Хона блог саҳифа 253

Патент барои муҳоҷирон қимат мешавад

Аз ҷониби
AZDA-TV
-
0

Ба Думаи вилояти Волгоград лоиҳаи қонун дар бораи боло бурдани қимати “патент” барои муҳоҷирони корӣ пешниҳод шудааст.

Агар ин тарҳи қонун қабул шавад, пешпардохти андоз аз даромад ё нархи “патент” 2009 рубл боло рафта, ба 6912 рубли русӣ баробар хоҳад шуд.

Гуфта мешавад, дар ҳоли ҳозир муҳоҷирони корӣ барои ин санад моҳона 4903 рубл пардохт мекунанд.

Муаллифони ин тарҳ афзоиши арзиши патентро бо афзоиши маоши миёна дар вилояти Волгогради Русия ва бо зарурати ҳифзи ҳуқуқи сокинони маҳаллӣ дар бозори меҳнат рабт додаанд.

Ба иддаои ҳукумати вилоят, дар соли 2023 афзоиши музди меҳнат ба ҳисоби миёна 12,9% ва дар соли 2024 – 10,6%-ро ташкил хоҳад дод.

Коршиносон воқеияти ин рақамҳоро зери суол гузошта мегӯянд, ки боло бурдани нархи “патент” ба ҷайби муҳоҷирони кории тоҷик зарбаи калон мезанаду мушкилоташонро боз ҳам бештар хоҳад кард.

Аммо мақомоти вилояти Волгоград бо боло бурдани арзиши “патент” барои муҳоҷирон нақша доранд, ки дар давоми соли 2024 ба буҷаи вилоят тақрибан 1,1 миллиард рубли иловагӣ ворид кунанд, ки ин назар ба давраи пеш аз Covid-19 ду баробар зиёд аст.

Пештар аз ин, дар моҳи августи соли ҷорӣ намояндагони ҳизби “Справедливая Россия” бо роҳбарии Сергей Миронов тарҳеро омода карда, ба Думаи давлатии Русия пешниҳод карда буданд, ки тибқи он, нархи “патент” 4 баробар боло бурда мешавад.

Сабаби яку якбора афзудани нархи “патент”-ро намояндагони ҳизби миллатгарои “Справедливая Россия” ба афзоиши нигаронии шаҳрвандони Русия аз теъдоди муҳоҷирони корӣ дар Русия ва ҳамчунин мушкилоти мутобиқшавии онҳо ба ҷомеа рабт дода буданд.  

Сергей Миронов борҳо дар расонаҳо ва дар Думаи давлатии Русия бар зидди муҳоҷирон суханронӣ карда, ҳизби ӯ чандин тарҳҳои қонунеро омода кардааст, ки кори муҳоҷиронро дар Русия хело маҳдуду мушкил мекунад.

Аз ҷумла, ин ҳизб тарҳи қонунеро ба Думаи Русия пешниҳод кардааст, ки тибқи он, муҳоҷирони корӣ дар мактабҳо, таксӣ ва муассисаҳои тиббӣ кор карда наметавонанд.

Ба гуфтаи бархе муҳоҷирони муқими Русия, солҳои ахир ба таври чашмгир дар ин кишвар фазои муҳоҷирбадбинӣ авҷ гирифтааст ва аксар мақомдорони ин кишвар зидди муҳоҷирон дар минбарҳои гуногун суханронӣ намуда, хостори ҷорӣ кардани раводид бо кишварҳои Осиёи Марказӣ, асосан бо Тоҷикистон ва ё надодани шаҳрвандӣ ба онҳо шуда истодаанд.

Инчунин ҳафтае пеш Вазорати корҳои дохилии Русия дар тарҳе пешниҳод кард, ки кушодани ҳисоби бонкӣ, сабтиноми мошин ва моликияту бастани ақди никоҳро ба муҳоҷирони будубошашон ғайриқонунӣ манъ кунанд.

Пештар аз ин вакилони Думаи давлатии Русия як лоиҳаи қонунро пешниҳод карданд, ки ҳадафаш аз байн бурдани издивоҷҳои қалбакии муҳоҷирон бо шаҳрвандони ин кишвар гуфта мешавад. Аммо дар сурати қабул шудани ин пешниҳод, тартиби додани ҳаққи иқомати муваққатӣ (РВП) барои хориҷиёне, ки бо шаҳрвандони Русия издивоҷ кардаанд, сахттар хоҳад шуд.

Омодагии Путин барои ширкат дар интихоботи президентии Русия

Аз ҷониби
AZDA.TV
-
0

Владимир Путин, раисҷумҳури Русия барои номзад шудан дар интихоботи президентии кишвараш омодагӣ мебинад.

Хабаргузории Ройтерз аз шаш манобеи худ хабар дода, ки Путин қасди тарки қудратро надорад ва ӯ, ки аз соли 2000 амалан дар Русия қудратро дар даст дорад, дар интихоботи президентии кишвараш, ки қарор аст моҳи марти соли 2024 баргузор шавад, боз қасд дорад номзадияшро ба мақоми президентӣ пешбарӣ намуда, барои 4 соли дигар қудраташро ҳифз кунад.

Тибқи тағйироте, ки дар қонуни интихоботи ин кишвар чанд соле пеш ба вуҷуд омад, Путин метавонад то соли 2036 дар курсии қудрат бимонад.

Дар аҳмин ҳол Дмитрий Песков, сухангӯи Кремл рӯзи душанбе дар ҳузури хабарнигорон гуфт, ки “то ҳанӯз ҳеч тамоюле дар мавриди ширкат кардани Владимир Путин дар интихоботи оянда матраҳ нест. Ва инчунин ҳеч корзори интихоботие низ аз сӯи раисҷумҳур расман эълон нашудааст.”

Песков дар ҳоле аз омодагӣ надидани Путин барои ширкат дар интихоботи президентии ояндаи ин кишвар мегӯяд, ки чанде пеш гуфта буд, “Дар сурати номзад шудани Путин дар интихоботи соли 2024 бо ҳеч рақиби ҷиддие рӯбарӯ нахоҳад шуд.”

Ин изҳороти сухангӯи Кремлро аксари коршиносон дар рӯ ба диктотурӣ овардани режими Путин арзёбӣ карданд. Хусусан, пас аз сарнагун шудани ҳавопаймои Пригожен ва кушта шудани ӯ, ҳамчун “охирин мухолифи Путин”, ангушти иттиҳомот ҳама ба сӯи Путин равона шуд. Чун таҳлилгарон пас аз “исёни Пригожен” мегуфтанд, ки “Путин мухолифонашро намебахшад” ва ҳама аз пеш кушта шудани ӯро тахмин мезад.

Як манбаи Ройтерз гуфтааст, ки ҳоло Маскав аз як сӯ бо афзоиши фишорҳои ношӣ аз тӯлонӣ шудани ҷанг дар Украина ва аз сӯи дигар ба таҳримҳои Ғарб мувоҷеҳ аст, рафтани Путин аз қудрат, яъне “тағйироти бузург дар раҳбарии сиёсии кишвар” ба маслиҳат нахоҳад буд.

Раводид миёну Тоҷикистону Эрон бекор шуд

Аз ҷониби
AZDA-TV
-
0

Баъди анҷоми мулоқоти Раҳмон ва Раисӣ, миёни Тоҷикистону Эрон 19 санади нав ба имзо расид.

Бино ба иттилои сомонаи расмии Президенти Тоҷикистон, дар доираи сафари Иброҳим Раисӣ, раиси Ҷумҳурии исломии Эрон ба Душанбе ва мулоқоташ бо Эмомалӣ Раҳмон, ҷонибҳо санаду ёддоштҳои тафоҳумӣ дар бораи ҳамлу нақл, минтақаи озоди иқтисодӣ, ҳамкориҳои дарозмуддати иқтисодӣ ва тиҷоратӣ, таҳқиқоту технология, дар бораи мубориза бо маводи нашъаовар ва ғайраро имзо карданд.

Инчунин дар ҳузури Раисӣ ва Раҳмон вазирони корҳои хориҷаи Эрон ва Тоҷикистон санади рафтомади бе раводид (виза) миёни ду кишварро имзо кардаанд.

Гуфта мешавад, то ҳол миёни Тоҷикистон ва Эрон низоми раводид вуҷуд дошт ва борҳо шаҳрвандону фаъолони ду кишвар хоста буданд, ки ин низом бардошта шавад.

Дар пасманзари хабари сафари раисҷумҳури Эрон ба Тоҷикистон, Паймони миллии Тоҷикистон– эътилофи гурӯҳе аз мухолифони тоҷик дар хориҷ аз кишвар, бо навиштани номаи саргушода ба Иброҳим Раисӣ аз ӯ хоста буд, ки қазияи зиндониёни сиёсиро дар сафараш ба Душанбе бо Раҳмон дар миён бигузорад, аммо то ҳол маълум нест ин мавзуъро Раисӣ бо Раҳмон баррасӣ кардааст ё на.

Ёдовар мешавем, ки Иброҳим Раисӣ, Президенти Ҷумҳуриии исломии Эрон имрӯз, 8-уми ноябр бо як сафари корӣ вориди Душанбе шуд.

Сафари кории Раисӣ бояд дирӯз, 7-уми ноябр сурат мегирифт ва ду рӯз идома мекард, аммо бо сабабҳои номаълум он барои як рӯз ба таъхир афтод.

Ин сафари дувуми Иброҳим Раисӣ ба Тоҷикистон аз замони ба курсии президенти Эрон нишастанаш дар соли 2021 мебошад. Раисӣ бори аввал 16-уми сентябри соли 2021 бо ҳадафи ширкат дар ҷаласаи роҳбарони Созмони Ҳамкориҳои Шонгҳой бо сафари расмӣ ба Душанбе омада, аз “оғози фасли ҷадид дар муносибати ду кишвар” хабар дод.

Эмомалӣ Раҳмон дар гузашта пайваста ба Эрон сафар мекард, аммо дар давраи раёсатҷумҳурии Ҳасани Руҳонӣ аз соли 2013 то 2021 Раҳмон боре ҳам ба Эрон сафар накардааст.

Тира шудани муносибатҳои Тоҷикистону Эрон аз замони зиндонӣ шудани Бобаки Занҷонӣ шуруъ шуда буд, аммо бо бастани Ҳизби наҳзати исломии Тоҷикистон ин муносибатҳо тиратар гашт. Танщо пас аз 9 соли вақфа муносибатҳои ду кишвар дубора гарм шуд ва Эмомалӣ Раҳмон соли 2022 бо сафари дурӯза ба Эрон рафта буд.

Истиқболи Раҳмон аз Раисӣ: Меҳмон зери борон

Аз ҷониби
AZDA TV-2
-
0

Маросими пазироии Президенти Эрон дар Тоҷикистон тавре баргузор шуд, ки мизбон зери чатру меҳмон зери борон қарор гирифт.

Бино ба иттилои расмӣ, 8-уми ноябри соли 2023 Иброҳим Раисӣ, раисҷумҳури Эрон дар раъси як ҳайати боломақоми кишвараш вориди Тоҷикистон ва бо истиқболи гарми Эмомалӣ Раҳмон, Президенти Тоҷикистон рӯбарӯ шуд.

Маросими истиқболи расмии Президенти Ҷумҳурии исломии Эрон дар саҳни қасри Миллат дар маркази шаҳри Душанбе зери нам-нами борон баргузор шуд. Дар вақти баргузории ин маросим ҳама хайатҳои расмии ду кишвар зери борон қарор доштанд.

Дар як наворе, ки расонаҳои эронӣ онро нашр кардаанд, дида мешавад, ки ҳангоми муаррифӣ кардани ҳайатҳо ва бархе дигар аз бандҳои протоколӣ дар вақти баргузории ин маросим ёварони Эмомалӣ Раҳмон ва Иброҳим Раисӣ чатрҳои махсуси худро гирифта, болои сари онҳо доштанд, то тар нашаванд.

Аммо Президенти Эрон вақте мебинад, ки ҳама ба ғайри онҳо зери борон қарор доранд, аз ёвараш мехоҳад ва таъкид ҳам мекунад, ки чатрро аз болои сари ӯ бигирад. Ёвар чатрашро гирифта, аз онҳо дур мешавад. Вале Эмомалӣ Раҳмон чунин кореро анҷом надода, то охири маросим болои сараш чатерор нигаҳ медоранд, то тар нашавад.

Инчунин дар ин навор ба хубӣ дида мешавад, ки дар байни ҳама ҳайатҳои расмии меҳмонону мизбонҳо, қаровулҳои фахрӣ ва дигарон дар қисме аз ин барнома танҳо худи Эмомалӣ Раҳмон зери чатр қарор дорад ва дигарон ҳама зери борон росто истода, тар мешуданд.

Гуфта мешавад, аз замони сари қудрат омадани Иброҳим Раисӣ дар Эрон ин бори дуюм аст, ки ӯ ба Тоҷикистон сафар мекунад. Ин сафари ӯ бо даъвати расмии Эмомалӣ Раҳмон ба Тоҷикистон сурат гирифтааст.

Раҳмон ва Раисӣ аз Тоҷикистон ба Узбекистон мераванд

Аз ҷониби
AZDA-TV
-
0

Эмомалӣ Раҳмон ва Иброҳим Раисӣ субҳи 9-уми ноябри соли ҷорӣ барои иштирок дар ҷаласаи Созмони ҳамкории иқтисодӣ аз Душанбе ба шаҳри Тошканди Узбекистон мераванд.

Абдуфаттоҳ Шарифзода, сухангӯи Президент дар суҳбат бо “Asia-Plus” сафари Эмомалӣ Раҳмонро ба Тошканд тасдиқ карда, гуфтааст, ки он ҳамагӣ як рӯз давом мекунад ва бегоҳии рӯзи 9-уми ноябр раисҷумҳур ба Душанбе бармегардад.

Дар ҳамин ҳол, имрӯз сафари Иброҳим Раисӣ, Президенти Ҷумҳурии исломии Эрон ба Тоҷикистон сурат нагирифт ва қарор аст ӯ фардо, яъне 8-уми ноябр вориди Душанбе шавад.

Дар доираи ин сафар мулоқоти Эмомалӣ Раҳмон ва Иброҳим Раисӣ, ҳамчунин мулоқоти ҷонибҳо дар ҳайати васеъ, иштироки онҳо дар нишасти палатаи савдои Тоҷикистон ва Эрон, ки аз 7 то 12-уми ноябр дар Душанбе баргузор мешавад, дар назар аст.

Гуфта мешавад, субҳи 9-уми ноябр Иброҳим Раисӣ низ аз Душанбе ба Тошканд барои иштирок дар ҷаласаи Созмони ҳамкории иқтисодӣ меравад.

Ёдовар мешавем, ки рӯзҳои 8-9-уми ноябри соли 2023 дар Тошканд нишасти сарони Созмони ҳамкории иқтисодӣ (СҲИ) баргузор мешавад.

СҲИ соли 1985 аз ҷониби Эрон, Туркия ва Покистон пас аз бастани Паймони Измир таъсис ёфта, Тоҷикистон, Афғонистон, Қазоқистон,  Қирғизистон, Озарбойҷон, Туркманистон ва Узбекистон соли 1992 аъзои он шудаанд.

Дар ин нишаст бештар масоили ҳамкориҳои тиҷоративу иқтисодӣ, сармоягузорӣ, нақлиёту иртиботот ва башардӯстона баррасӣ мешавад.

Дар ҳамин ҳол, Хадамоти матбуотии Президенти Узбекистон хабар додааст, ки дар доираи ин нишастҳо мулоқоти дуҷонибаи Шавкат Мирзиёев бо як қатор раҳбарони кишварҳо дар назар аст.

Аммо Абдуфаттоҳ Шарифзода, сухангӯи Президенти Тоҷикистон гуфтааст, ки мулоқоти дуҷониба Раҳмонов бо сарони давлатҳои дигар дар назар нест.

Нишасти сарони кишварҳои исломӣ барои баррасии вазъи Фаластин

Аз ҷониби
AZDA TV-2
-
0

Нишасти изтирории сарони кишварҳои исломӣ дар пойтахти Арабистони Саудӣ баргузор мешавад.

Бино ба иттилои расмӣ, 12-уми ноябри соли 2023 нишасти изтирории сарони кишварҳои исломӣ дар шаҳри ар-Риёз, пойтахти Арабистони Саудӣ баргузор мегардад.

Ин нишасти изтирории сарони кишварҳои исломӣ ба хотири баррасии вазъи Фаластин ва бавежа ҳамлаҳои Исроил ба Навори Ғазза бо даъвати Арабистони Саудӣ, ки раҳбари давраии Созмони Ҳамкориҳои Исломиро бар уҳда дорад, сурат мегирад.

Гуфта мешавад, Исроил ҳамлаҳои худ алайҳи Навори Ғаззаро дар 7-уми октябри соли 2023 оғоз кард. Дар давоми ин як моҳи ҷанг дар Ғазза зиёда 10 ҳазору 328 нафар кушта, беш аз 25 ҳазор нафар захмӣ ба қайд гирифта шудааст, ки ба гуфтаи намояндаи Вазорати тандурустии Фаластин дар Ғазза, ҳудуди 70% қурбониёни ин ҷангро занону кӯдакон ташкил ташкил медиҳанд. Теъдоди кушташудаҳои фаластинӣ дар Каронаи Бохтарӣ низ беш аз 150 нафарро тайи ин як моҳ ташкил додааст. Дар бораи теъдоди дақиқи захмиҳо ва афроди боздоштшуда омори дақиқе вуҷуд надорад.

Исроил ҳамлаҳои худ ба Навори Ғаззаро баъд аз як ҳамлаи ғофилгиронаи нерӯҳои муқовимати фаластинӣ ба чанд пойгоҳи низомиёни исроилӣ, ки дар минтақаи ғилофи Ғазза ҷойгир буданд, оғоз кард. Мақомоти исроилӣ мегӯянд, ки нерӯҳои фаластинӣ дар вақти ҳамла ҳудуди 1400 нафарро, аз ҷумла ғайри низомиёнро куштанд. Оморе, ки ҷониби фаластинӣ ин иддаъоро рад мекунад. Бо ин вуҷуд, мақомоти исроилӣ теъдоди маҷруҳони худро беш аз 5 ҳазор нафар эълон кардаанд.

Шеваи нави сарбозгирӣ. Агар сарбоз наоред, масҷидро мебандем

Аз ҷониби
AZDA.TV
-
0

Мақомоти вилояти Хатлон давоми як ҳафтаи ахир ба масҷидҳо рафта, мардумро маҷбур доранд, ки фарзандҳояшонро барои адои хидмати ҳарбӣ аз Русия даъват кунанд ва дар акси ҳол масҷидҳоро мебандаднд ва волидайнро ба ҷарима ва ё зиндонӣ шудан таҳдид мекунанд.

Як манбаъ, аз ноҳияи Ҷайҳун, ки нахост ном ва номи деҳааш зикр шавад, дар суҳбат ба Azda tv гуфт, ки рӯзи 5-уми ноябр раиси маҳалла ҳамаро ба масҷид даъват кард. Пас аз ҷамъ шудани мардум, мақомот, аз ҷумла пулиси минтақавӣ, кормандони амниятӣ, комиссарияти ҳарбӣ бо шумули раисони маҳлла ва ҷамоат бо мардум соатҳо суҳбат карданд.

“Пас аз намози шом дар ҳол кормандони амният дарҳои масҷидро бастанд, ки касе берун наравад, тақрибан 4 соат бо мардум суҳбат карданд ва касеро берун рафтан намегузоштанд. Ҳатто соат 10 шуд барқ ҳам қатъ шуд, вале онҳо бо навбат суҳбат мекарданд.“, мегӯяд манбаъ.

Ба гуфтаи манбаи мо, талаби асосии мақомот аз мардум ин буда, ки фарзандҳоятонро аз Русия даъват кунед барои хидмати ҳарбӣ ва дар акси ҳол масҷидро мебандем ва инчунин шуморо ҳам ҷарима ва ҳам зиндонӣ шудан интизор хоҳад буд.

Як манбаи дигар низ аз ноҳияи Ёвон ҳолати мушобеҳро нақл карда, гуфт, ки аз тамоми мақомтҳои ноҳиявӣ дар масҷиди деҳа ҷамъомада, аз онҳое, ки фарзандонашон ва ё ҳатто хешу наздиконашон ба синни хидмати ҳарбӣ расидааст, талаб доранд, ки ҷавононро дар Русия ҳам бошанд, даъват кунанд ва барои хидмати ҳарбӣ фиристанд, агар чунин накунанд, масҷидҳои деҳаро мебанданд.

“Ҳар як имоми масҷид ва раиси маҳалла вазифадор шудааст, ки дар мавсими даъват ба артиш чанд ҷавонписарро, ки хидмати ҳарбӣ нарафтааст, ёфта, бурда ба мақомот супоранд. Агар чунин накунанд шахсан худашон ҷарима мешаванд ва масҷидашон баста мешавад.” гуфт манбаъ.

Аммо коршиносон бар ин назаранд, ки мақомоти кишвар шеваи наверо барои сарбозгирӣ пеш гирифтаанд. Ба гуфтаи онҳо, мақомот ин ҳуқуқро надоранд, ки мардумро барои хидмати сарбозӣ нарафтани писаронашон ба зиндон шудан ва ё бастани масҷидҳо таҳдид кунанд. Ин бархилофи қонунҳои амалкунандаи кишвар ва дигар меъёрҳои ҳуқуқӣ мебошад. Мақомоти ноҳияҳо дар аксар ҳолат аз мақоми худ сӯиистифода карда, по аз салоҳияти худ берун мегузоранд.

Афзоиши содироти семент дар Тоҷикистон

Аз ҷониби
AZDA TV-2
-
0

15-умин корхонаи сементбарорӣ дар Тоҷикистон имрӯз дар ноҳияи Исмоили Сомонии пойтахт, шаҳри Душанбе ба кор оғоз кард.

Бино ба иттилои расмӣ, Корхонаи истеҳсоли сементи Ҷамъияти саҳомии пӯшидаи “Тоҷиксемент”, ки дар наздкии Корхонаи сементбарории Душанбе сохта шудааст, 7-уми ноябри соли 2023 ба кори худ оғоз кард.

Корхонаи истеҳсоли сементи Ҷамъияти саҳомии пӯшидаи “Тоҷиксемент”, ки мансуб ба ширкати “Фароз”, ширкати домоди Эмомалӣ Раҳмон аст, дар ҳудуди 35 гектар аз заминҳои Корхонаи сементбарории “Душанбе” ки аз соли 1942 фаъолият мекард, сохта шудааст.

Корхонаи сементбарории “Душанбе” низ то соли 2014 Корхонаи “Тоҷиксемент” ном дошт. Соли 2014 бо Қарори Ҳукумат ба корхонаи “Сементи тоҷик” тағйири ном кард. 100% саҳмияҳои он моли давлат аст. Ин корхона бо ангишт кор мекунад ва дар он рӯзона 950-1000 тонна семент истиҳсол мешавад.

Аммо акнун ба гуфтаи Эмомалӣ Раҳмон, “баъди ба кор даромадани Ҷамъияти саҳомии пӯшидаи “Тоҷиксемент”, корхонаи сементбарории “Душанбе”, ки аз соли 1942 солҳои дароз кор кардаву фарсуда шудааст ва ба муҳити зисти шаҳр ва экология таъсир мерасонад, то охири сол фаъолияташ манъ карда мешавад.”

Дар ҷои ин қисме аз заминҳои боқимондаи корхонаи сементбарории “Душанбе” биноҳои баландошёнаи истиқоматӣ ва дигар корхонаҳои хурд ба нақша гирифта шудааст.

 10-уми июни соли 2019 байни Ҳукумати Ҷумҳурии Тоҷикистон ва Ҷамъияти саҳомии пӯшидаи “Тоҷиксемент” як созишномаи сармоягузорӣ барои сохтмон ва ба истифода додани корхонаҳои истеҳсоли семент, маҳсулоти сохтмонию бетонӣ ва халта имзо шуд.

Бар асоси ин Созишнома “Тоҷиксемент” муваззаф буд, ки бар иловаи истеҳсоли 1,2 миллон тонна семент 80 млн. дона халта истеҳсол кунад. Барои анҷоми ин лоиҳа ҷалби сармояи мустақим ба андозаи 100 млн. доллари амрикоӣ муқарра шуд. Аммо имрӯз дар хабарҳои расмӣ дар бораи истеҳсоли 80 миллион дона халта чизе гуфта нашудааст.

Гуфта мешавад, тибқи “маълумоти оморӣ талаботи ҷумҳурӣ ба семент дар як сол 3,0 млн тоннаро ташкил медиҳад. Ҳаҷми содиротӣ 33,0 фоизи сементи истеҳсолшударо ташкил медиҳад.” Ва Тоҷикистон дар давоми як сол беш аз 1,5 миллион тонна семент ба кишварҳои ҳамсоя содирот мекунад.

Иқтидори истеҳсоли семент дар Тоҷикистон дар як сол ба 5,5 миллион тонна баробар шудааст. Дар моҳҳои январ – сентябри соли 2023 ҳаҷми содироти семент ба кишварҳои ҳамсоя ба 781,6 ҳазор тонна ва ҳаҷми воридоти семент ба ҷумҳурӣ ба 25,3 ҳазор тонна баробар гардид.

Ба гуфтаи бархе коршиносон, раҳбарии корхонаи семетбарории “Душанбе”-ро Зайнуло Соҳибов, бародари Шамсулло Соҳибов, домоди Эмомалӣ Раҳмон аз соли 2012 ба ин сӯ бар уҳда дошт. Вай тавонист дар давоми ин даҳ сол албатта, бо кумаки Эмомалӣ Раҳмон дар ҳудуди заминҳои ин корхонаи давлатӣ як корхонаи хусусии худро сохта, қисме аз заминҳои боқимондаи онро дар оянда бо пули калон ба хонасозон бифурӯшанд.

Вазъи фоҷеабори инсонӣ дар Ғазза ва тазоҳуроти ҷаҳонӣ

Аз ҷониби
AZDA.TV
-
0

Рӯзи якшанбе, 5-уми ноябри соли ҷорӣ дар чанде аз кишварҳои дунё тазоҳурот ва роҳпаймоиҳои бузурге дар пуштибонӣ аз мардуми бегуноҳи Ғазза ва вазъияти фоҷеабори инсонӣ дар ин минтақа доир шуд.

Бино ба иттилои расонаҳо, рӯзи якшанбе ҳазорон нафар дар Вашингтони Амрико роҳпаймоӣ карда, дар назди Кохи Сафед аз мақомоти ин кишвар, хостанд ҷанг дар Ғазза ва кушта шудани нафарони бегуноҳ, аз ҷумла кӯдакону занон мутаваққиф шавад.

Ҳамчунин дирӯз дар кишварҳои Инданезия, Покистон, Туркия, Суед, Лаҳистон ва чанд кишвари дигар тазоҳуроти густардае доир гашта, садҳо ҳазор аз сокинони ин кишварҳо барои талаби таваққуфи ҷанг ва кушта шудани занону кӯдакони бегуноҳ роҳпаймоӣ карданд.

Ҳамзамон дирӯз, 5-уми ноябр масъулони 11 ожонси тобеи Сзмони Милали Муттаҳид бо шумули 6 созмони байналмилалии ҳомии ҳуқуқи инсон бо нашри баёнияи муштарак хостори оташбаси фаврӣ дар Ғазза шудаанд. Ин ниҳодҳои байналмилалӣ ҳамлаи ҲАМОС ба Исроилро, ки рӯзи 7-уми октябр анҷом ёфт ва беш аз 1400 нафар куштаву ҳудуди 250 кас асир гирифта шуд, маҳкум карда, дар баробари он талаб кардаанд, ки барои ҳифзи ҷони мардуми бегуноҳи Ғазза низ ҳарчи сареъ барои расондани кумакҳои башардӯстона ва маводи зарурӣ иҷозат дода шавад.

Дар ҳамин ҳол Ожонси имдодрасонӣ ва корёбӣ барои оворагони фаластинии Созмони Милали Муттаҳид (UNRWA) вазъи инсонӣ дар Ғаззаро фоҷеабор хонда, эълон кард, ки ҳамлаҳои бесобиқаи шаби гузаштаи артиши Исроил ба Ғазза садҳо кушта ва захмӣ баҷо гузошт. Ин ниҳоди байналмилалӣ мегӯяд, ба таври миёнгин байни ҳар 10 дақиқа як кӯдак дар Ғазза ҷони худро аз даст медиҳад ва ду кӯдаки дигар захмӣ мешавад.

Ҳамчунин UNRWA мегӯяд, аз оғози ҳамлаҳои Исроил ба Ғазза 50 мактаби зери ҳимояти СММ бомборон шуда, 80 коргараш кушта шудаанд. Ба қавли сухангӯи ин ожонси байналмилалӣ Аднон Абуҳасана, дар дохили Ғазза беш аз миллион нафар овора шудаанд, ки 700 ҳазори онҳо дар паноҳгоҳҳои марбут ба ин созмон паноҳ бурдаанд. Аднон мегӯяд, маводи ғизоие, ки ба дасти онҳо расидааст, танҳо барои 5 рӯз кифоят мекунад ва инчунин маводи сӯхт низ ба зудӣ ба охир мерасад. Вай меафзояд, ки дар ҳолати ба охир расидани маводи ғизоӣ ва сӯхт “вазъи фоҷебореро дар Ғазза шоҳид хоҳем шуд.”

Бино ба гузориши Вазорати беҳдошти Фаластин, аз оғози ҳамлаҳои Исроил ба Навори Ғазза зиёда аз 10 ҳазор нафар кушта шудаанд, ки беш аз 70 дарсади онҳоро кӯдакону занон ва пиронсолон ташкил медиҳанд. Ва аммо, омори захмиён аз 24 ҳазор ҳам бештар гуфта мешавад.

Даъвати ҳафт созмони ҳуқуқи башар барои озодии Холиқназаров

Аз ҷониби
AZDA-TV
-
0

Ҳафт созмони байналмилалии ҳомии ҳуқуқи инсон иқдомеро барои дастгирӣ ва озодии Манучеҳр Холиқназаров ба роҳ мондаанд.

Cозмонҳои ҳуқуқии “International Partnership for Human Rights”, “Amnesty International”, “Freedom now”, “Norwegian Helsiki Committee”, “Frontline Defenders”, “The Observatory for the Protection of Human Rights Defenders” ва “Helsinki foundation for human rights” аз ҳама нафароне, ки дар қазияи адвокати зиндонӣ Манучеҳр Холиқназаров бетараф нестанд, даъват кардаанд, ки барои дастгирии ӯ барояш ба зиндон нома фиристанд.

Инчунин ин созмонҳо аз мардум хостаанд, ки ба Вазорати корҳои хориҷа, Додситонии кул ва Президенти Тоҷикистон нома навишта, изҳори нигаронии худро аз ҳукми ноодилонаи ҳомии ҳуқуқ Мануҳер Холиқназаров баён намоянд ва аз мақомдорони тоҷик озодии беқайду шайрти ӯро талаб кунанд.

Ёдовар мешавем, ки Манучеҳр Холиқназаров моҳи майи соли 2022 дар пасманзари ҳодисаҳои ахири Бадахшон боздошт ва моҳи декабри соли 2022 бо иттиҳомоти сохта, (ҳамкорӣ бо созмонҳои ҷиноӣ ва мамнуъ) ба 16 сол зиндон маҳкум шуд. Созмонҳои байналмилаӣ боздошти ӯро ғайриқонунӣ ва иттиҳоми нисбати ин ҳомии ҳуқуқро сохта медонанд.

Холиқназоров то замони боздошташ мудири Анҷумани ҳуқуқшиносони Помир буд ва моҳи ноябри соли 2021 ба “Комиссияи 44”, ки дар ҳамкорӣ бо муфаттишони Додситонии кул кушта шудани Гулбиддин Зиёбеков ва беназмиҳоро дар маркази ВМКБ таҳқиқ мекарданд, пайваста буд. Ҳоло аксари аъзои ин комиссия бо иттиҳомоти ҳамсон барои солҳои тӯлонӣ равонаи зиндон гаштаанд.

1...252253254...786саҳифаи 253 аз 786