Уфти 8%-и сомонӣ дар баробари рубли русӣ

Аз ҷониби

08/04/2022

Бонки миллии Тоҷикистон эълон кард, ки арзиши пули миллӣ-сомонӣ дар баробари рубли русӣ 8 дарсад суқут кардааст.

Имрӯз, 8-уми апрели соли 2022 Бонки миллии Тоҷикистон арзиши рубли русӣ дар баробари пули миллӣ-сомониро 8 дарсад боло бурд ва 1 рубли русиро баробар ба 0,1634 сомонӣ таъйин кард.

Бонки миллии Тоҷикистон арзиши дигар арзҳои хориҷӣ ба мисли доллари амрикоӣ ва евроро бетағйир боқӣ монда, қурби 1$ 12.5000 ва 1€13,6438 сомонӣ таъйин кардааст.

Дар Ориёнбонк қурби 1000 рубли русӣ бар ивази 145 сомонӣ харид ва бо арзиши 156 сомонӣ фурухта мешавад, вале дар Алифбонк арзиши 1000 рубли русӣ ҳангоми харид 140 сомонӣ ва дар вақти фурӯҳ 161 сомонӣ таъйин шудааст.

Аммо дар Бонки Эсхата бошад 1000 рубли русиро бо қимати 145 сомонӣ мехаранд ва бо арзиши 163,2 сомонӣ мефурӯшанд. Аммо дар Ҳумо, ташкилоти қарзии хурд бошад, нисбат ба ин бонкҳо қурби рубли русӣ дар баробари пули миллӣ сомонӣ баландтар буда, онҷо 1000 рубли русиро бо қимати 155 сомонӣ харид ва бо арзиши 156 мефурӯшанд.

Бо ин вуҷуд, Бонки миллии Тоҷикистон қурби 1000 рубли русиро 163 сомониву 40 дирам таъйин кард, вале дар бонкҳои тиҷоратӣ ва дигар муассисаҳои молии кишвар ин рақам фарқ мекунад.

Пас аз оғози ҳамлаҳои Русия ба Украина дар 24-уми феврали соли ҷорӣ қурби рубли русӣ дар баробари тамоми арзҳои хориҷӣ ба шиддат суқут карда буд, аммо дар давоми ду ҳафтаи ахир дар биржаҳои ҷаҳонии арзҳои хориҷӣ ба тадриҷ арзиши пешинаи худро касб кард.

ПМТ аз шаҳрвандон хост дар қазияи Шоҳида Маҳмадҷонова хомӯш наистанд

Аз ҷониби

firuzihait

08/04/2022

Паймони Миллии Тоҷикистон (ПМТ) бо нашри баёнияе ба 6 соли зиндон маҳкум шудани Шоҳида Маҳмадҷоноваро маҳкум намуда, ин амали мақомотро ғайриқонунӣ ва хилофи ҳама меъёрҳои ҳуқуқибашарӣ донистааст.

ПМТ – як эътилофи мухолифини Тоҷикистон дар хориҷ аз кишвар, зиндонӣ намудани хонум Маҳмадҷоноваро ба фаъолиятҳои фарзандаш дар шабакаҳои иҷтимоӣ рабт дода, режими имрӯзаи Тоҷикистонро ба эҳтиром накардани қонун ва арзишҳои милливу инсонӣ муттаҳам кардааст.

Ин эътилофи мухолифин аз ҷомеаи кишвар, ба хусус зиёиён ва бонувон даъват кардааст, ки дар баробари ин қонуншикании ошкор ва амали ғайриинсонӣ хошмӯширо ихтиёр накунанд ва нагузоранд, ки як модари бегуноҳ ба хотири фарзандаш ба муддати 6 сол равонаи зиндон шавад. Дар идома таъкид шудааст, ки “ин ҳолат метавонад фардо ба сари ҳар шаҳрванд биояд”.

Ҳамчунин ПМТ аз созмонҳои дифоъ аз ҳуқуқи башар ва созмонҳои ҳимоят аз ҳуқуқи занон талаб намудааст, ки бо ҳар роҳи мумкин барои озодии Шоҳида Маҳмадҷонова талош намоянд ва нагузоранд, ки муҷозоти модарон ба ҷои фарзандон ба як анъана табдил шавад.

Аз ин пештар Кумитаи шаҳрвандии наҷоти гаравгонҳо ва зиндониёи сиёсии Тоҷикистон низ ҳабси ин модари тоҷикро бадтарин сатҳи нақзи ҳуқуқи инсон дар Тоҷикистон номида, озодии ӯро талаб намуда буд.

Ёдовар мешавем, ки Шоҳида Маҳмадҷонова рӯзи 7-уми апрел барои навиштани ду шарҳ дар зери наворҳои писараш Шерзод Маҳмадҷонов маъруф ба “Абдураҳмон 09” ва “Ислоҳ+” дар Ютуб, бо қарори додгоҳ ба 6 соли зиндон маҳкум шуд.

Шоҳида Маҳмадҷонова, модари блогери тоҷики муқими Олмон Шерзод Маҳмадҷонов, маъруф ба Абдурраҳмон-09 аст, ки бо даъвати мақомоти корҳои дохилӣ дар шаҳри Ваҳадат рӯзи 3-юми феврали соли 2022 ба шуъбаи ВКД дар ин шаҳр ҳозир шуд ва аз онҷо бедарак гардид. Сипас Вазорати корҳои дохилии Тоҷикистон зери фишорҳои ҷомеаи шаҳрвандӣ ва созмонҳои ҳомии ҳуқуқи инсон маҷбур шуд, ки 8-уми феврали соли ҷорӣ боздошти ӯро эътироф кунад, вале бо ин вуҷуд аз замони боздошт боре ҳам ба пайвандони ӯ иҷозати мулоқот бо хонум Шоҳида Маҳмадҷоноваро надоданд.

Эмомалӣ Раҳмон гуфт, ба Афғонистон зиёдтар кумак кунед

Аз ҷониби

amrullokhi

08/04/2022

Президенти Тоҷикистон дар мулоқот бо Намояндаи махсуси Иттиҳоди Аврупо дар умури Афғонистон вазъияти минтақаро баррасӣ карда, хостори афзоиши кумакҳо шуд.

Бино ба иттилои Хадамоти матбуоти Президент, субҳи имрӯз, 8-уми апрели соли 2022 “Эмомалӣ Раҳмон Намояндаи махсуси Иттиҳоди Аврупо оид ба Афғонистон ҷаноби Томас Никлассонро, ки бо сафари корӣ дар Душанбе қарор дорад, ба ҳузур пазируфт.”

Дар ин мулоқот Эмомалӣ Раҳмон омодагии ҳамаҷонибаи Тоҷикистонро ҷиҳати расонадани кумакҳо тавассути имкониятҳои лоҷистикии кишвар изҳор дошта, “зарурати ҳарчӣ зудтар афзоиш додани ҳаҷми кӯмакҳои башардӯстона ба мардуми Афғонистонро таъкид карда” аст.

Эмомалӣ Раҳмон ва Намояндаи махсуси Иттиҳоди Аврупо дар умури Афғонистон бар иловаи масоили Афғонистон атрофи дигар масоил низ гуфтугӯ карданд.

Гуфта мешавад, бо гузашти наздик ба 8 моҳ аз фирори Ашраф Ғанӣ, собиқ президенти Афғонистон ва сари қудрат омадани Толибон дар ин кишвар, ҳар чанд Русияву Чин ва Туркманистону Покистон сафирони Толибонро дар кишварҳои худ ба ҳузур пазируфтаанд, вале ҳамоно ҳеч кишвари дунё расман эълон накардааст, ки Аморати исломиро расман эътироф мекунад.

Буҳрони Покистону сарнавишти Имрон Хон

Аз ҷониби

amrullokhi

08/04/2022

Додгоҳи олии Покистон эълон кард, ки ҳукумат ва парлумони парокандашуда, дубора барқарор ва шанбеи 9-уми апрели соли 2022 ҷаласаи раъйгирӣ барои адами эътимод ба Имрон Хон, Нахуствазири Покистон баргузор шавад.

Нахуствазири Покистон ҳам дар вокуниш ба ин ҳукми Додгоҳи олии кишвараш дар саҳфаи Твиттери худ эълон кард, ки 8-уми апрел “ҷаласаи кобинаи федеролӣ ва ҳизби порлумонии худро даъват карда, шоми имрӯз (бо як паём) ба миллат муроҷиат мекунам. Паёми ман ба миллат ин аст, ки ман ҳамеша барои Покистон ҷангидам ва то охирин нафас мубориза хоҳам кард.“

Ҳамзамон мухолифони Имрон Хон бо хушҳолӣ аз қарори Додгоҳи олии ин кишвар дар робита ба барқарор кардани ҳукумат ва парлумон истиқбол карда, даъво доранд, ки дар ҷаласаи раъйгирӣ барои адами эътимод ба Имрон Хон пирӯз хоҳанд шуд ва аз ҳоло Шаҳбоз Шариф, бародари Навоз Шарифро Сарвазири ояндаи Покистон медонанд.

Аммо аз сӯи дигар сенатор Файсал Ҷовид Хон аз Ҳизби Тарҳрики инсоф низ эълон карда, ки “Имрон Хон бо чолишҳо рӯбарӯ аст – зоҳиран мухолифон фикр мекунанд, ки онҳо пирӯз шудаанд, аммо ин хел нест – онҳо мағлуб шудаанд – шириниҳоро аз даст додаву – суханҳо дар ёд хоҳанд монд – вақт нишон хоҳад дод. Капитан ин шом як эълони муҳим хоҳад кард – ӯ ҳеҷ гоҳ мардуми худро ноумед намекунад.“

Ҳамзамон Латиф Кҳуса, аз раҳбарони Ҳизби мардумии Покиситон аз мухолифони Имрон Хон дар суҳбат бо расонаҳо гуфтааст, ки Додгоҳи олии Покистон адолати торихиро барқарор кард ва имрӯз Сарвазири Покистон имрӯз истеъфо медиҳад.

Имрон Хон ҳафтаи гузашта аксарияти тарафдорони худро дар парлумон аз даст дод ва якшанеб 3-уми апрел ҳам мухолифон хостанд ҷаласаи раъйгирӣ барои адами эътимод ба Нахуствазирро баргузор кунанд, аммо муовини парлумон аз Ҳизби Таҳрики инсоф иддаъо кард, ки ин кор бо тавтеаи хориҷӣ ва ғайриқонунӣ сурат мегирад, ба ин хотир ҷаласа баргузор намешавад.

Ҳизби Таҳрики инсофи Покистон бо раҳбарии Имрон Хон 150 курсии парлумонро соҳиб аст ва ба гуфтаи баъзе таҳлилгарон қарор аст, имшаб Имрон Хон аз ҳамзибиёни худ дар парлумон бихоҳад, ки пеш аз баргузории ҷаласаи раъйгирии адами эътимод ба Нахуствазир аз мақоми худ истеъфо диҳанд, дар он сурат мухолифон наметавонанд ин ҷаласаро баргузор кунанд ва дар охир давлат маҷбур мешавад, ки интихоботи зудҳангомеро баргузор кунад.

Бесуботии сиёсӣ дар як ҳафтаи ахир Покистонро ба буҳроҳои зиёде гирифтор карда, арзиши пули миллии он-рупияро дар баробари дигар арзҳои хориҷӣ ба шиддат пойин бурдааст.

Гуфта мешавад, ки агар шанбеи 9-уми апрел Имрон Хон натавонад дар ҷаласаи парлумон раъйи эътимод ба даст биорад, мухолифонаш метавонанд Нахуствазири худро пешниҳод кунанд ва дар ғайри он сурат Кумитаи интихоботи Покистон ҳам дирӯз эълон кард, мумкин аст дар моҳи октябри соли ҷорӣ интихоботи ҷадид баргузор шавад.

Шоҳида Маҳмадҷонова барои ду шарҳ ба 6 соли зиндон маҳкум шуд

Аз ҷониби

firuzihait

07/04/2022

Шоҳида Маҳмадҷонова, модари Шерзод Маҳмадҷонов имрӯз, 7-уми апрел бо қарори додгоҳ ба 6 соли зиндон маҳкум шуд. Дар ин бора Радиои Озодӣ хабар дод.

Дар нахустин мурофиаи додгоҳӣ, ки субҳи имрӯз, 7-уми апрели соли 2022 дар Додгоҳи ноҳияи Исмоил Сомонии пойтахт баргузор шуд, айбдоркунандаи давлатӣ аз додрас хоста буд, ки ба хонум Шоҳида Маҳмадҷонова 7 сол ҳумки зиндон содир кунад.

Намояндаи додситонӣ Шоҳида Маҳмадҷоноваро ба он айбдор кардааст, ки ду маротиба дар шабакаи иҷтимоии Ютуб зери наворҳои писараш Шерзод Маҳмадҷонов маъруф ба “Абдураҳмон 09” ва “Ислоҳ+” зидди сохторҳои ҳукуматӣ шарҳ навиштааст. Дар ҳоле ин модари тоҷик ба навиштани шарҳ зери навори писараш айбдор мешавад, ки пештар ӯро дар ҳамкорӣ бо “Гурӯҳи 24” муттаҳам карда буданд.

Хонум Маҳмадҷонова низ дар рафти ин мурофиа он ду шарҳро моли худ дониста, гуфтааст, ки “худро гунаҳкор меҳисобад ва аз кардааш пушаймон аст”. Аммо мардум бар ин боваранд, ки хонум Шоҳида Маҳмадҷонова ин эътирофро зери фишор ба дӯш гирифтааст.

Вакили дифои хонум Маҳмадҷонова аз додгоҳ хостааст, ки бинобар эътироф кардани зерҳимояш ба гуноҳи худ барои ӯ “ҷазои ғайриҳабсӣ татбиқ шавад.” Аммо ба назар мерасад, ки дархости вакили дифоъ нодида гирифта шуда, ин модари тоҷик ба 6 соли зиндон маҳкум шуд.

Гуфтанист, ин қазия тамоми созмонҳои мухолифинро муттаҳид кард ва қариб ҳамаи онҳо дар алоҳидагӣ боздошти хонум Шоҳида Маҳмадҷоноваро маҳкум карда, аз Ҳукумати Тоҷикистон хостанд, ки фавран ӯро озод кунанд.

Раисҷумҳури Яман аз мақомаш канор рафт

Аз ҷониби

amrullokhi

07/04/2022

Раисҷумҳури фирории Яман дар Арабистони Саудӣ Абдураббиҳи Мансур аз мақомаш канор рафт ва тамоми салоҳиятҳои худро ба Шӯрои раҳбарии Яман таҳвил дод.

Бино ба иттилои Алҷазираи Қатар, субҳи имрӯз, 7-уми апрели соли 2022 Абдураббиҳи Мансур, собиқ Президенти фирории Яман, ки дар Риёз, пойтахти Арабистони Саудӣ ба сар мебурд, пас аз таъсиси Шӯрои раҳбарии Яман тамоми салоҳиятҳои худро ба ин шӯро таҳвил дод.

Шӯрои раҳбарии Яман иборат аз 8 нафар буда, раҳбарии онро дуктур Рашшод Ал-Алимӣ бар уҳда дорад. Аммо ҷамоати Ансоруллоҳи Яман, ки амалан идораи ин кишварро дар даст дорад, таъсиси ин шӯроро ғайриқонунӣ хондааст.

Раёсати ҷумҳурии Яман эълон карда, ки раҳбарии сиёсӣ, амниятӣ ва низомии Яманро ин шӯро бар уҳда дорад ва барои расидан ба сулҳ ва суботи пойдор бо ҳусиҳои ин кишвар, ки идораи давлатро зери даст доранд, вориди музокира мешавад.

Гуфта мешавад, эътилофи низомии арабӣ, ки зери раҳбарии Арабистони Саудӣ ва Амороти Муттаҳидаи Араб соли 2014 ташкил шуд, то кунун натавонист, ки ба аҳдофи худ дар Яман даст ёбад ва ба қали худашон “ҳукумати қонунӣ”-ро барқарор кунад.

8 соли ҷанг ва муҳосираи Яман тавассути ин эътилоф миллионҳо нафар сокинони ин кишварро овора карду ба ҳамин монанд миллионҳо каси дигарро зери хати фақр кашонд, вале натавонист ҳусиҳоро аз қудрат барканор кунад.

Аммо дар ин муддат, ҳусиҳо нерӯмандтар аз 8 соли пеш гардида, муҳимтарин марказҳои стотегӣ ва иқтисодии Арабистони Саудӣ ва Аморотро зери ҳадафҳои мушакӣ ва таёраҳои бидуни сарнишини худ қарор доданд ва ин боис шуд, ки эътилофи арабӣ охири марти соли 2022 оташбаси 3-моҳа эълон карду ба дунбол ин Шӯрои раҳбарии Яманро таъсис доданд.

БОР: Соли ҷорӣ интиқоли маблағи муҳоҷирон то 50% коҳиш меёбад

Аз ҷониби

AZDA TV

07/04/2022

Бонки осиёии рушд дар гузориши ахираш баён дошт, ки давоми соли 2022 интиқоли маблағи муҳоҷирон аз Русия ба Тоҷикистон то 50 дарсад коҳиш меёбад.

Тавре “Азия-Плюс” ба нақл аз гузориши БОР хабар медиҳад, гузоришгарон дар пешгӯии худ сабаби коҳиши интиқоли маблағи муҳоҷиронро ба беқурбшавии рубли русӣ дар натиҷаи таҳримҳои иқтисодии Ғарб алаҳи Русия ва кам шудани ҷойҳои корӣ рабт медиҳанд. Ба гуфтаи онҳо, чунин ҳолат, яъне беқурбшавии рубл ва аз даст додани ҷойҳои корӣ, боиси мегардад, муҳоҷирон Русияро тарк кунанд ва ба Тоҷикистон баргарданд.

Ба гуфтаи таҳлилгарони БОР ҳатто дар сурати таъмини ҷойҳои корӣ барои муҳоҷирон ба мисли пештара ҳам баргардад, ҳаҷми интиқоли пул дар соли 2023 ба миқдори 10% барқарор шуда метавонад.

Пештар низ бархе коршиносон ҳадс мезаданд, ки бар асари таҳримҳои ҷоришуда алайҳи Русия қисми зиёди муҳоҷирони тоҷик ҷойҳои кории худро аз даст медиҳанд ва дар натиҷа ё ба ватан бармегарданд ва ё ба кишварҳои дигар барои кор ҷустан сафар мекунанд.

Ёдовар мешавем, ки баъд аз ҳамлаи Русия ба Украина Амрико ва кишварҳои Иттиҳоди Аврупо таҳримҳои шадиде алайҳи Русия ҷорӣ карданд ва дар баробари ин аксари ширкатҳои иқтисодии бонуфузи ҷаҳонӣ бозори Русияро тарк карданд, ки дар натиҷа зиёде аз муҳоҷирон ҷойҳои кории худро аз даст доданд. Ба гуфтаи коршиносон, аз сабаби зиёд будани қувваи кории Тоҷикистон дар Русия зарбаи аввалин ва сахттарини ин таҳримҳо аввалан ба хонаводаҳои тоҷик мерасад.

Шоҳида Маҳмадҷонава: Талаби 7 соли зиндон барои “ду шарҳ”

Аз ҷониби

amrullokhi

07/04/2022

Дар нахустин мурофиаи додгоҳии хонум Шоҳида Маҳмадҷонова айбдоркунандаи давлатӣ аз судя хост, ки ба вай 7 сол ҳумки зиндон содир кунад.

Бино ба иттилои “Радиои Озодӣ“, субҳи имрӯз, 7-уми апрели соли 2022 нахустин мурофиаи додгоҳии Шоҳида Маҳмадҷонова дар Додгоҳи ноҳияи Исмоил Сомонии пойтахт баргузор шуд.

Намояндаи прокуратура Шоҳида Маҳмадҷоноваро ба он айбдор кардааст, ки ду маротиба дар шабакаи иҷтимоии Ютуб зери наворҳои писараш Шерзод Маҳмадҷонов маъруф ба “Абдураҳмон 09” ва “Ислоҳ+” зидди сохторҳои ҳукуматӣ шарҳ навиштааст.

Хонум Маҳмадҷонова низ дар рафти ин мурофиа он ду шарҳро моли худ дониста гуфтааст, “моҳи июни соли 2021 бародарашро, ки дар як қисми низомӣ кор мекард, аз кор барканор карданд. Наздиконаш ба Маҳмадҷонова гуфтаанд, ки бародараш ба хотири хоҳарзодааш “Абдураҳмон 09” аз кор озод шудааст.

Ӯ дар додгоҳ гуфт, ки вақте ба манзили модараш омад ва аҳволи бародарашро дид, худро гунаҳкор ҳисоб кард. Вай ҳамчунин афзуд, ки дар оғози соли таҳсили 2021, вақте дид, ки бародараш дар хариди либосҳои мактабӣ барои фарзандонаш мушкилӣ дорад, асабонӣ шуд ва ин ду шарҳро дар “Ютуб” навишт.”

Вакили дифои хонум Шоҳида Маҳмадҷонова аз додгоҳ хостааст, ки бинобар эътироф кардани зерҳимояш ба гуноҳи худ барои ӯ “ҷазои ғайриҳабсӣ татбиқ шавад.” Судя пас аз баргузории мурофиа инро шунида барои содир кардани ҳукм ба хонаи машварат рафтааст.

Гуфтанист, ин қазия тамоми созмонҳои мухолифинро муттаҳид кард ва қариб ҳамаи онҳо дар алоҳидагӣ боздошти хонум Шоҳида Маҳмадҷоноваро маҳкум карда, аз Ҳукумати Тоҷикистон хостанд, ки фавран ӯро озод кунанд.

Шоҳида Маҳмадҷонова, модари блогери тоҷики муқими Олмон Шерзод Маҳмадҷонов, маъруф ба Абдурраҳмон-09 аст, ки бо даъвати мақомоти корҳои дохилӣ дар шаҳри Ваҳадат рӯзи 3-юми феврали соли 2022 ба шуъбаи ВКД дар ин шаҳр ҳозир шуд ва аз онҷо бедарак гардид. Сипас Вазорати корҳои дохилии Тоҷикистон зери фишорҳои ҷомеаи шаҳрвандӣ ва созмонҳои ҳомии ҳуқуқи инсон маҷбур шуд, ки 8-уми феврали соли ҷорӣ боздошти ӯро эътироф кунад, вале бо ин вуҷуд дар замони боздошт ягон маротиба ба пайвандони ӯ иҷозати мулоқот бо хонум Шоҳида Маҳмадҷоноваро надоданд.

Русия дипломати нави Толибонро ба расмият шинохт

Аз ҷониби

AZDA TV

07/04/2022

Маскав рӯзи 6-уми апрел дпломати Толибонро расман эътироф кард. Дар ин бора сухангӯи Вазорати корҳои хориҷии Русия Мария Захарова ба

Вазорати умури хориҷии Русия рӯзи 6-уми апрел хабар дод, ки дипломати Толибон Ҷамол Гарволро ба ҳайси кордори умури Афғонистон дар Маскав расман эътироф кардааст.

Ба гуфтаи Захарова, Вазорати хориҷаи Русия ба сафорати Афғонистон дар Маскав нота фиристода, онҳоро аз қатъи ваколати Сайид Тайиб Ҷавод, сафири собиқи ҳукумати Ашраф Ғанӣ ва эътирофи дипломати Толибон Ҷамол Гарвол ба ҳайси кордори умури Афғонистон дар Маскав огоҳ кардааст.

Дар ҳамин ҳол вазорат таъкид мекунад, ки Гарвол дар Маскав мақоми вакили муваққати корҳои Афғонистонро дорад, на сафир. Зеро Русия Толибонро ҳамчун ҳукумати қонунӣ то ҳол расман эътироф накардааст, вале корҳои дипломатиашро оғоз кардааст.

Таҳдид ба Афзалшоҳи Шодӣ: “Вазъиятро нохуб нагардон…”

Аз ҷониби

amrullokhi
-

06/04/2022
0

Кобарони шабакаҳои иҷтимоӣ дар робита ба ҳазфи исми Афзалшоҳи Шодӣ аз листи касоне, ки дар рафти сафари Эмомалӣ Раҳмон ба шаҳри Панҷакент консерт баргузор мекунанд, вокуниш карданд.