-1.1 C
Dushanbe

Мулоқоти Ятимов ва Тошиев дар Тоҷикистон

Рӯзи 1-уми декабри соли ҷорӣ раисони Кумитаи давлатии амнияти миллии Тоҷикистону Қирғизистон, Саймумин Ятимов ва Қамчибек Ташиев дар шаҳри Бӯстони вилояти Суғди Тоҷикистон мулоқот карданд.

“Ховар” дар истинод ба Кумитаи давлатии амнияти миллии Тоҷикистон хабар дод, ки ҷонибҳо дар чорчӯби ҳайатҳои кории ҳукуматҳои ду кишвар дар мавриди таъйин ва аломатгузории марз мулоқот намуда, натиҷаи нишастро “мусбат” арзёбӣ карданд.

Гуфта мешавад, ҷонибҳо дар ин мулоқоти навбатӣ “зарурати фаъол гардонидани раванди ба охир расонидани таъйини гузариши хати сарҳади давлатии Тоҷикистон ва Қирғизистонро дар қитъаҳои боқимонда таъкид намуданд.”

Маълум нест дақиқан, ҳайатҳои кории топографаии ду кишвар дар мавриди таъйин ва аломатгузории марз ба чӣ тавофуқоте даст ёфтанд. Аммо ҷониби Тоҷикистон ҷузъиёти ин наштсҳоро на ҳоло ва на аз рафти нишастҳои қаблии ин гурӯҳи корӣ ба расонаҳо шарҳ надодааст.

Ин дар ҳолест, ки ҷониби Қирғизистон ба расонаҳо каму беш аз раванди музокирот ва тавофуқоти ҳосилшуда иттилоъ медиҳад. Аз ҷумла, мақомоти Қирғизистон борҳо гуфтаанд, ки ба эҳтимоли зиёд то поёни соли 2023 масоили баҳсии марзро бо Тоҷикистон ҳал хоҳанд кард ва ба мувофиқаи ниҳоӣ хоҳанд расид.

Ёдовар мешавем, ки Тоҷикистон ва Қирғизистон бо ҳам 980 километр марзи муштарак доранд, ки то ин дам зиёда аз 600 километри он муайян шудааст. Давоми 2-3 соли ахир борҳо байни сокинони марзии ду кишвар бар сари нуқтаҳои аломатгузоринашудаи марз даргириҳо рух дод, ки дар натҷиа ин муноқишаҳо аз ду тараф даҳҳо кушта ва захмӣ ба ҷо гузошт.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Толибон: Аҳмади Масъуд бо Иморати исломӣ байъат кардааст

Толибон мегӯянд, ки Аҳмади Масъуд, раҳбари ҷабҳаи муқовимати миллии Афғонистон бо Иморати исломӣ байъат кардааст.

Тасдиқи бемории Мамадшоева дар зиндон

Улфатхоним Мамадшоева, рӯзноманигор ва фаъоли зодаи Вилояти Мухтори Кӯҳистони Бадахшон дар зиндон аз фишорбаландӣ азият мекашад.

Бобаки Занҷонӣ баъди 10 сол озод мешавад

Бобаки Занҷонӣ, миллардер ва тоҷири шинохтаи эронӣ, ки бо иттиҳоми напардохтани беш аз 2 миллиард евро дар Теҳрон боздошт ва зиндонӣ шуда буд, озод хоҳад шуд.

Раиси Додгоҳи ноҳияи Ҷаббор Расулов бо кадом ҷурм зиндонӣ шуд?

Агентии зидди фасоди Тоҷикистон мегӯяед, раиси Додгоҳи ноҳияи Ҷаббор Расулов бо иттиҳоми гиирфтнаи пора дар ҳаҷми калон боздошт ва равонаи зиндон шуд.