14.9 C
Dushanbe

Муроҷиати додхоҳонаи як маҳбус ба Эмомалӣ Раҳмон

Вакили дифоъ ва собиқ муфаттиши ноҳияи Вахш Садриддинзода Саиднуриддин дар як муроҷиати видеоӣ, ки зоҳиран дар дохили зиндон сабт шудааст, аз Эмомалӣ Раҳмон хостааст ба додаш бирасад, зеро ӯро туҳмат намуда, бегуноҳ зиндонӣ кардаанд.

Вакили дифои зиндонӣ дар муроҷиати худ ба Президент мегӯяд, мақомти ноҳияи Вахш ба хотири он ки ҷиноятҳояшон фош нашавад, маро бо шиканҷа маҷбур сохтанд, ки гуноҳи накардаро ба дӯш бигирам.

Ӯ мегӯяд, ҳангоми истинтоқ шахсан худи додситони ноҳияи Вахш Исмоилзода Салоҳиддин ба боздоштгоҳ ворид шуда, ӯро шиканҷа кардааст. Аз ӯ забонхат гирифтаанд, ки минбаъд нисбати ҳеч мақомдоре дар шабакаҳои иҷтимоӣ шикоят накунад.

Садриддинзода дар идома афзудааст, ки мақомот инчунин 9 июн нисбаташ парвандаи нав бар асоси моддаи 307 иловаи 3 қисми 3-и Кодекси ҷинояии Тоҷикистон (яъне кумак ва ҳамкорӣ бо гурӯҳҳои террористӣ) боз карданд. Ӯ иддо дорад, ки мақомот аз номи ӯ наворҳо сабт карда, навиштаҳояшро нусхабардорӣ намуда, бо иттиҳоми ҳамкорӣ бо ҲНИТ ва “Гурӯҳи 24” бардурӯғ парванда бозкардаанд ва муддати 8 моҳ мешавад тафтишоташ идома дорад.

Садриддинзода сабаби ба чунин ҳолат гирифтор шуданашро танҳо дар навиштани ҳақиқт нисбати амалҳои ғайриқонунии додситони ноҳияи Вахш ва дигар мақомоти вилояти Хатлон медонад.

Дар ҳамин ҳол навори

Ҳамсари Садриддинзода Саиднуриддин

Ҳамсараи Садриддинзода мегӯяд, дар ин кор бевосита додситони вилояти Хатлон Раҳимзода ва додситони ноҳияи Вахш Исмоилзода даст доранд. Ба гуфтаи ӯ, Исмоилзода борҳо гуфтааст, ки ман хеши Эмомалӣ Раҳмон ҳастам ва касе ба ман зарар расонда наметавонад.

Саиднуриддин пештар дар шабакаҳои иҷтимоӣ аз беадолатӣ ва ришваситонии мақомоти додгоҳии ноҳияи Вахш мегуфт, вале 25-уми декабри соли 2020 додгоҳ ӯро бар асоси ҳафт моддаи Кодекси ҷиноии Тоҷикистон, аз ҷумла харидуфурӯши замин, қаллобӣ ва паҳн кардани маълумоти дурӯғ гунаҳкор донист ва ба 8,5 соли зиндон маҳкум кард.

Пеш аз эълони ҳукми Садриддинзода айбдоркунандаи давлатӣ Абдумаҷид Саидзода аз додрас талаб карда буд, ки “озодии Шамсиддинов (Садриддинзода) барои шаҳрвандон хатар дорад ва бояд ба ҳабс кашида шавад.”

Шикоят аз амалҳои ғайриқонунии додситонҳову додрасҳо қариб, ки аз аксари шаҳру ноҳияҳои Тоҷикистон садо медиҳад. Ҷунайдулло Худоёров, як фаъоли шабакаҳои иҷтимоӣ низ аз бедодгариҳои мақомоти додситонии ноҳияи Рашт ҳамеша шикоят мекунад, аммо касе ҳозир нест пеши роҳи чунин рафторҳои ғайриинсонии онҳоро бигирад.

Аксари корбароне, ки дар шабакаҳои иҷтимоӣ зери чунин наворҳо шарҳ менависанд, бар ин назаранд, ки шахсан худи Эмомалӣ Раҳмон ба сохторҳои қудратӣ, аз ҷумла маъмурони КДАМ, ВКД ва додситонӣ бо баҳонаи таъмини амният ва пешгирӣ аз ифротгароӣ аз ҳад зиёд ихтиёр додааст ва онҳо аз ин фурсат сӯиистифода намуда, ҳар коре дилашон мехоҳад дар ҳаққи мардум анҷом медиҳанд ва касе ҳам пеши роҳи онҳоро намегирад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ҷузъиёти боздошти Сулаймон Давлатов аз забони вакили дифоаш

Сабаби боздошти Сулаймон Давлатов, яке аз фаъолони сиёсӣ ва паноҳанда дар Литва, ки рӯзи ҷумъаи гузашта боздошт шуда буд, маълум шуд.

Навори нави чор гумонбари ҳамла ба “Крокус”

Хадамоти федералии амнияти Русия навори ыадиде аз бозпурсии чаҳор гумонбари ҳамлаи террористӣ ба "Крокус Сити Ҳолл"-и Красногорскро нашр кард.

То 600 сомонӣ ҷарима барои идгардаки кӯдакон дар Тоҷикистон

Вазорати маориф ва илми Ҷумҳурии Тоҷикистон бо судури қароре идгардакро дар рӯзи иди Рамазон барои кӯдакони боғча то донишомӯзони мактабу донишҷӯён мамнуъ эълон кад.

Боздошти Сулаймон Давлатов дар Литва

Мақомоти Литва Сулаймон Давлатов, як фаъоли сиёсии тоҷик ва паноҳанда дар ин кишварро боздошт кард.