27.9 C
Dushanbe

95% муҳоҷирони кории Тоҷикистон ба Русия сафар мекунанд

Ҳудуди 95 дарсади муҳоҷирони меҳнатии Тоҷикистон Русияро барои кору зиндагӣ интихоб карда, ҳар сол ба онҷо сафар мекунанд. Дар ин бора Шаҳноза Нодирӣ, муовини вазири меҳнат, муҳоҷират ва шуғли аҳолии Тоҷикистон дар мусоҳиба бо

Шаҳноза Нодирӣ, акс аз “Азия-Плюс”

Тибқи гуфтаи муовини вазири меҳнати кишвар “Тақрибан 95 дарсади муҳоҷирони корӣ аз Тоҷикистон барои кор ба Русия мераванд. Аксари онҳо ба вилоятҳои Иркутск, Новосибирск, Ростови лаби Дон, Маскав, Санкт-Петербург мераванд”.

Бино ба маълумоти Хадамоти муҳоҷирати Тоҷикистон, дар 10 моҳи соли ҷорӣ 331 ҳазору 353 нафар аз кишвар барои ҷустуҷӯи кор ба Федератсияи Русия сафар кардааст. Аммо ба гуфтаи ҷониби Русия, ин рақам ба маротиб бештар аст.

Нодирӣ сабаби вуҷуди ихтилоф дар омори ду кишварро ба он рабт дода, ки ба гуфти ӯ, бисёре аз муҳоҷирони тоҷикистоние, ки шаҳрвандии Русияро доранд, ҳангоми хориҷ шудан аз ин кишвар ҳамчун шаҳрванди Русия сабти ном мешаванд ва дар омори Тоҷикистон дар бораи муҳоҷирати корӣ шомил намешаванд. Вай афзуд, “аммо мақомоти Русия онҳоеро, ки аз Тоҷикистон ба Русия мераванд ва ҳатто дорои шиносномаи русӣ ҳастанд, низ ба рӯйхати муҳоҷирон шомил мекунанд.”

Ба маълумоти муовини вазир, муҳоҷирони кории Тоҷикистон пас аз Русия ба Қазоқистон, дигар кишварҳои ИДМ ва ё ба Туркия ва Амороти Муттаҳидаи Араб барои кор мераванд.

Зиндагии аксари хонаводаҳо дар Тоҷикистон аз маблағи мефиристодаи муҳоҷирони корӣ мечархад. Маблағи муҳоҷирон манбаи аслии даромади хонаводаҳои онҳо ва ҳатто қисми бузурге аз даромади будҷаи кишварро ташкил медиҳад.

Бино ба маълумоти Бонки миллии Тоҷикистон, дар соли 2019 ҳаҷми интиқоли пул ба кишвар беш аз 2,7 миллиард долларро ташкил дода, нисбат ба соли 2018 6% бештар буд. Аммо раванди интиқоли маблағ соли гузашта бо сабабҳои ҷорӣ будани пандемия ва дигар мушкилот коҳиш ёфт.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ҳузури 8 ҳазор зодаи Тоҷикистон дар ҷанги Русия бар зидди Украина

Беш аз 8 ҳазор зодаи Тоҷикистон дар сафи артиши Русия қарор гирифта, бар зидди Украина меҷанганд.

Аввалин мулоқоти расмии вазирони хориҷии Тоҷикистону Қирғизистон пас аз ҳалли мушкилоти марзӣ

Вазир корҳои хориҷии Тоҷикистон Сироҷиддин Муҳриддин бо ҳамтои қирғизии худ дар шаҳри Бишкек мулоқот кард.

Қатъи нерӯи барқ дар Тоҷикистон дар рӯзҳои гарми тобистон

Дар ин тобистони гармӣ сокинон аз гӯшаву канори кишвар аз маҳдудияти барқ дар кишвар шикоят доранд.

Дар Русия ҳафт навъи пардохти давлатии иловагӣ барои муҳоҷирон ҷорӣ мешавад

Вазорати молияи Русия лоиҳаи қонунеро таҳия кардааст, ки бо қабули он кисаи бе ин ҳам холии муҳоҷирон дар ин кишвар холитар мешавад.