Се донори асосии Тоҷикистон Чин – 32,5%, Русия – 12,9% ва Ҷумҳурии Корея – 11,4% мебошанд.
Ёдовар мешавем, ки соли гузашта Тоҷикистон аз 62 кишвар ба маблағи умумии беш аз 55,8 миллион доллар кумаки башардӯстона дарёфт намуд. Дар маҷмӯъ, кишвар беш аз 22,5 ҳазор тонна кумаки башардӯстона дарёфт карда буд.
Дар шаҳри Хуҷанд, раиси Кумитаи давлатии амнияти миллӣ Саймумин Ятимов бо ҳамтои қирғизаш Камчыбек Ташиев мулоқот мекунад. Дар ин бора аз маркази матбуоти Кумитаи давлатии амнияти миллии Қирғизистон хабар доданд.
Гуфта мешавад, ки аз 15 то 18 март ҷаласаи навбатии комиссияҳои ҳукуматии Ҷумҳурии Қирғизистон ва Ҷумҳурии Тоҷикистон оид ба делимитатсия ва демаркатсияи сарҳад баргузор мешавад.
“Ҳайати Қирғизистонро раиси комиссияи байниҳукуматӣ, роҳбари Кумитаи давлатии амнияти миллии Ҷумҳурии Қирғизистон генерал-лейтенант Камчыбек Ташиев ва ҷониби Тоҷикистонро раиси Кумитаи давлатии амнияти Миллии Тоҷикистон генерал полковник Саймумин Ятимов роҳбарӣ мекунанд. Ин аввалин мулоқоти онҳо ба ҳайси роҳбарони Кумитаи ҷонибҳо мебошад. Дар ин мулоқот ғайр аз муҳокимаи масъалаҳои делимитатсия ва демаркатсияи марзхо, муҳокимаи дигар масъалаҳои мубрами фаъолияти муштараки ҳарду кишвар, аз ҷумла муқовимат бо чолишҳои муосир ва таҳдидҳо ба амният ба нақша гирифта шудааст.” – хабар дод КДАМ-и Қирғизистон.
Баъзе аз кишварҳои дунё истифода аз ваксинаи “AstraZeneca”-ро боздоштаанд.Дар байни ин кишварҳо чанде аз кишварҳои Аврупоӣ ба мисли Фаронса, Олмон ва Итолиё низ ҳаст. Ин се кишвар ахиран дар рӯзи 15-уми март чунин тасмиро гирфтаанд.
Барои харидории воксин Тоҷкистон аз Бонки ҷаҳонӣ 21,3 миллион доллар маблағҳои бебозгашт ё грантӣ дархост кардааст.
Ҷамшед Каримзода, муовини аввали Вазири молия мегуяд, бо ин маблағ 1 миллиону 800 ҳазор ва ё 20 дарсади дигар аҳолии кишварро метавон бо ваксин фаро гирифт. Аммо масъулон то ҳол нагуфтаанд,ки ваксиназанӣ ройгон сурат мегирад ё на.
То ҳол Бонки ҷаҳонӣ барои харидани ваксина ба Тоҷикистон 3 миллион доллар ҷудо кард, қарор аст 5 миллион доллари дигар ҳам кумак кунад.Ва ахиран мақомоти Чин ҳам ба Тоҷикистон ваксинаи ройгон пешниҳод кардаанд.
Ба иттилои ронандаҳо дар бархе аз нуқтаҳои дигар, фурӯши бензин маҳдуд шуда, ба як ронанда аз 20 литр зиёд намедиҳанд. Масъулони нуқтаҳои фурӯши сӯзишворӣ мегӯянд, ки “Дар корхонаҳои истеҳсоли нафт дар Қазоқистон, ки сӯзишворӣ аз ҳамон кишвар ба Тоҷикистон меояд, таъмир ҷараён дорад. Бино бар ин, чунин вазъият пеш омадааст.”
Ёдовар мешавем, ки чанд рӯз пеш бар асоси хабари “Казинформ” яке аз се корхонаи бузурги коркарди нафти Қазоқистон бо сабаби мушкилиҳои техникӣ истеҳсоли гази моеъи худро қатъ намуд.
Тоҷикистон ба далели надоштани имконоти кофии коркарди нафт то ба ҳол маҳсулоти нафтиро аз хориҷ ва асосан аз Русияву Қазоқистон дар шакли маҳсулоти тайёр, яъне бензину солярка, мегирад. Ба иттилои расмӣ, соли 2020 ба кишвар 234 ҳазор тонна бензин ва 298 ҳазор тонна сӯзишвории дизелӣ ворид шудааст.
