31.9 C
Dushanbe

Кушта шудани сарбозони Кореяи Шимолӣ дар ҷанги Русия алайҳи Украина

Расонаҳои ғарбӣ мегӯянд, дар ҷанги Русияву Украина ҳудиди 1000 сарбози Кореяи Шимолӣ, ки дар сафи артиши Русия меҷангиданд, кушта шудаанд.

Гуфта мешавад, аксари сарбозони кореягӣ дар минтақаи Курски Русия кушта шудаанд. Теъдоди сарбозони кушташуда, асирон, маҷруҳон ва нопадидшудагон 40 дарсади сарбозони Кореяи Шимолиро ташкил медиҳад. Дар ин бора ББС бо такя ба манбаъҳои худ, ки номашон зикр нашудааст, хабар додааст.

Таҳлилгарони ғарбӣ мегӯянд, баъд аз ҳамлаи Русия ба хоки Украина дар соли 2022, ки ин ҷангро Русия “амалиёти вижа” мехонад, ин кишвар ба шиддат бо камбуди нерӯи низомӣ рӯбарӯ шуд. Ва ҳоло ҳар роҳу восилаеро ҷустуҷӯ мекунад, ки сарбоз ҷалб кунад. Ҳузури сарбозони Кореяи Шимолӣ дар ҷанг алайҳи Украина баёнгари талафоти бузурги Русия дар ин ҷанг гуфта мешавад.

Тибқи иттилооти ғайрирасмӣ, аз замони шуруи ҷандг, аз моҳи вефрали 2022 то ин дам теъдоди сарбозони кушташудаи Русия зиёда 100 ҳазор баровард шудааст.

Росонаҳои Тоҷикистон борҳо аз ҷалби зиндониёни тоҷик дар Русия бо ваъдаи озодшавӣ аз зиндон ба ҷанг бар зидди Украина хабар додаанд. Ҳамчунин хабарҳое нашр мешавад, ки мақомоти Русия муҳоҷирони кории тоҷикро бо ваъдаи додани шаҳрвандӣ ва маоши хуб барои иштирок дар ин ҷанг даъват мекунад.

Гуфта мешавад, то ин дам чандин тоҷикистонӣ, ки шаҳрвандии Русияро доштанд, дар ҷанги Русия алайҳи Украина кушта шуданд ва қисме дигаре, ки нахостанд ширкат кунанд, барои саркашӣ аз ҷанг аз ҳаққи шаҳрвандии Русия маҳрум гардиданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Анҷумани иқтисоди рақамии СҲШ дар шаҳри Тянҷзини Чин

Дар чаҳорчӯби Анҷумани иқтисоди рақамии Созмони ҳамкории Шанхай (СҲШ) дар шаҳри Тянҷзини Чин ҷаласаи пӯшидаи вазирони иқтисодии кишварҳои узви ин созмон баргузор гардид.

Боздошти як омӯзгори забони англисӣ дар Душанбе бо иттиҳоми рафтори ғайриахлоқӣ

Раёсати корҳои дохилии шаҳри Душанбе хабар дод, ки як марди 50-сола бо иттиҳоми рафтори ғайриахлоқи ба як гурӯҳ духтарони ҷавон боздошт шудааст.

Чаро мақомот дар бораи хабари ихроҷи муҳоҷирони афғонистонӣ хомӯшанд?

Масъулини муҳоҷирони афғонистонӣ дар Душанбе хабари ихроҷи шаҳрвандони Афғонистон аз Тоҷикистонро рад карданд.

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.