-2.1 C
Dushanbe

Кумакҳои милюнии Комиссияи Аврупо ба Тоҷикистон ба куҷо сарф хоҳанд шуд?

112 млн евро маблағи тахсисдодаи Комиссиюни Аврупо барои бахшҳои маориф, ҳифзи сиҳати омма ва бахши иҷтимоии Тоҷикистон масраф мешавад. Дар як иттиллоияи расмӣ Комиссибни Аврупо дар ин бора хабар додааст.

Ютта Урпилайнен, комиссари Иттиҳоди Аврупо оид ба шарикии байнулмилалӣ дар ин робита изҳор доштааст, ки Иттиҳод ба Тоҷикистон барои вокуниш ба хатари коронавирус ва қонеъ намудани талаботи тиббӣ-санитарӣ ва иҷтимоӣ-иқтисодӣ 112 милон евро барои Тоҷикистон ҷудо кардааст:

Ютта Урпилайнен, комиссари Иттиҳоди Аврупо оид ба шарикии байнулмилалӣ  гуфт: “Тоҷикистон сатҳи фарогирии хизматрасонии тиббиро беҳтар карда, ҷавонони тоҷикистонӣ барои гирифтани маълумоти хушсифат дастрасии бештар ва минбаъд дарёфти шуғли шоиста имкон пайдо мекунанд”.

Гуфта шудааст, ки басти кумак аз се барномаи ба ҳам алоқаманд иборат аст: Барномаи рушди соҳаи тандурустӣ (52,2 млн Евро), Барномаи дастгирии маълумоти хушсифат II (50 млн Евро) ва Барномаи дастгирии ислоҳоти низоми бақайдгирии асноди ҳолати шаҳрвандӣ (10 млн Евро).

Ду барномаи аввал (ба маблағи умумии 46,2 млн Евро) аз тадбирҳое иборатанд, ки мустақиман ба дастгирии вокуниши фаврӣ ба пандемия, тақвият бахшидани талошҳо баҳри сабукгардонии оқибатҳои манфии он равона мегарданд.

Комиссиюни Аврупо қаблан низ барномаҳои алоҳидаи давлати Тоҷикистон, аз ҷумла таҳким ва навсозии таҷҳизоти фаннӣ барои марзбонони тоҷик ва аз ҷумла дидбонгоҳ ва гузаргоҳҳои марзиро таййи чанд сол бар уҳда дошт. Худравҳои вижа, сарулибоси низомӣ, васоити мухобирот ва хаймаҳои саҳроӣ ба марзбонони тоҷикро ин Комиссиюн дар доираи барномаҳои гуногун дастрас кардааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Толибон: Аҳмади Масъуд бо Иморати исломӣ байъат кардааст

Толибон мегӯянд, ки Аҳмади Масъуд, раҳбари ҷабҳаи муқовимати миллии Афғонистон бо Иморати исломӣ байъат кардааст.

Тасдиқи бемории Мамадшоева дар зиндон

Улфатхоним Мамадшоева, рӯзноманигор ва фаъоли зодаи Вилояти Мухтори Кӯҳистони Бадахшон дар зиндон аз фишорбаландӣ азият мекашад.

Бобаки Занҷонӣ баъди 10 сол озод мешавад

Бобаки Занҷонӣ, миллардер ва тоҷири шинохтаи эронӣ, ки бо иттиҳоми напардохтани беш аз 2 миллиард евро дар Теҳрон боздошт ва зиндонӣ шуда буд, озод хоҳад шуд.

Раиси Додгоҳи ноҳияи Ҷаббор Расулов бо кадом ҷурм зиндонӣ шуд?

Агентии зидди фасоди Тоҷикистон мегӯяед, раиси Додгоҳи ноҳияи Ҷаббор Расулов бо иттиҳоми гиирфтнаи пора дар ҳаҷми калон боздошт ва равонаи зиндон шуд.