30.9 C
Dushanbe

Фаронса суратҳисоби бонкии Озода Раҳмонро масдуд кард?

Аз номи раиси Бонки миллии Фаронса дар Твиттер дар бораи масдуд шудани суратҳисоби бонкии духтари раисҷумуҳри Тоҷикистон Эмомалӣ Раҳмон, роҳбари Дастгоҳи Призеднт Озода Раҳмон хабар нашр шудааст.

Франсуа Вийруа де Гало (François Villeroy de Galhau) рӯзи 4 октябри ҳамин сол дар саҳифаи твиеттериаш навишта, ки
“Бо дархости додгоҳи Дезано, суратҳисоби бонкии Озода Раҳмон, раҳбари Дастгоҳ ва духтари президенти Тоҷикистон, ба иттиҳоми пулшӯӣ масдуд шуд. Дар нишондоди бонк омада, ки аз соли 2019 то 2020 ба суратҳисоби ӯ зиёда аз 5 миллиард доллар ворид ва хориҷ мешавад”.

Таҳқиқи “Аздо ТВ” нишон дод, ки дар ҳақиқат François Villeroy de Galhau Раиси бонки миллии Фаронса мебошад. Ҳисобе, ки бо номи ӯ дар Твиттер мавҷуд аст ҳанӯз аз соли 2013 боз шуда, вале аз 31 август фаъол будааст. Дар он аз фаъолятҳои ҷаноби Франсис 38 мароиба матлабҳо нашр шудааст. Аммо маълум нест, ки ин Твиттер ҳақиқӣ аст ё ҷаълӣ. Таҳқиқи “Аздо ТВ” барои дурустсанҷии ин хабар идома дорад. Масъулони ин бонк дар тамоси телефонӣ ба “Аздо ТВ” гуфтанд, ки наметавонанд дар ин бора телефонӣ маълумоти бештаре бидиҳанд ва гуфтанд, ба сухангӯи бонк муроҷиат кунед.

Ҳамзамон мо ба уновони котиби матбуотии Президенти Тоҷикистон Шарифзода Абдуфаттоҳ мактуб фиристодем. Дар сурати посухи сухангӯи ин бонк ба мактуби мо, онро ҳатман нашр хоҳем кард. Ин ҳисоби твиттериро бештар аз 600 нафар думболагирӣ мекунад. Додгоҳи Дезано дар шаҳри Порис мавҷуд аст. Аммо ин хабар дар ҷои дигаре ғайр аз ҳамин ҳисоби твиттерӣ пайдо нашуд.

Бояд гуфт, ки рӯзи 30 сентябри соли ҷорӣ хабаре дар бораи муолиҷа гирифтани писари раисҷумуҳур Рустами Эмомалӣ дар Исроил аз номи мудири Маркази тиббии “Herzliya Medical Center” Дани Энгел – дар саҳифаи ҷаълии Твиттериаш нашр шуда буд. Он замон таҳқиқи “Аздо тв” нишон дод, ки хабар асос надорад.

Хабарҳо атрофи оилаи Раҳмон пас аз он шуруъ шуд, ки дар фейсбук мақолаи танқидие дар бораи Саймумин Ятимов нашр шуд. Баъзе аз нафарони наздик ба мақмомоти Тоҷокистон дар суҳбати хусусӣ бо “Аздо тв” он замон аз сард шудани ҷойгоҳи Ятимов дар назди оилаи ҳоким дар Тоҷикистон гуфта буданд. Ҳоло гуфтан душвор аст, ки ин ҳама бо ҳам рабте доранд ё тасодуфиянд?

Коршиносон ба нодурсутии ин хабар ишора доранд, зеро дар кишвари фақире ба мисли Тоҷикистон маблағи 5 миллиард даллар пули кам нест, ки масъулон онро дошта бошанд. Ончи ки ин хабаро зери шубҳа мебарад, ин ишора ба гардиши 5 миллиард доллари ИМА дар ин ҳисоби бонкӣ дар давоми як сол – 2019 ва 2020 мебошад.

“Аздо тв” дар ин хусус таҳқиқ дорад ва дар ҳоли даст ёфтан ба маълумоти ҷадид хабар такмил хоҳад шуд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Кумаки 141 миллионии ИА ба Тоҷикистон

Иттиҳоди Аврупо эълон кардааст, ки зиёда аз 140 миллион евро ба Тоҷикистон кумак мекунад.

Рушди беш аз 8%-и иқтисоди Тоҷикистон

Гузоришгарони Бонки ҷаҳонӣ мегӯянд, рушди иқтисоди Тоҷикистон дар 16 моҳи ахир беш аз 8% тавсеа ёфтааст.

Баррасии ҳамкориҳои Тоҷикистон ва Иттиҳоди Аврупо

Мақомоти боломақоми Тоҷикистон ва Иттиҳоди Аврупо дар бораи ҳамкориҳои дирӯз ва имрӯзи худ гуфтугӯ карданд.

Шикояти мардум аз беобӣ дар Тоҷикистон

Бархе сокинони шаҳри Бохтар, маркази вилояти Хатлон мегӯянд, ки чор моҳ боз мардум аз беобӣ азият мекашанд ва касе дар вилоят ба доди онҳо намерасад.