Хона блог саҳифа 496

ВМТ: Дар даҳ рӯз 40%-и нақшаи ҷалби ҷавонон ба артиш иҷро шуд

Аз ҷониби
firuzihait
-
0

Вазорати мудофиаи Тоҷикистон мегӯяд, дар даҳ рӯз 40% нақшаи даъвати баҳории ҷавонон ба хидмати ҳарбӣ дар сафи Қувваҳои мусаллаҳи кишвар иҷро кардааст.

Бино ба иттилои сомонаи ин вазорат, Вилояти Мухтори Кӯҳистони Бадахшон нақшаи даъвати баҳориро ҳанӯз дар рӯзи аввали ҷалби ҷавонон ба артиш, яъне якуми апрел 100% иҷро карда буд.

Аз 25 шаҳру навоҳии вилояти Хатлон ноҳияҳои Шамсиддини Шоҳин, Носири Хусрав ва Фархор даъвати ҳарбиро пурра иҷро карда, иҷрои нақша дар қаламрави ин вилоят 40 %-ро ташкил медиҳад.

Дар вилояти Суғд нақшаи даъвати баҳорӣ ба артиш дар даҳ рӯзи аввал 27 дарсадро ташкил додааст.

Аммо дар навоҳии тобеи ҷумҳурӣ бошад, нақша 47,3 дарсад иҷро шуда, комиссариатҳои ҳарбии Лахш, Нуробод, Рашт, Сангвор ва Тоҷикобод нақшаро пурра иҷро кардаанд.

Комиссариатҳои ҳарбӣ дар шаҳри Душанбе, дар умум 42% нақшаро дар даҳ рӯзи аввал иҷро кардаанд.

Дар ҳоле Вазорати мудофиаи Тоҷикистон аз 40% иҷро шудани нақшаи даъвати баҳории ҷавон ба артиш хабар медиҳад, ки ҳанӯз дар рӯзҳои аввал наворҳо ва аксҳои ҷалби иҷбории ҷавон ба артиш ё “облава” дар шабакаҳои иҷтимоӣ роҳ ёфта буд. Ҳатто ҳолатҳое ҳастанд, ки донишҷӯёнро аз назди донишгоҳҳо маҷбуран бо усули “облава” барои хидмат ба артиш бурдаанд.

Ёдовар мешавем, ки даъвати баҳории ҷавонон барои хидмат дар сафи Қувваҳои мусаллаҳи Тоҷикистон аз 1-уми апрел оғоз шуда, то 31-уми май идома хоҳад кард.

Мавзуи ҷалби ҷавонон ба артиш дар Тоҷикистон солҳо боз доғ мемонад. Ҳамасола дар сафи Қувваҳои мусаллаҳи ҶТ чандин сарбоз шиканҷа ва бар асари он ҷон медиҳанд. Бештари ҷавонони тоҷик аз сабаби номусоид будани шароити сарбозӣ аз артиш мегурезанд ва мақомот бо тарзи маҷбурӣ ё “облава” ҷавононро дар кӯчаву бозорҳо ва ҳатто аз назди донишгоҳҳо боздошт карда ба артиш мебаранд.

Бо вуҷуди ин ки дар шабкаҳои иҷтимоӣ дар ҳар мавсим сабти даҳҳо ҳолати “облава” нашр мешавад, боз ҳам мақомот иддо мекунанд, ки “облава” дар кишвар вуҷуд надорад. Ин боис гашта, ки корбарон ва ҷомеаи мадании кишвар ин амали мақомдоронро ҳамеша мавриди баҳс қарор медиҳанд, аммо зоҳиран ин падида ҳал шуданӣ нест.

Болоравии 7,5% пули миллӣ- сомонӣ дар баробари рубли русӣ

Аз ҷониби
amrullokhi
-
0

Бонки миллии Тоҷикистон бар хилофи дирӯз, имрӯз қурби пули миллӣ-сомонӣ дар баробари рубли русиро 7,5 дарсад боло бурд.

Имрӯз, 12-уми апрели соли 2022 Бонки миллии Тоҷикистон қурби 1 рубли русиро дар баробари пули миллӣ-сомонӣ 0.1585 эълон кард. Ба ибораи дигар, Бонки миллии Тоҷикистон қарор қабул кард, ки тибқи он 1000 рубли русӣ 158 сомониву 50 дирам арзиш дорад.

Дирӯз, 11-уми апрели соли 2022 Бонки миллии Тоҷикистон қурби 1000 рубли русиро 171, сомониву 50 дирам эълон карда буд, вале дар бозори арзҳо ва бонкҳои тиҷоратии Тоҷикистон арзиши рубли русӣ дар баробари пули миллӣ-сомонӣ пойинтар аз он буд, ки Бонки миллии кишвар эълон карда буд.

Пеш аз ин Бонки миллии Тоҷикистон дар давоми моҳи апрели соли ҷорӣ борҳо қурби пули миллӣ-сомониро дар баробари дигар арзҳои хориҷӣ, аз он ҷумла рубли русӣ 12,5 % пойин бурда буд, аммо субҳи имрӯз дубора арзиши сомонӣ дар баробари рубли русиро 7,5 дарсад боло бурдааст.

Бо ин вуҷуд, бонкҳои тиҷоратии кишвар ва дигар муассисаҳои молӣ хариди 1000 рубли русиро шурӯъ 136 сомонӣ то 147 таъйин карда ва фурӯши онро аз 137 то 160 сомонӣ ба роҳ мондаанд.

Гуфта мешавад, ҳолати ноустувор ва бо суръат тағйирёбандаи қурби пули миллӣ-сомонӣ дар баробари арзҳои хориҷӣ, ба хусус дар баробари рубли русиро дар ин як моҳи ахир баъзе аз коршиносони соҳа рӯйкарди сунъӣ ва бозие пушти дарҳои Бонки миллӣ ва дигар бонкирҳои наздик ба оилаи Эмомалӣ Раҳмон медонанд.

Ба гуфтаи онҳо, ин бозиро дар ҳоли ҳозир Ҷамолиддин Нурализода (Нуралиев), Муовини якуми раиси Бонки миллӣ ва молики Ҷамъияти саҳҳомии пӯшида (ҶСП) “Спитамен Бонк” ва шавҳари Озода Раҳмон идора мекунад. Ва ба дунболи он дигар бонкҳои мансуб ба наздикони хонаводаи Эмомалӣ Раҳмон ва бархе дигар аз муассисаҳои молии амалкунандаи кишвар низ аз ин кор суди калоне ба даст меоранд.

Шаҳбоз Шариф, бародари Навоз Шариф Нахуствазири Покистон шуд

Аз ҷониби
amrullokhi
-
0

Парлумони Покистон пас аз барканории Имрон Хон, собиқ Сарвазири Покистон имрӯз Муҳаммад Шаҳбоз Шариф, раиси Ҳизби Муслим лег, шохаи Навоз, бародари Навоз Шарифро Нахуствазири ин кишвар интихоб кард.

Акс аз ББС

10-уми апрели соли 2022 Маҷлиси миллии  Покистон Имрон Хон, собиқ Сарвазири ин кишварро аз симати худ барканор кард. Ба дунболи он Маҳмуд Қурайшӣ, собиқ вазири корҳои хориҷии Покистон аз Ҳизби Таҳрики инсофи Покистон ва Муҳаммад Шаҳбоз Шариф аз Ҳизби Муслим лег, шохаи Навоз ва намояндаи мухолифин номазадии худро ба мақоми нахуствазирӣ ба парлумон пешниҳод карда буданд.

Аммо субҳи имрӯз пеш аз оғози ҷаласаи раъйгирӣ дар парлумон вакилони мансуб ба Ҳизби Таҳрики инсофи Покистон бо раҳбарии Имрон Хон ҳама яке паси дигар истеъфои худро эълон карданд, сипас Маҳмуд Қурайшӣ низ ночор номзадиашро пас гирифт ва дар ин рақаботҳо Шаҳбоз Шариф танҳо монд.

Дар ин рақобатҳои сиёсӣ Шаҳбоз Шариф, номзади ягона ба мақоми нахуствазирӣ бо касби 174 раъй дар парлумони ин кишвар ба симати Нахуствизир инхоб шуд ва қарор аст имрӯз маросими савгандёкунии ӯ дар Кохи раёсати ҷумҳурӣ дар ҳузури Президенти ин кишвар Ориф Алавӣ баргузор шавад.

Муҳаммад Шаҳбоз Шарифи 70-сола ба унвони 23-умин Нахуствазири Покистон қарор аст то баргузории интихоботи умумии Покистон дар окятбри соли 2023 дар ин симат боқӣ монад.

Муҳаммад Шаҳбоз Шариф бо вуҷуд солҳо дар мақомҳои мухталифи давлатӣ, дар Панҷоб – бузургатарин иёлати Покистон кор кардан, вале то андозае зери сояи бародараш Навоз Шариф қарор гирифта буд ва мардум дар дохили ин кишвар ӯро бештар ба унвони як мудири пуркор ва бо таҷриба мешиносанд, то ин ки ӯро ба унвони як сиёсатмадори муваффақ эътироф кунанд.

Болоравии қурби рубли русӣ дар баробари арзҳои ҷаҳонӣ

Аз ҷониби
amrullokhi
-
0

Бархе коршиносон мегӯянд, эҳтимол меравад дар давоми соли ҷорӣ қурби рубли русӣ дар баробари тамоми арзҳои хориҷӣ, аз ҷумла доллари ИМА ба ҳадде боло меравад, ки 6-7 сол пеш буд.

Сомонаи шабакаи Алҷазираи Қатар бо нашри як матлаб ба таҳлили ҷанбаҳои мухталифи бо суръат боло рафтани рубли русӣ дар давоми як моҳи ахир пардохта гуфтааст, ки бархе коршиносони сатҳи ҷаҳонӣ бар ин боваранд, ки давоми соли ҷорӣ қурби 1$ аз 75 имрӯз то ба 40 рубли русӣ пойин хоҳад шуд.

Бар асоси додаҳои ин матлаб, таҳримҳои ғарбӣ алайҳи Русия омили асосии болоравии қурби рубли русӣ дар барорабри доллари ИМА будааст. Зеро дар ин давра чун осмони кишварҳои узви Иттиҳоди Аврупо ва Амрико ба рӯйи ҳавопаймоҳои Русия бастааст, ҳамҷи интиқоли мусофирон ва молу колоҳо ба шиддат поён рафта, талабот ба арзҳои хориҷӣ, ба хусус доллари ИМА евро низ хеле кам шудааст.

Аз сӯи дигар иқдомҳои ҳукумат ва Бонки марказии Русия, аз он ҷумла маҳдуд кардани интиқоли арзҳои хориҷӣ аз Русия ба дигар кишварҳо ва фурӯши фаровардҳои нафтӣ ва газ бо рубли русӣ боис шудааст, ки қурбли пули Русия боло биравад.

Гуфта мешавад, қурби рубли русӣ дар давоми 47 рӯзи ҷанги Русия бо Украина марҳилаҳои нишебу фарозҳоеро бо суръат тай кард, ки хеле аз коршиносони ҷаҳониро ба ҳайрат гузошт. Чун бар ин бовар буданд, ки ҳар чӣ қадр теъдоди таҳримҳо алайҳи Русия зиёд шавад, иқтисоди он фалаҷ ва қурбли пулаш бештар суқут мекунад, аммо ин хел нашуд.

10-уми марти соли ҷорӣ қурбли рубли русӣ пойинтарин марҳилаи суқути худро дар баробари арзҳои хориҷӣ таҷриба кард. Он замон 1 доллари ИМА бо қимати зиёда аз 135 рубли русӣ дар биржаҳои ҷаҳонӣ доду гирифт мешуд, аммо имрӯз ба марҳилае расида, ки пеш аз оғози ҳамлаҳои Русия ба Украина қарор дошт.

Ҳамзамон Бонки миллии Тоҷикистон, ки таъинкунандаи қурби пули миллӣ-сомонӣ дар баробари арзҳои хориҷӣ дар Тоҷикистон аст, имрӯз 11-уми апрел 1000 рубли русиро баробар ба 171,5 сомонӣ эълон кардааст. Дар ҳоле, ки 1000 рубли русӣ аз якум то ҳафтуми апрел ҳудуди 150 сомонӣ муайян шуда буд.

Зеленский: Русия моро бомборон карданист, вале бепосух нахоҳад монд

Аз ҷониби
AZDA TV
-
0

Владимир Зеленский, раисҷумҳури Украина дар як

Зеленский дар ин паём аз мардуммаш хост, ки барои ҳамлаи густардаи Русия дар манотиқи шарқии кишвараш омода бошанд. Ӯ дар идома таъкид кард, ки нерӯҳои украинӣ низ барои посух додан ба ҳар ҳамлаи Русия омода ҳастанд.

Ин паёми расиҷумҳури Украина дар ҳоле садо медиҳад, ки Русия фармондеҳи артишашро иваз кардааст. Ба гуфтаи таҳлилгарон, таъйин шудани генерал Александр Дворников ба мақоми фармондеҳи артиши Русия далели тағйир ёфтани тактикаи Кремл ва ҳамлаҳои густарда алайҳи Украина мебошад.

Гуфта мешавад, Дворников солҳои 2015-2016 фаромондеҳи нерӯҳои Русия дар Сурия таъйин шуда буд ва маҳз бо фармони ӯ шаҳри Ҳалабро бомборон карданд, ки дар натиҷа ҳазорҳо ғайринизомӣ кушта шуд.

Амрико дар пайи таъйн шудани фармондеҳи ҷадиди артиши Русия вокуниш нишон дода, гуфта, ки интисоби Александр Дворников ба эҳтимоли зиёд омори “қатлу куштори ваҳшиёна”-ро бештар мекунад, аммо нокомии низомии Русияро наметавонад бипӯшонад.

Поин рафтани қурби пули миллӣ-сомонӣ дар баробари рубли русӣ

Аз ҷониби
firuzihait
-
0

Дар давоми ёздаҳ рӯзи моҳи апрел, қурби пули миллӣ-сомонӣ дар баробари рубли русӣ 12,5 % поин рафтааст.

Расм аз Asia Plus

Бонки миллии Тоҷикистон, ки таъинкунандаи қурби пули миллӣ-сомонӣ дар баробари арзҳои хориҷӣ дар Тоҷикистон аст, имрӯз 11-уми апрел 1000 рубли русиро баробар ба 171,5 сомонӣ эълон кардааст. Дар ҳоле, ки 1000 рубли русӣ аз якум то ҳафтуми апрел ҳудуди 150 сомонӣ муайян шуда буд.

Шаҳрвандони кишвар мегӯянд, ки бонкҳо 1000 рубли нақдро бо қурби 140-144 сомонӣ ва аз ин ҳам поинтар иваз мекунанд.

Бонкҳои Тоҷикистон, аз ҷумла Ориёнбонк 1000 рубли русиро – 140 сомонӣ, Бонки Эсхата – 146 сомонӣ, Коммерсбонк – 100 сомонӣ, Амонатбонк – 138 сомонӣ, Алиф Бонк – 141 сомонӣ ва ташкилоти хурди депозитии “Ҳумо” – 158 сомонӣ харида, онро аз 139 сомонӣ то 166 сомонӣ ба фурӯш гузоштаанд.

Болоравии қурби рубли русӣ дар баробари пули миллӣ-сомонӣ дар ҳоле аст, ки баъди ҳамлаи Русия ба Украина рубли русӣ дар баробари асъори хориҷӣ ба шиддат пойин рафта, 1 доллар баробар ба 150 рубл ва 1000 рубли русӣ дар Тоҷикистон бо нархи 80-90 сомонӣ иваз карда мешуд. Вале аз нимаи моҳи март, баъди талаби Президенти Русия Владимир Путин дар мавриди бо рубл фурӯхтани газ, қурби рубл боз боло рафт.

Гуфтанист, қурби рубл барои оилаҳои муҳоҷирони тоҷики Русия хеле муҳим аст.

Бино ба иттилои Бонки марказии Русия, муҳоҷирони тоҷик тариқи бонкҳо соли гузашта аз Русия ба Тоҷикистон 1,8 млрд доллар пул равон кардаанд, ки 95%-и он бо рубл фиристода шудааст.

Интихобот: Рақобати Макрон ва Ле Пен пас аз ду ҳафта идома мекунад

Аз ҷониби
AZDA TV
-
0

Пас аз шумориши ниҳоии овозҳои интихоботи президентии Фаронса, ки рӯзи якшанбе баргузор шуд, Эммонуэл Макрон бо ба даст овардани 27,6%-и овозҳо ғолиби давраи аввали интихобот

Дар даври дуввуми интихобот, ки қарор аст 24-уми апрел баргузор шавад, Макрон бо номзади рости ифротӣ Марин Ле Пен, ки ҳоло 23,4%-и овозҳоро соҳиб шудааст, рақобат хоҳад кард.

Дар даври аввали интихоботи дирӯза 12 номзад аз ҳизбҳои гуногуни Фаронса ширкат карданд, ки ғайр аз Макрон ва Ле Пент боқӣ номзадҳо дар маҷмуъ аз 21,95% то 0,57% овози интихобкунандаконро ба даст оварда буданд. Пас аз эълони натоиҷи оро, ҳам Макрон ва ҳам Ле Пен аз тарафдорони дигар ҳизбҳое, ки дар давраи аввал ба онҳо раъй надода буданд, хостанд, ки дар давраи дуввум ба онҳо раъй бидиҳанд ва аз онҳо пуштибонӣ кунанд.

Макрон дар интихоботи президентии Фаронса дар соли 2017 бо гирифтани 24,01% ва Ле Пен бо 21,3% овозҳо дар давраи дуввум бо ҳам рақобат карда буданд, ки дар давраи дуввум Макрон бо соҳиб шудани 66,10%-и оро президенти Фаронса эълон шуд.

Баҳодур Усмонов сазовори медали тилло шуд

Аз ҷониби
firuzihait
-
0

Варзишгари шинохтаи тоҷик, Баҳодур Усмонов дар мусобиқаи байналмилалии “GeeВee Boxing Tournament-2022” дар Финляндия сазовори медали тилло шуд.

Бино ба иттилои Кумитаи миллии олимпии Тоҷикистон, ин мусобиқа аз рӯзи 7-ум то 10-уми апрел дар шаҳри Ҳелсинкӣ бо иштироки беш аз 100 варзишгар аз кишварҳои Финляндия, Норвегия, Шветсия, Эстония, Англия, Уэлс, Шотландия, Тоҷикистон, Қазоқистон, Арманистон, Венгрия, Фаронса, Олмон, Булғористон ва Украина баргузор шуд.

Дар ин мусобиқа, муҳорибаҳо аз рӯи 4 вазн миёни бонувон ва 11 вазн миёни мардҳо сурат гирифт.

Варзишгари тоҷик Баҳодур Усмонов дар вазни -63,5 кг дар ин мусобиқа дар аввал озод буд ва муҳорибаро аз чорякфинал оғоз карда, намояндаи Арманистон Ҳамлет Мнатсаканянро бо ҳисоби 5:0 шикаст дод. Баҳодур дар даври нимниҳоӣ бо Ричард Ковач аз Венгрия қувваозмоӣ намуда, ӯро бо ҳисоби 3:2 мағлуб намуда ба даври ниҳоӣ роҳ ёфт.

Муштзани тоҷик дар финал бар варзишгари Шотландия Риси Лунч бо ҳисоби 4:1 ғалаба карда, сазовори медали тилло гашт.

Мусобиқаи “GeeВee Boxing Tournament” ҳамасола аз соли 1982 ба хотираи муштзани финландӣ Гуннар Барлунд баргузор мешавад.

Украина: Ҳамла ба истгоҳи роҳи оҳан беш аз 140 кушта ва захмӣ ба ҷо гузошт

Аз ҷониби
amrullokhi
-
0

Бар асари як ҳамлаи мушакӣ ба истигоҳи роҳи оҳане дар Украина зиёда аз 39 кушта ва беш аз 100 нафар захмӣ шудааст.

Владимир Зеленский,

Бо ин ҳол, имрӯз 8-уми апрел Вазорати дифои Русия бо нашри як наворе, ки партоби як мушак дар он ба намоиш гузошта шудааст, хабар дода, ки Русия “амалияти махсуси низомии худро дар Украина идома медиҳад.”

Инчунин дар аксу наворҳои нашршуда дида мешавад, ки пас аз ҳамла кормандони полис ва дигар гурӯҳҳои наҷотдиҳӣ ба ҷои ҳодиса рафта, ба ҷамъоварии ҷасадҳо ва кумаки осебдидаҳо машғул шудаанд.

Гуфта мешавад, ҳамлаи имрӯз ба истгоҳи роҳи оҳани Краматорск тавассути як мушаки “Точка-У” сурат гирифтааст, яке аз пурқурбонитарин ҳамлаҳо ба сокинони осоиштаест, ки дар муддати 44 рӯзи ҷанги Русия бо Украина ба қайд гирифта мешавад.

СММ ширкати Русияро дар Шӯрои ҳуқуқи инсон боздошт

Аз ҷониби
AZDA TV
-
0

Рӯзи 7-уми апрел Маҷмаи Созмони Миллали Муттаҳид узвияти Русияро дар Шӯрои ҳуқуқи инсон боздошт. Маскав аз ин ба баъд дар ҷаласаҳои Шӯро аз ҳаққи раъй додан ва суханронӣ кардан маҳрум шуд.

Барои боздошти Русия аз Шӯрои ҳуқуқи СММ 93 кишвар ба ҷонибдорӣ ва 24 кишвар зид раъй доданд. Аз ҷумла Тоҷикистон ва кишварҳои Осиёи Марказӣ мухолифи ин қатънома раъй додаанд. Аммо 58 кишвари дигар бо шумули Ҳиндустону Покистон ва аксари кишварҳои арабӣ аз раъй додан даст кашидан.

Ин иқдом дар пайи иттиҳомот алайҳи Русия ба “ҷинояти ҷангӣ”, ки тавассути сарбозони он дар манотиқи Украина, ба хусус дар Буча рух дода, гирифта шудааст.

Пас аз хуруҷи нерӯҳои Русия аз атрофи Киев, аксҳое аз ҷасадҳои беҷони садҳо ғайринизомӣ дар кучаҳои шаҳри Буча дар шабакаҳои иҷтимоӣ роҳ ёфт, ки вокуниши ҷаҳониро ба бор овард.

Дар пайи он кишварҳои ғарбӣ хостори ташдиди таҳримҳо алайҳи Русия шуданд, аммо Кремл ин иттиҳомотро ба шиддат рад кард ва онро “иғвои набатии Киев” номид.

1...495496497...802саҳифаи 496 аз 802