Mega Menu - Page 453 of 748

Тоҷикистон барои мубориза бо коронавирус $25 млн-и дигар дарёфт кард

Аз ҷониби
firuzihait
-

15/03/2022
0

Ассотсиатсияи Байналмилалии Рушд ба Тоҷикистон $25 млн-и дигар барои мубориза бо COVID-19 медиҳад.

Бино ба иттилои Вазорати молия 14-уми марти соли ҷорӣ байни Тоҷикистон ва Ассотсиатсияи Байналмилалии Рушд созишнома барои маблағгузории сеюми иловагӣ дар доираи Лоиҳаи мубориза бо COVID-19 ба имзо расид.

Ин созишномаро Вазири молияи Тоҷикистон Қаҳҳорзода Файзиддин ва намояндаи доимии Бонки ҷаҳонӣ дар Тоҷикистон Озан Севимли ба имзо расониданд.

Арзиши умумии лоиҳа 25 миллион долларро ташкил дода, татбиқи он соли 2022 оғоз шуда, 31-уми июни соли 2023 ба охир мерасад.

Вазири хориҷии Эрон дар Маскав ҷанг дар Украинаро маҳкум кард

Аз ҷониби
amrullokhi
-

15/03/2022
0

Субҳи имрӯз Вазири умури хориҷии Эрон дар раъси як ҳайъати баландпояи кишвараш барои гуфтугӯ бо ҳамтои русиаш вориди Маскав шуд.

Бино ба иттилои расонаҳо, Амир Абдуллоҳиён, Вазири умури хориҷи Эрон пас аз вуруд ба Маскав ба хабарнигорон гуфт, ки вай ва ҳамроҳонаш барои анҷоми гуфтугӯ дар се маврид, аз ҷумла раванди музокироти қудратҳои ҷаҳонии 5+1 дар Вена, ки муваққатан боздошта шудааст ва гуфтугӯ дар бораи ҷанг дар Украина озими Русия шудаанд.

Амир Абдуллоҳиён бо сароҳат гуфт, ки Эрон ҷанг дар ҳама нуқтаҳои ҷаҳон, аз он ҷумла ҷанг дар Яману Афғонистон ва ҷанг дар Украинаро ҳам маҳкум мекунад.

Вазири умури хориҷии Эрон дар ҳоле дар қалби Маскав ҷанг дар Украинаро маҳкум карда, ки ҷумҳурии исломӣ пас аз суқути ҳавопаймои украинӣ дар Теҳрон, ки ду сол пеш тавассути “Сипоҳи посдорон” мавриди ҳадаф қарор гирифта буд, аз вокунишҳо ва амалкардҳои Украина ранҷида ва дар ин ҷанг бештар ҷониби Русияро гирифтааст.

Пеш аз ин раҳбари Эрон Алии Хоманаӣ ҳам дар бораи ҷанг Украина ва ҳамлаҳои густардаи Русия ба хоки он кишвар Амрико ва дар умум кишварҳои Ғарбро муқассир дониста буд.

Гуфтанист, Эрон аз як сӯ намехоҳад дар ин марҳилаи ҳассос Амрико ва дигар ҳампаймонони он дар Ғарбро биранҷонад ва аз сӯи дигар ба ҳеч ваҷҳ моил нест Русияро, ки дар ин чанд соли ахир дар канораш буд, аз даст бидиҳад.

Аз ҷониби дигар Русия низ мехоҳад бо анҷоми музокироти Вена, ки дар назар аст бо анҷоми он бахше аз таҳримҳои Ғарб алайҳи Эрон бардошта шаванд, Теҳронро, ки дар ин чанд соли ахир ба он кумак мекард, аз даст надиҳад.

Русия субҳи 24-уми феврали соли ҷорӣ ҳамлаҳои густурдаи худро ба шаҳру деҳоти Украина оғоз кард ва бо гузашти 19 рӯз ҳанӯз ҷанг идома дорад. Кишварҳои узви Иттиҳоди Аврупо ва хеле аз ҳампаймонони ғарбии Украиана алайҳи Русия зиёда аз 5500 намуди таҳримҳоро ҷорӣ карданд ва акнун Русия дар инзивои иқтисодӣ қарор гирифтааст.

Вакилони мудофеъ Овсянниковаро пайдо карда наметавонанд

Аз ҷониби
firuzihait
-

15/03/2022
0

Вакилони мудофеъ муҳаррири “Шабакаи якум”-и Русия Марина Овсянниковаро, ки бо шиори зиддиҷангӣ дар барномаи “Время” дар эфир баромад, пайдо карда наметавонанд.

Гуфта мешавад, ки хонум Марина пас аз ин ҳодиса боздошт шуда, то ҳол макони нигаҳдорияш маълум нест.

Қаблан хабар дода шуда буд, ки Овсянникова ба шӯъбаи пулиси ноҳияи Останкинои Маскав бурда шудааст. Аммо вақте вакили созмони “Ҳимояи ҳуқуқ” Анри Тсискаришвили ба онҷо рафт, Маринаро пайдо накард.

Адвокат Даниил Берман аз созмони “Агора” ба расонаҳо гуфт, ки вакилони мудофеъ Овсянниковро на дар шӯъбаи пулиси Останкино ва на дар дигар шӯъбаҳои пулиси шаҳр пайдо карда натавонистанд.

Ёдовар мешавем, ки шоми 14-уми март замоне, ки пахши мустақими барномаи хабарии “Время” аз “Шабакаи якум”-и Русия ҷараён дошт, муҳаррири ин шабака Марина Овсянникова бо шиори зиддиҷангӣ пушти сари ровии барнома Екатерина Андреева пайдо шуд ва чанд маротиба “Ҷангро бас кунед” гуфта садо баланд кад. Навиштаҷоте, ки ӯ дар даст дошт, чунин ҷумлаҳо дарҷ гардида буд: “Нест бод ҷанг! Ҷангро бас кунед! Ба таблиғот бовар накунед! Инҷо шуморо фиреб медиҳанд!”.

Баъдан дар шабакаҳо паёми видеоие пайдо шуд, ки Овсянникова онро пеш аз ин амалаш сабт карда будааст. Дар ин навор хонум Марина мегӯяд, ки “Мутаассифона, солҳои ахир ман дар “Шабакаи якум” кор карда, таблиғоти Кремлро мекардам. Аз ин корам шарм медорам”.

Дар идома Овсянникова мегӯяд, “Он чи ки ҳоло дар Украина рӯй медиҳад, ҷиноят аст. Русия як кишвари таҷовузкор аст ва барои ин таҷовузкорӣ танҳо як нафар масъул аст. Ин шахс Владимир Путин аст. Русия бояд фавран ҷанги бародаркушро бас кунад.”

«К сожалению, в последние годы я работала на Первом канале и занималась кремлевской пропагандой, и мне сейчас очень стыдно за это». Редактор Марина Овсянникова, прорвавшаяся в прямой эфир с антивоенным плакатом, до этого записала видеообращение. pic.twitter.com/fahgGOjPaV

— The Insider (@the_ins_ru) March 14, 2022

Дар шабакаҳои иҷтимоӣ мардум аз тамоми ҷаҳон ба ӯ барои ин амалаш таҳсин гуфтанд. Аз ҷумла Президенти Украина Владимир Зеленский дар паёми нави видеоии худ аз ҷуръати Овсянникова ситоиш намуда, барои ин амалаш ба ӯ ташаккур гуфт.

Раҳимзода аз СММ хостори кумак барои паноҳҷӯён дар Тоҷикистон шуд

Аз ҷониби
AZDA TV
-

15/03/2022
0

Вазири корҳои дохилии Тоҷикистон Рамазон Раҳимзода 14-уми март аз Намояндаи Созмони Миллали Муттаҳид дар умури паноҳандагон барои кумак ба паноҳҷӯёни афғонистонӣ дархости кумак кард.

Рамазон Р. вазири ВКД бо Намояндаи СММ дар умури паноҳандагон Мулугета З. (Акс аз ВКД)

Тавре дафтари матбуоти ВКД хабар дод, вазири корҳои дохилии Тоҷикистон дар мулоқот бо роҳбари Намояндагии Комиссари Олии Созмони Милали Муттаҳид дар умури паноҳандагон (UNHCR) дар Тоҷикистон Мулугета Зевди дар мавриди таҳкими ҳамкориҳо дар самти кор бо паноҳандагони афғонистонӣ ва роҳҳои ҳифзи ҳуқуқу расонидани кумак ба онҳо гуфтугӯ карданд.

Дар мулоқот вазири корҳои дохилии кишвар мушкилоти паноҳҷӯён аз Афғонистон ба Тоҷикистонро яке аз масъалаҳои “душвор” унвон” карда, барои қабули бештари онҳо дар ҳудуди кишвар аз Намояндагии Комиссари олии СММ дар умури паноҳандагон дархости кумак кард.

Гуфта мешавад, Мулугета Зевди дар навбати худ аз ҳамкории судманд изҳори миннатдорӣ намуда, барои рафъи мушкилоти паноҳандагон ва фароҳам сохтани шароити беҳтар ваъдаи кумак кардааст.

Барқияи табрикотии Эмомалӣ Раҳмон ба Сардор Бердимуҳаммадов

Аз ҷониби
amrullokhi
-

15/03/2022
0

Президенти Тоҷикистон Эмомалӣ Раҳмон бо ирсоли як
Эмомалӣ Раҳмон дар ин паёми табрикотиаш қайд карда, ки “мо ба муносибатҳои дӯстӣ ва ҳамкории барои ҷонибҳо судманди Тоҷикистон ва Туркманистон, ки бар усули шарикии стратегӣ асос ёфтаанд, аҳаммияти хосса медиҳем.”

Президенти Тоҷикистон дар охири ин барқияи табрикотиаш таъкид карда, ки “бо Шумо ҷиҳати пешбурди минбаъдаи муносибатҳои байнидавлатии ду кишвар ба нафъи мардумонамон ва дар рӯҳияи ҳамдигарфаҳмӣ, эҳтироми якдигар ва эътимод таъкид намоям.”

Гуфтанист, дар корзори интихобти президентии Туркманистон, ки якшанбеи 13-уми марти соли ҷорӣ баргузор шуд, 9 нафар аз ҳизбҳои гуногун бо ҳам рақобат намуда, ба ҷуз Сардор Бердимуҳаммадов, писари президенти ин кишвар Қурбонқулӣ Бердимуҳаммадов, боқӣ номзадҳо аз ҳама бештараш 11,09% ва аз ҳама камтар 1,08% овозҳоро ба даст оварданд.

Дар Туркманистон писар ба ҷои падар президент шуд

Аз ҷониби
AZDA TV
-

15/03/2022
0

Дар Туркманистон интиқоли қудрат аз падар ба писар сурат гирифт. Акнун Сардор Бердимуҳаммадов, писари Президент Қурбонқулӣ Бердимуҳаммадов дар ин кишвар ба курсии қудрат нишаст.

Комиссияи марказии интихобот ва раъйпурсии Туркманистон рӯзи сешанбе барандаи интихоботи президентии ин кишварро эълон кард. Тибқи эълони ин ниҳод, Сардор Бердимуҳаммадов номзад аз Ҳизби демократи Туркманистон бо ба даст овардани орои бештар барандаи мутлақи интихоботи ин кишвар эълон шуд.

Бино ба иттилои Комиссияи марказии интихобот ва раъйпурсии Туркманистон, дар рақобатҳои интихоботии ин кишвар муовини раиси Девони вазирони Туркманистон Сардар Бердимуҳамедов 72,97% овоз ба даст овардааст.

Тавре Комиссияи марказии интихоботии Турманистон хабар дод, дар интихоботи ин кишвар беш аз 97 дарсади раъйдиҳандагон иштирок намудаанд. “Аз 3 миллиону 460 ҳазору 80 нафар интихобкунандагони сабтиномшуда дар ин кишвар 3 миллиону 362 ҳазору 52 нафар овоз додаанд, ки ин шумора 97,17 дарсадро ташкил медиҳад.”, омадааст дар хабар.

Гуфта мешавад, дар корзори интихобти президентии Туркманистон, ки якшанбеи 13-уми марти соли ҷорӣ баргузор шуд, 9 нафар аз ҳизбҳои гуногун бо ҳам рақобат намуда, ба ҷуз Сардор Бердимуҳаммадов, писари президенти ин кишвар Қурбонқулӣ Бердимуҳаммадов, боқӣ номзадҳо аз ҳама бештараш 11,09% ва аз ҳама камтар 1,08% овозҳоро ба даст оварданд.

Ҳалокати падару писар бар асари фаромадани тарма

Аз ҷониби
firuzihait
-

14/03/2022
0

Бар асари фаромадани тарма дар шоҳроҳи Хоруғ-Мурғоб, дар ҳудуди ноҳияи Шуғнони Вилояти Мухтори Кӯҳистони Бадахшон як падар ҳамрои писараш ба ҳалокат расиданд.

Бино ба иттилои дафтари матбуотии Кумитаи ҳолатҳои фавқуллодаи Тоҷикистон, 12-уми марти соли ҷорӣ як мошини боркаши тамғаи “Дулан”, ки онро сокини 63-солаи ноҳияи Рӯдакӣ идора мекард, бо мусофири 40-сола, ки писари ронанда будааст, бар асари фаромадани тарма ба дарёи Ғунд чаппа шудааст. Падар ва писар дар ҷои ҳодиса ба ҳалокат расидаанд.

Дар натиҷаи корҳои ҷустуҷӯӣ-наҷотдиҳӣ ҷасадҳои фавтидагон пайдо ва ба мақомоти ҳифзи ҳуқуқ супурда шудааст.

Инчунин дар ҳамон рӯз, дар километри 71-уми шоҳроҳи Душанбе-Варзоб ҳангоми ҳаракат аз Хуҷанд ба самти Душанбе як мошини боркаши тамғаи “Мерседес DAF” таҳти идораи марди 45-солаи сокини шаҳри Ҳисор ва як мусофир зери тарма монда, мошин ба чуқурии 100 метра чаппа шудааст.

Наҷотдиҳандагони КҲФ бо кормандони ширкати “IRS” мардонро аз мошин берун оварда, ба беморхонаи ноҳиявӣ бурдаанд.

Маҷмуан, дар чанд рӯзи охир дар шоҳроҳҳои Душанбе-Хуҷанд, Душанбе-Хоруғ, Хоруғ-Ишоқшим ва Хоруғ-Мурғоб 36 маротиба фаромадани тарма ба қайд гирифта шудааст.

Аз аввали сол дар кишвар 257 маротиба фаромадани тарма ба қайд гирифта шудааст.

1...452453454...748 саҳифаи 453 аз 748