Қодирзода инчунин мегӯяд, бо баъзе кишварҳо, аз ҷумла Русия созишномаҳои бузурги сармоягузорӣ ҷараён дорад. Ба гуфтаи ӯ, яке аз созишномаҳои бузурги сармоягузорие, ки байни Тоҷикистону Русия дар моҳи сентябри соли 2022 баста шуда буд, созишномаи миёни Тоҷикистон ва ҶСК “БТК Групп” мебошад, ки тибқи он бунёди корхонаи муштараки дӯзандагии Тоҷикистону Русия дар Тоҷикистон дар назар аст.
“Маблағи ин созишнома беш аз 200 миллион долларро ташкил медиҳад”, – мегӯяд Қодирзода. Ба гуфтаи ӯ, инчунин корҳо барои ба имзо расидани созишномаҳо бо Русия дар соҳаи истихроҷи маъдан, бонкдорӣ ва дигар соҳаҳо идома доранд.
Мақомоти корҳои дохилӣ ва амниятии Тоҷикистон бо гузашти 8 сол аз кушта шудани собиқ муовини аввали вазири мудофиа то ҳол фишорҳои худро алайҳи ворисони ӯ афзоиш медиҳанд.
Ҷамъе аз тоҷикони муқими Олмон барои баргузории як гирдиҳамоии бузург дар шаҳри Дортмунди Олмон фарохони умумӣ эълон кардаанд.
Имрӯз, 14-уми феврали соли 2023, ҷамъе аз фоъолони сиёсии тоҷик дар Аврупо ҳамроҳ бо ҳамтоёни олмонии худ бо эълони як фарохони умумӣ барои баргузории гирдиҳамоӣ аз тамоми тоҷикони муқими кишварҳои аврупоӣ хостаанд, ки бо онҳо ҳамроҳ шаванд.
Дар матни ин фархони гирдиҳмоӣ омадаст, ки: “Гуруҳе аз дӯстони Абдуллоҳи Шамсиддин тасмим гирифтанд, рӯзи панчшанбе 16 феврал аз соати 15:00 то 17:00 дар назди Идораи кор бо хориҷиёни шаҳри Дортмунди Олмон пикет (гирдихамоӣ) баргузор кунанд.”
Ташкилкунандаҳои ин гирдиҳамоии эътироз таъкид мекунанд: “Мо аз тамоми дӯстон ва тоҷикони муқими Аврупо дават мекунем, то дар ин маросим ширкат ба амал оваранд.”
Аз замони боздошти фаъоли сиёсии тоҷик Абдуллоҳои Шамсиддин ва ихроҷи ӯ аз Олмон ба Тоҷикистон то кунун дасти кам чор маротибаи дигар ҳам дӯстону ҳамкорон ва дигар фаъолони сиёсӣ барои озодии ӯ чунин ҳамоишҳои эътирозиеро дар Олмон баргузор карда буданд.
Ҳафтае пеш Ҳизби сабзҳои Олмон дар ин қазия ҳамроҳ шуда, бо баргузории як иқдоме барои ҷамъоварии имзоҳои адолатхоҳӣ барои Абдуллоҳи Шамсиддин гуфта буд, ки ин қазияро ба парлумони Олмон ва сипас дар сатҳҳои болоии давлат ҳам матраҳ хоҳад кард.
Гуфта мешавад, мақомоти Олмон Абдуллоҳи Шамсиддинро моҳи сентбяри соли 2022 ба далели исбот надоштани ҳуҷҷати иқомат аз хонааш боздошт ва 18-уми январи соли ҷорӣ ба Тоҷикистон ихроҷ карданд. Мақомоти Тоҷикистон билофосила аз дохилаи ҳавопаймо ӯро боздошт карда, ба ҷои номаълум интиқол доданд ва то ҳол дар бораи макони буду бошаш хабар надодаанд.
Аммо мардум ба ин ислоҳот эътироз карданд ва мегӯянд, ки бархе аз чеҳраҳои муҳими давлати кунунӣ, аз ҷумла шахси нахуствазир, Бинёмин Натанёҳу ба қаллобӣ ва пулшӯӣ муттаҳаманд ва алайҳи онҳо парвандаи фасоди молӣ боз шудааст. Ва давлати Натанёҳу мехоҳад бо ворид кардани ин ислоҳот таҳқиқот дар бораи худ ва аъзои ҳукуматашро бекор кунад.
Эътирозгарон мегӯянд, ислоҳот дар низоми додгоҳии давлат, демократия ва ҳокимияти қонунро дар ин кишвар зери хатар меандозад.
Давлати кунунии Исроил бо раҳбарии Натанёҳу, ифротӣ ва мазҳабитарин кобинаи давлат дар торихи ин кишвар дониста мешавад.
Дар ҳамин ҳол, бо вуҷуди мушкилоти дохилӣ ва эътирозот алайҳи давлати Натанёҳу нерӯҳои исроилӣ ба Каронаи Бохтарӣ юриш бурда, бо силоҳҳои вазнин баъзе нуқтаҳои шаҳри Ғаззаро бомборон карданд.
Бино ба иттилои расонаҳои маҳаллӣ, танҳо дар давоми як моҳи гузашта наздик ба 50 нафар аз сокинони осоиштаи фаластинӣ, аз ҷумла кӯдакону пиронсолон дар ҳамлаҳои нерӯҳои исроилӣ кушта шудаанд.
Сомзмони Милали Муттаҳид мегӯяд, ки бар асари заминларзаҳои шадиди Туркия ва Сурия 7 миллион кӯдак дар ин минтақа осеб дидааст.
Бино ба иттилои шабакаи “Алҷазира”, намояндаи Хазинаи кӯдакони Созмони Милали Муттаҳид (UNICEF) гуфтааст, ки бар асари заминларзаҳои 6-уми феврали соли 2023 ва пасларзаҳои он ҳудуди 7 миллион кӯдак осеб дидааст.
Ба қавли манбаъ, дар натиҷаи ин ҳодисаҳо дар Туркия ҳудуди 4,5 миллион кӯдак ҳамроҳ бо хонаводаҳояшон ва дар Сурия 2,5 миллион кӯдаки дигар ҳамроҳ бо хонаводаҳояшон аз даҳшати заминларзаҳо аз нигоҳи равонӣ осеб дидаанд ва ба дармон ниёз доранд.
