29.9 C
Dushanbe

Кумаки иловагии 21,2 млн $ Бонки ҷаҳонӣ ба Тоҷикистон

Вазири молияи Тоҷикистон Файзиддин Қаҳҳорзода ва намояндаи доимии Бонки Ҷаҳонӣ дар Душанбе Ян-Петер Олтерс дар мавриди маблағгузории иловагӣ барои вокуниши фавқулода ба таҳдиди “COVID – 19” дар Тоҷикистон созишнома имзо карданд.

Хабаргузории Азия Плюс аз қавли манбааш дар Вазорати молия иттилоъ медиҳад, ки дар доираи созишномае, ки рӯзи ҷумъаи гузашта ба имзо расид, Бонки Чаҳонӣ ба ҷумхурӣ 21,2 миллион долларро ройгон медиҳад.

То маблағ барои дастгирии соҳаи тандурустӣ, аз ҷумла хариди ваксина алайҳи коронавирус, таҷҳизоти муҳофизати инфиродӣ, санҷишҳо, дастгирии системаи эмкунӣ ва омӯзиши кадрҳое, ки дар ваксина кардан иштирок мекунанд, ба нақша гирифта шудааст.

Ғайр аз ин, ин маблағ барои харидани ваксинаҳо алайҳи дигар бемориҳои сироятии мавсимӣ истифода мешавад.

Қисми маблағҳои ҷудошуда ба кумаки яквақта ба оилаҳои камбизоати дорои фарзандони хурдсол ва маъюбон равона карда мешаванд.

Ёдовар мешавем, ки дар ибтидои моҳи апрели соли гузашта Бонки Ҷаҳонӣ дар доираи ин лоиҳа ба Тоҷикистон 11,3 миллион доллар ҷудо карда буд. Дар моҷи феврали соли равон бошад, ба таври ройгон 12,57 миллион доллари бе бозгашт ҷудо карда шуд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мулоқоти Раҳмонов ва Пизишкиён дар Озарбойҷон

Раисҷумҳури худкомаи Тоҷикистон Эмомалӣ Раҳмон бо Президенти Эрон Масъуди Пизишкиён мулоқот кард.

Гармои шадид дар Тоҷикистон сокинонро нигарон кардааст

Рӯзҳои ахир шиддати гармои тобистонӣ дар Тоҷикистон аксари сокинонро нигарон кардааст.

Имомуддин Сатторов сафири Тоҷикистон дар Лаҳистон шуд

Сафири Фавқулода ва Мухтори Ҷумҳурии Тоҷикистон дар Олмон ва Лаҳистон Имомуддин Сатторов эътимодномаи худро ба Президенти Лаҳистон Анджей Дуда супорид.

Толибонро аввалин кишвари дунё расман эътироф кард

Пас аз чор соли ба сари қудрат расидани Толибон дар Афғонистон Русия аввалин кишваре шуд, ки ҳукумати сарпарастро ба расмият шинохт.