чии 75-сола ва барандаи ҷоизаи сулҳи Нобел дар замони ҳукумати собиқи диктатурии низомии Бирма 15 сол дар ҳабси хонагӣ буд. Пас аз ба қудрат расидан, ӯро ба хотири саркӯб кардани ақаллиятҳои мусалмони Роҳенгиё ва иҷро накардани ваъдаи ислоҳоти демократӣ дар сатҳи байналмиллалӣ мавриди интиқоди шадид қарор доданд.

Кишвари Миёнмор дар ҷануби шарқии Осиё ҷойгир аст ва 50 млн ҷамъият дорад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.