Гуфтанист, Хадамоти матбуоти Президенти Қирғизистон ҳам бо нашри ин хабар таъкид карда, ки “сарони давлатҳо ба мувофиқа расиданд, ки муколамаи фаъоли сиёсиро, ки ба таҳкими ҳамсоягӣ ва бародарии наздики ду давлат ва ду халқ нигаронида шудааст, идома диҳанд.”
“Барои он ки муҳоҷири меҳнатӣ ин ҷо биёяд, бояд дар даст ҳадди ақал 50 ҳазор рубл дошта бошад, то битавонад иҷозатномаи иқомат ва иҷозатномаи кор бигирад ва ҳамчунин хонае барои зистан пайдо кунад. Дар дигар кишварҳо шароитии корӣ нисбат ба Русия осонтар аст. Масалан, Аврупо, Куриёи Ҷанубӣ ё Имороти Араб. Муҳоҷирони мо ба он ҷойҳо низ мераванд”, – гуфтааст роҳбари диаспораи тоҷик дар Алтай.
Ҳамчунин гуфта мешавад, ки муҳочирони тоҷик кишварҳои пешрафтаи Осиёро мавриди ҳадаф қарор додаанд, зеро омӯхтани забон, хоҳ куриёӣ бошад ва хоҳ русӣ, барояшон яксон аст. Онҳо инчунин бо мушкилиҳои дигаре дар Русия рӯ ба рӯ мешаванд, масалан, агар ҷои зист ва қайд фарқ кунад, муҳоҷирро метавонанд ихроҷ кунанд ва ҷарима банданд.
Тибқи омори расмӣ, сеяки кормандони соҳаи сохтмонро дар ин кишвар муҳочирони меҳнатӣ ташкил медиҳанд. Ҳамчунин панҷяки кормандони соҳаи савдо ва соҳаи маиширо муҳочирони меҳнатӣ ташкил медиҳанд.
Ҳамчунин қайд шудааст, дар кишвари Алтай тақрибан 5000 нафар тоҷикистониён шаҳрвандии Русияро қабул кардаанд ва боз 5000 нафар иҷозати истиқомати доимӣ (вид на жительство) доранд.
Гуфта мешавад, пас аз ин нишаст, инчунин нишасти кишварҳои узви Созмони ШОНГҲОЙ низ баргузор мешавад ва қарор аст дар он низ гуфтугӯҳое дар умури Афғонистон бишавад.
Дар ҳамин ҳол баъзе гурӯҳҳои демократихоҳи Афғонистон аз ин нишаст ва даъвати Толибон ба Узбекистон интиқод кардаанд. Аз ҷумла Фавзия Куфӣ, узви собиқи ҳайати музокиракунандаи давлати Афғонистон бо Толибон бо навиштае дар Твиттер аз ҳузури Толибон дар чунин нишастҳо интиқод карда мегӯяд: “Кишварҳо барои ҳимояти худ аз ифротгароии низоми ҷаҳонӣ ба Толибон ришвар медиҳанд.“
Inviting Taliban to the conference in Uzbekistan isn’t symphony neither helps the people of Afghanistan. To keep their countries safe from global military extremism,countries bribe Taliban. Short term pleasing a military force will further help growth of extremism in the region.
Бино ба таҳлили коршиносони масоили сиёсӣ ва минтақавӣ, буҳрони сиёсии Афғонистон ба кишварҳои ҳамсоя таъсири мустақим дорад ва аз ҳамин нигоҳ онҳо талош мекунанд бо ҳар шевае ин таъсирҳо ва хатаротро дур аз худ кунанд.
Рӯзи шанбе, 23-уми июли соли ҷорӣ дар шаҳри Душанбе навзоде ба дунё омад, ки бо таваллуди ӯ шумораи аҳолии Тоҷикистон ба 10 миллион нафар расид.
Акс аз АМИТ “Ховар”
Тавре АМИТ “Ховар” хабар дод, ин навзод писар буда, дар таваллудхонаи рақами 2-и шаҳри Душанбе ба дунё омад ва номи ӯро Фирдавс гузоштаанд. Волидайни ин навзод аз оилаҳои ҷавон буда, Фирдавс аввалин фарзанди ин хондан маҳсуб мешавад.
“Мувофиқи маълумоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Агентии омори назди Президенти Ҷумҳурии Тоҷикистон, сокинони ноҳияи Шоҳмансури шаҳри Душанбе Фаридун Баротов ва Махфират Шокирова волидони ин сокини 10-миллионаи кишвар мебошанд.”, омадааст дар хабар.
Ба маълумоти манбаъ, бо таваллуд шудани ин навзод аз ҷониби шаҳрдори Душанбе ба ин хонадон як хонаи сеҳуҷрагӣ туҳфа карда шудааст.
Гуфта мешавад, Тоҷикистон акнун бо нуфуси 10-миллионааш дар байни кишварҳои Осиёи Марказӣ мақоми 3-умро касб кард. Тибқи оморҳои ахир, дар байни кишварҳои ОМ Узбекистон дар ҷои аввал қарор дошта, аҳолияш беш аз 34 миллион аҳолӣ, Қазоқистон беш аз 19 миллион ва Қирғизистону Туркманистон беш аз 6 миллион нуфусшуморӣ шудаанд.
Вазорати корҳои хориҷаи Русия хабар дод, ки барои пешгирӣ аз ифротгароӣ ва терроризм бо муҳоҷирони кории мусалмон аз кишварҳои ИДМ ҳамкорӣ кардан мехоҳад.
Бино ба таъкиди намояндаи Вазорати корҳои хориҷии Русия Александр Мусиенко, дар Русия муҳоҷирони кории мусалмон аз кишварҳои Осиёи Марказӣ ва Қафқоз зиёданд ва бояд бо онҳо ҳамкориро зичтар кард.
Рӯзи чаҳоршанбе 20 июл муовини раисии шуъбаи кор бо кишварҳои ИДМ-и Вазорати корҳои хориҷии Русия Александр Мусиенко дар мизи гирди бахшида ба “нақши дин дар ҷилавгирӣ аз ифротгароӣ ва терроризм” изҳор дошт, ки фаъолият дар мавзуи динро бо муҳоҷирони кории Осиёи Марказӣ ва Қафқоз дар Русия пурзӯр кардан зарур аст.
“Теъдоди зиёди муҳоҷирони корӣ аз кишварҳои Осиёи Марказӣ ва Қафқоз дар қаламрави Федератсияи Русия фаъолият мекунанд. Бинобар ин, зарур аст, ки сатҳи муносибат бо онҳо баланд бардошта шавад, зеро аксар вақт онҳо ба шароити ин ҷо мутобиқ намешаванд”, – гуфт ӯ.
