Додситонии кулли Ҷумҳурии Озарбойҷон 19-уми июл хабар дод, ки шаҳрванди Тоҷикистон Мирзоғоева Маҳбуба Абдусамиевнаро боздошта ва ба Тоҷикистон супурд.
Акс аз Интернет
Тавре расонаи “Trend” бо истинод ба Додситонии кулли Озарбойҷон хабар дод, хонум Маҳбуба бо иттиҳоми “қаллобӣ ва расонидани зарари махсусан калон” ва бо дархости мақомоти Тоҷикистон дар ҷустуҷӯи байналмилалӣ қарор дошт.
“Додситонии кулли Тоҷикистон тибқи талаботи қонунгузории миллӣ ва шартномаҳои байналмилалие, ки Озарбойҷон ҳам узви он аст, ба Додситонии кулли Озарбойҷон барои истирдоди Мирзоғоева Маҳбуба Абдусамиевна, ки дар қаламрави Тоҷикистон ҷиноят содир кардааст, дархост ирсол намуд, то вай ба ҷавобгарии ҷиноятӣ кашида шавад.”, омадааст дар хабар.
Додситонии кулли Озарбойҷон рӯзи 19 июл хабар дод, ки хонум Маҳбуба Мирзоғоева бо ҳамроҳии як ҳайати махсуси Хадамоти иҷрои ҷазои ҷиноятии Вазорати адлияи Озарбойҷон ба Тоҷикистон истирдод шуд.
Дар бинои шарҳдории шаҳри Липетски Русия 15-уми июл маросими ботантанаи имзои санадҳои ҳамкорӣ миёни шаҳрҳои Липетск ва Хуҷанд баргузор гардид.
Акс аз сомонаи “news.tpprf.ru”
Дар чорабини мазкур раиси шаҳри Липетск Евгения Уваркина, муовини раиси шаҳри Хуҷанд Бахтиёр Боқизода, раиси Шӯрои шаҳри Липетск Александр Афанасев, раиси Палатаи савдо ва саноати Липетск ва намояндагони ширкатҳои тиҷоратии Липетск ҳузур доштанд.
Раиси шаҳри Липетск Евгения Уваркина бо қаноатмандӣ қайд кард, ки тоҷирони Липетск чанд сол ин ҷониб бо шарикони тиҷории худ аз Хуҷанд ҳамкории самаранок доранд.
“Мо бо камоли мамнуният пешниҳоди ҳамкориро қабул мекунем ва омода ҳастем, ки дар якҷогӣ робитаҳои иқтисодӣ барқарор кунем ва содироти худро инкишоф диҳем”, – қайд кард Евгения Уваркина.
Дар ин чорабинӣ “Раиси иҷлоси 76-уми МУ СММ А.Шоҳид, Дабири кулли СММ А. Гутерриш ва Раиси Шӯрои иқтисодӣ ва иҷтимоии СММ К. Келапиле иштирок ва суханронӣ карда, аҳаммияти баргузории чорабинии мазкурро дар мубориза ба таъсири тағйирёбии иқлим ва ҳифзи муҳити зист муҳим арзёбӣ карданд.”
Ба иттилои Вазорати корҳои хориҷии Тоҷикистон, раҳбари ҳайати намояндагии кишвар Шерилизода Баҳодур дар нишасти мазкур “ба ҳайси панелист дар сегменти аввали чорабинӣ таҳти унвони “Коркарди вокунишҳои ҳамоҳангшудаи низоми муштарак дар мубориза бар зидди чолишҳои ҷаҳонӣ” суханронӣ ва се таҳдиди умдаи ҷаҳонӣ, аз ҷумла тағйирёбии иқлим, аз даст додани биогуногунӣ ва ифлосшавии муҳити зистро зикр кард. Мавсуф зимни суханронии худ аз таъсири тағйирёбии иқлим ба вазъи экологӣ дар Осиёи Марказӣ, ба хусус Тоҷикистон ва чораҳои андешидашудаи кишвар дар ин маврид гуфт.”
Хабаргузории “Ройтерз” аз тирборони шадиди шудани шаҳри Сумӣ дар шимол, партоби бомбаҳои кассетӣ ба Миколайв ва як зарбаи мушакӣ дар Одесса ҷануби Украина хабар дод.
Бино ба иттилои расонаҳо, Русия пас аз он ки дар оғози ҳамла ба Украина аз рӯзи 24 феврал пойтахти ин кишвар Киевро забт карда натавонист, ба ҳмалаҳои харобиовар ва бомбборон кардани шаҳрҳои Украина бо мушаркҳои дурафкан шуруъ кардааст.
Гуфта мешавад, ҳоло Русия нерӯҳои худро дар ҷанубу шарқи Украина мустақар карда, барои назорат ва забти бештари ин манотиқ талош дорад. Вале барои ҳарос додани ҳукумати Киев гоҳо дигар шаҳрҳои ин кишварро низ аз дур бомбборон мекунад.
Ёдовар мешавем, ки Русия аз субҳи 24-уми феврали соли ҷорӣ ҳамлаҳои худ ба хоки Украинаро оғоз бахшид. Пас аз ҳамлаи Русия ба Украина таҳримҳои шадиди Амрико ва Ғарб болои Маскав ҷорӣ карда шуд. Пас аз он Русия аз баъзе манотиқ ақибнишинӣ кард, вале минтақаи Луганск, Донетск ва дигар минтақаҳои шарқии Украинаро ба куллӣ забт кард.
Дар натиаҷаи ин ҷанг миллионҳо шаҳрвандони Украина ба хориаҷ кишвар овора шуданд ва ҳазорҳо сарбоз аз ду тараф кушта шудааст.
Қаблан хабаре нашр шуда буд, ки 4 июн дар шаҳри Чекалини ноҳияи Суворови вилояти Тула дар як хонаи шахсӣ ду нафари номаълум ба соҳибхона ҳамла карда, маблағи бузургро ғорат кардаанд. Марди 52-соларо дар рӯи ҳавлӣ, дар яке аз ҷуқуриҳои барои қубури об канда дафн кардаанд. Ҳамсари соҳибкорро латукӯби шадид карда, сипас таҷовуз кардаанд. Ӯро бо корд тарсонида, маҷбур карданд, ки хазина (сейф)-ро кушояд ва тақрибан се миллион рубл, соат ва ҷавоҳиротро ғорат кардаанд.
Гуфта мешавад, яке аз муҳоҷирон 31-сола ва дигаре 18-сола буда, пас аз содир кардани ҷиноят пароканда шуда, якеаш ҳангоми парвоз дар фурудгоҳ боздошт шудааст. Пулис мегӯяд, яке онҳоро аз Маскав ва дигариро аз вилояти Ленинград боздошт кардааст.
Мақомоти Русия ҳардуи онҳоро шаҳрвандони Тоҷикистон гуфтааст, аммо назари худи боздоштшудаҳо ва ё вакили дифоъашон дастрас нест.
Сафари сарони Русия ва Туркия ба Эрон ва имзои қарордодҳои азими дарозмуддат дар ҳоле баргузор мешавад, ки Аморати муттаҳидаи Араб ва Арабистони Саудӣ, ду тан аз ҳампаймонони аслии Амрико дар Ховари Миёна низ хостори беҳбуди равобити дипломатӣ бо Теҳрон шудаанд.
Пеш аз сафари Владимир Путин ва Раҷаб Тайиб Ардуғон ба Теҳрон дар моҳҳои гузашта сарони кишварҳои Тоҷикистон, Қазоқистон ва Туркманистон ҳам бо анҷоми сафарҳои корӣ вориди Теҳрон шуда буданд.
Аз сӯи дигар Озарбойҷону Покистон ва ҳукумати муввақати Толибон дар Афғонистон ҳам хостори тақвияти ҳамкориҳо ва тармими робитаҳои худ бо Эрон шудаанд.
Ба иборати возеҳтар, равобити хориҷии давлати Иброҳим Раисӣ бар хилофи Ҳасани Рӯҳонӣ бо кишварҳои ҳамсояи Эрон ва минтақа то рафт беҳтар мешавад ва бо вуҷуди вазъи таҳримҳои миёншикани Ғарб алайҳи Теҳрон иқтисоди Эрон рӯз то рӯз беҳтар мешавад ва фурӯши нафташро ҳам нисбат ба солҳои пешин хеле зиёдтар кардааст.
Аз сӯи дигар, дар ин ду моҳи ахир нигарониҳои амниятии Эрон дар дохили ин кишвар афзудааст ва теъдоде ҳам аз афсарони низомии он бо сабабҳое ҷони худро аз даст додаанд. Ангушти иттиҳом бештар болои нерӯҳои исроилӣ аст ва ахиран сарвазири Исроил ҳам эълон карда буд, ки дар як соли даҳҳо амалиёт дар хоки Эрон баргузор кардаанд.
Ҷумҳурии исломии Эрон давлати Исроилро “режими номашрӯъ” мешиносад ва вуҷуди он дар минтақаро барои худ як таҳдид талаққӣ мекунад. Барои мисол, тайи ду соли охир яке аз иллатҳои сард шудани равобити Теҳрон бо Абузабӣ ва Боку низ ҳузури фаъолонаи Исроил дар он сӯи марзҳои Эрон арзёбӣ мешавад.
Аммо акнун, ки пас аз оғози ҷанги Русия ва Украина авзои минтақа ва ҷаҳон ба гунае тағйир кардааст, аз чанд ҷиҳат Эрон барои хеле аз кишварҳои минтақа ба “қутбе” табдил ёфтааст, ки яке пайи дигар хостори тармими равобит ва тақвияти ҳамкориҳои дипломатӣ ва иқтисодӣ бо он мешаванд. Зеро, аз як нигоҳ Эрон таҷрибаи зиёде дар бахши дур задани таҳримҳо ва “иқтисоди муқовиматӣ” дорад ва аз сӯи дигар дар бахши низомӣ ҳам бо паҳподҳо ва мушакҳои худ хеле пешрафт кардааст.
Бинобар ин, гуфта мешавад, тамоми ин кишварҳои зикр гардида, ки ба истиснои Русия ҳама аз муттаҳидони Ғарб бо раҳбарии Амрико низ мебошанд, аз сари хушӣ ва хушҳолӣ ба Эрон намераванд, балки эътимоди онҳо нисбат Ғарб ва пештоз будани Амрико дар ҷаҳони сиёсат ва иқтисод зери суол қарор гирифтааст.
Русия ва Чин, ду иқтисоди бартари минтақа ҳам дар қутбнамо шудани Эрон барои ояндаи кишварҳои минтақа таъсиргузорӣ мекунанд ва бар ин бовар ҳастанд, ки ҷаҳони оянда якқутбӣ не, балки чандқутбӣ ҳаст, ки яке аз онҳо дар минтақа Эрон хоҳад буд.
Амруллоҳи Низом
Аз идораи сомона: Гӯшаи “Блоги Шумо” минбари гуногунандешӣ буда, матолибе, ки дар ин гӯша ба нашр мерасанд, назари шахсӣ ва таҳлили муаллифон буда, баёнгари мавқеи “Azda tv” нестанд.
