22.9 C
Dushanbe

Мудири шуъбаи “Қаряи Боло” боздошт шуд

Мудири шуъбаи беморхонаи “Қаряи Боло”-и пойтахт бо иттиҳом даст доштан дар тасарруфи беш аз 70 ҳазор сомонӣ боздошт шудааст.

Бино ба иттилои расмӣ, Анваров Ҷ.И. – мудири шуъбаи дуюми Муассисаи давлатии “Маркази миллии тиббии Ҷумҳурии Тоҷикистон “Шифобахш” маъруф ба “Қаряи Боло” бо иттиҳоми гирифтани пора дар ҳаҷми 5 ҳазор доллари амрикоӣ ва 19 ҳазор сомонӣ боздошт гардидааст.

Агентии назорати давлатии молиявӣ ва мубориза бо коррупсияи Тоҷикистон дар шаҳри ин хабар навиштааст, ки “Анваров Ҷ.И. барои ба сурати “қонунӣ” дохил кардани писари “шаҳрванд Ашуров З.Т. ба факултаи тиббии Донишгоҳи миллии Тоҷикистон” аз вай ин маблағро талаб карда гирифтааст.

Инчунин Агентии зидди фасоди Тоҷикистон Анваровро “бо истифода аз мақоми хизматӣ” ва “барои бо роҳи фиреб тасарруф намудани молу мулки ғайр” ва “иҷро накардани ягон амали муайян” муттаҳам кардааст.

Вобаста ба ин иттиҳомот Агентии назорати давлатии молиявӣ ва мубориза бо коррупсияи Тоҷикистон мегӯяд, “нисбати Анваров Ҷ.И. бо моддаи 247 қисми 4 банди “б” КҶ Ҷумҳурии Тоҷикистон парвандаи ҷиноятӣ оғоз карда шуда, парвандаи ҷиноятӣ баъди анҷоми тафтиши пешакӣ ва тасдиқи фикри айбдоркунӣ барои моҳиятан баррасӣ намудан ба додгоҳ фиристода шудааст.

Мақомоти зидди фасоди Тоҷикистон дар вақти нашри ин хабар на назари айбдоршаванда, на аз наздикону пайвандон ва на адвокати қонунии ӯро дар робита ба ин иттиҳомот зикр накардаанд ва дар ҳоли ҳозир Azda.tv ҳам то ҳол ба сурати мустақим натавонистааст, ки назари онҳоро дарёфт ва ин масъаларо ба сурати мустақим таҳқиқ намояд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Раҳмон ба Итолиё меравад?

Вазорати корҳои хориҷӣ ва ҳамкории байналмилалии Итолиё дар якҷоягӣ бо Оҷонсии савдои ин кишвар (ICE) дар бораи Тоҷикистон нишаст баргузор мекунанд.

Ихроҷи 600 муҳоҷири кории тоҷик аз Корея

Дар давоми камтар аз як моҳи ахир мақомоти Кореяи Ҷанубӣ беш аз 600 муҳоҷири кории шаҳрвнадони Тоҷикистонро аз ин кишвар ихроҷ кардаанд.

Сафари Шавкат Мирзиёев ба Душанбе

Раисҷумҳури Узбекистон Шавкат Мирзиёев рӯзи 18-уми апрели соли ҷорӣ бо сафари расмӣ вориди пойтахти Тоҷикистон шаҳри Душанбе шуд.

Тахриби масҷид дар Маскав

Мақомоти дахлдлори Русия дар шаҳри Троитски вилояти Маскав масҷиди Абӯбакрро пурра тахриб карданд.