32.9 C
Dushanbe

Лавров: ИМА кушиши заиф кардани иртиботи Тоҷикистону Русияро дорад

Сергей Лавров вазири умури хориҷаи Русия дар мусоҳиба бо барномаи “Бозии бузург”-и шабакаи аввали Русия иброз дошт, ки кишварҳои ғарбӣ мақсад гузоштаанд, ки робитаҳои Русияро бо кишварҳои Осиёи Марказӣ, аз ҷумла Тоҷикистон заиф созанд.

“Хаҷми равобити иқтисодӣ, ки ИМА ва кишварҳои Иттиходияи Аврупо ҳоло бо Осиёи Марказӣ доранд бо хамгироии иқтисодии мо қиёспазир нестанд, аммо ҳадафҳои гузошта шуда аз ҷониби ғарб якранг аст ва он аз ҳар ҷиҳат суст  кардани равобити мо бо иттифоқчиён ва шарикони стратегии мо”, гуфт вазири умури хориҷаи Русия.

Ба гуфтаи Лавров Амрико дар ин самт фаолона кор мекунад, алалхусус бо Қирғизистон, Қазоқистон, Тоҷикистон, Туркманистон ва Узбекистон.

Лавров дар идомаи суҳбаташ баён дошт, ки равобити Русия бо Иттиходи Аврупо канда шуда, дар ҳамин ҳол Русия низ дар Осиёи Марказӣ илова бар САШ, ИДМ, Иттиҳоди иқтисодии АвруОсиё, СПАД, формати 5 ба иловаи якро дорад, ки ба он панҷ кишвари Осиёи Марказӣ ва Федератсияи Русия дохил мешаванд.

Мудири маркази тадқиқотҳои геополитикии донишгоҳи славянии Русияву Тоҷикистон, Гулаз Майтдинов пештар гуфт, ки кишварҳои Осиёи Марказӣ ва Афғонистон бояд бо Русия, ИМА ва Чин муттаҳид шаванд то амниятро дар Осиёи Марказӣ таъмин намоянд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.

Эълони ҳукми зиндони сарбозоне, ки наваскаронро латтукӯб карданд

Чанд сарбозе, ки дар як навор навсакаронро бераҳмона латтукӯб мекарданд, ҳамаи онҳо равонаи зиндон шуданд.