Муноқишаи марзии Тоҷикистону Қирғизистон аз нигоҳи коршиносон

Муноқишаи низомӣ байни Қирғизистон ва Тоҷикистон ба мантиқи умумии равандҳои низомию сиёсӣ, ки дар қаламрави пасошӯравӣ рух медиҳанд, мувофиқат мекунад, гуфт сиёсатшиноси рус, Меҳмон Ғафорлӣ ба Авесто.

Ба гуфтаи ӯ, бо вуҷуди он, ки ин муноқиша бар асари баҳс миёни қирғизҳову тоҷикон, ки обро дар минтақаи обхезии “Головной” тақсим карда натавонистанд, сар зад, он тобиши сиёсӣ дорад ва идорашаванда аст.

“Ин муноқиша ба ҷанги калон байни Қирғизистон ва Тоҷикистон табдил нахоҳад ёфт, аммо Бишкек назоратро аз болои қисмате аз қаламравҳояш дар марз бо Тоҷикистон аз даст хоҳад дод, ки боиси ба кулли тағйир ёфтани вазъи ҷамъиятӣ-сиёсӣдар Қирғизистон мегардад. Ҳадафи ин муноқиша ба худи қирғизҳо нишон додани он аст, ки демократияи қирғиз, ки интихоботи президент ва сарвазирро ба як навъ фароғати мардум табдил додааст, дурнамо надорад ва Қирғизистон ба қудрати қавӣ ва васеи президент ниёз дорад”- мегӯяд сиёсатшинос.

“Инқилобҳо дар ин кишвар дар 16 соли охир алакай доимӣ шуданд ва дар Қирғизистони пасошӯравӣ тақрибан 30 сарвазир иваз шуд.Ба ҳамин хотир, давлатдорӣ ва қобилияти мудофиавии Қирғизистон хеле заиф гашта, амалан дар назди қувваи низомии тоҷик нотавон монд”. - таъкид мекунад ӯ.

Дар охир Меҳмон Ғафорлӣ хулоса кард, ки “Президенти Қирғизистон Содир Ҷабборов ин далелҳоро барои таҳкими қудрати шахсии худ истифода хоҳад кард, то майдони сиёсии кишварро аз рақибони ҷиддии сиёсӣ тоза кунад. Аз ин рӯ, дар ояндаи наздик таҳти ниқоби таҳкими давлатдорӣ ва баланд бардоштани қобилияти мудофиавии Қирғизистон мо дар ин кишвари Осиёи Марказӣ режими пурқудрати авторитарӣ ва маҳдуд шудани равандҳои демократиро хоҳем дид ”.