Вазорати корҳои дохилии Тоҷикистон 4-уми июли соли ҷорӣ аз як ҳодисаи маргбори садамаи ду мошин хабар дод, ки дасти кам 11 нафар дар ҷои ҳодиса ба ҳалокат расидаанд.
Тибқи иттилои Вазорати корҳои дохилӣ, ин ҳодиса шоми 2-уми июл дар ҳудуди деҳаи Шаҳтакиёни ноҳияи Файзобод рух дода, дар байни ҳалокшудагон дасти кам 5 нафарашон ноболиғон ва ё кӯдакони аз 2 то 16-сола будаанд.
ВКД мегӯяд, дар ин ҳодиса, ронандаи мошини “Опел-Астра”, матааллиқ ба Ибодзода Маҳмадсодиқи Маҳмадюсуфи 20-сола, сокини ноҳияи Файзобод, “ҳангоми ҳаракат аз самти шаҳри Ваҳдат ба самти шаҳри Роғун дар ҳудуди деҳаи Шаҳтакиёни ноҳияи Файзобод ба самти муқобили роҳ баромада, ба атомашинаи тамғаи “Опел-Вектра”, таҳти идораи, Шарипов Бобоҷон Икромович, соли таваллудаш 2004, сокини ҳамин ноҳия, бархурдааст.”
Ҳамчунин дар хабари ВКД гуфта мешавад, дар ин ҳодиса 11 нафар, аз ҷумла “худи ронандаи автомашинаи “Опел-Вектра”, Шарипов Б.И. ва мусофирони автомашинаи мазкур Шарипова Зуҳро Икромовна, соли таваллудаш 2006, хурдсол Шарипова Хатича, соли таваллудаш 2018, Давлатов Субҳон Толибҷонович, соли таваллудаш 1998, Абдараҳмонзода Талабшои Дилшод, соли таваллудаш 2007, Бобоев Бахтовар Идибегович, соли таваллудаш 2001, сокинони ноҳияи Файзобод ва мусофирони автомашинаи тамғаи «Опел-Астра», Негматова Марзия, соли таваллудаш 1959, хурдсол Ҳалимов Аюбҷон Маҳмадович, соли таваллудаш 2017, Негматова Бибиробия Валиевна, соли таваллудаш 1997, Шарипова Шаҳло Шарафовна, соли таваллудаш 2007 ва хурдсол Шарипов Абдусалом Шарафович, соли таваллудаш 2021, сокинони шаҳри Ваҳдат дар ҷойи ҳодиса ба ҳалокат расидаанд.“
Дар ин ҳодиса 4 нафари дигар, аз ҷумла ронандаи мошини “Опел-Астра”, Ибодзода М. ва мусофирони ҳамин мошин “Негматова Бунавша Валиевна, соли таваллудаш 1985, ноболиғ Шарипов Шоҳин Шарифович, соли таваллудаш 2011 ва Хурдсол Ҳалимов Аҳмад Маҳмадович, соли таваллудаш 2019, сокинони шаҳри Ваҳдат” бо ҷароҳатҳои вазнин ба бемористон интиқол ёфтанд.
Ҳодисаи мазкур яке аз мудҳиштарин ва маргбортарин садамаҳои байни роҳӣ дар тоҷикистон ба шумор меравад.
Вазорати корҳои дохилаи Тоҷикистон ҳамчунин хабар дода, ки давоми рӯзҳои 2-юм ва 3-юми
июли соли ҷорӣ низ дар шаҳри Хуҷанд ду нафар – падару писари ноболиғ ва дар ноҳияи Хуросон як ҷавони ноболиғи 15-сола бар асари чунин садамаҳо ба ҳалокат расидаанд.
Дар робита ба ҳодисаҳои мазкур Вазорати корҳои дохила парванда боз карда, таҳқиқотро шурӯъ кардааст.
