9.9 C
Dushanbe

Мурофиаи додгоҳии Абдуллоҳи Шамсиддин дар Душанбе

Ба эҳтимоли зиёд рӯзи 28-уми марти соли 2023 мурофиаи додгоҳии Абдуллоҳи Шамсиддин дар шаҳри Душанбе баргузор мегардад.

Ҳю Виллиамсон, раиси бахши Аврупо ва Осиёи Марказии Cозмони Дидабони Ҳуқуқи Башар (HRW) дар ҳисоби твиттериаш дар ин бора навиштааст, ки “то ҷое ба HRW маълум гашт, 28-уми март Абдуллоҳи Шамсиддин, як фаъоли сиёсӣ, ки ахиран аз Олмон ихроҷ шуда буд, метавонад дар Душанбе ба додгоҳ кашида шавад.”

Ҷаноби Виллиамсон ба далели набудани низоми мустақили додгоҳӣ дар Тоҷикистон, аз нозирони байналмилалӣ даъват кардааст, ки дар мурофиаи Абдуллоҳи Шамсиддин ширкат кунанд.

Дар ҳамин ҳол як манбаъ дар суҳбат ба Azda.tv гуфт, ки мурофиаи ин фаъоли тоҷик ба эҳтимоли зиёд дар Додгоҳи ноҳияи Синои шаҳри Душанбе баргузор мегардад.

Сару садоҳо дар бораи эҳтимоли баргузор шудани мурофиаи додгоҳии Абдуллоҳи Шамсиддин дар ҳоле расонаӣ мешавад, ки аз замони ихроҷаш аз Олмон ба Тоҷикистон беш аз ду моҳ мегузарад, то ҳол мақомоти кишвар расман нисбати ин фаъоли тоҷик айб эълон накардааст ва ҳатто дар боздошт нигоҳ доштани ӯро ягон ниҳоди қудратии кишвар ба дӯш нагирифтааст.

Ёдовар мешавем, ки мақомоти Олмон 18-уми январи соли ҷорӣ Абудллоҳи Шамсиддин, писари узви аршади ҲНИТ Шамсиддини Саидро ба далели камбуд дар асноди буду бош ва адами ифшои ҳувият аз Олмон ба Тоҷикистон ихроҷ кард. Гуфта мешавад, Абдуллоҳ пас аз ихроҷ аз Олмон дар Фурӯдгоҳи байналмилалии шаҳри Душанбе тавассути мақомоти тоҷик боздошт ва ба ҷои номаълум бурда шуд.

Пас аз ихроҷи ӯ то кунун чандин гирдиҳамоӣ ва эътирозҳое аз ҷониби мухолифин ва ҳамкорону дӯстони олмонии Абдуллоҳ сурат гирифт. Борҳо созмонҳои байналмилалӣ, фаъолони олмонӣ ва тоҷик аз мақомоти расмии Тоҷикистон хостанд, ки макони буду боши ӯро эълон намуда, раҳояш кунанд. Аммо мақомоти тоҷик то кунун хомӯшанд, касе аз макони боздошти ӯ ҳарфе намезанад. Ҳатто дар нишастҳои матбуотӣ ҳам ВКД ва ҳам додситонии кул аз куҷо будани Абдуллоҳ изҳори бехабарӣ карданд.

Бино ба хабарҳои ғайрирасмӣ, ҳоло ин фаъоли сиёсии тоҷик дар боздоштгоҳи муваққатии Кумитаи давлатии амнияти миллии Тоҷикистон дар шаҳри Душанбе қарор дорад, вале мақомоти КДАМ инро на рад мекунанд ва на таъйид.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи тоҷикон аз Кореяи Ҷанубӣ

Бино ба иттилои манобеи Azda tv, мақомоти Кореяи Ҷанубӣ дар ин чанд рӯзи ахир бархе аз муҳоҷирони тоҷикро боздошт ва аз ин кишвар ихроҷ кардаанд.

Ҷойивазкунии мақомдорон дар Тоҷикистон

Бо фармон ва қарорҳои нави Эмомалӣ Раҳмон чанд нафар аз як вазифа озод ва ба вазифа дигар таъйин шуданд.

Истирдоди як фаъоли тоҷик аз Лаҳистон ба Тоҷикистон

Мақомоти Лаҳистон ҳафтаи гузашта боз як фаъоли тоҷикро боздошт ва ба Тоҷикистон истирдод кардааст.

Чаро ҷавонон ифротгаро мешаванд?

Маънои луғавӣ ва истилоҳии ифротгароӣ Ифротгароӣ дар луғат ба маънои аз ҳад гузаштан, аз меъёр гузаштан ва зиёдаравӣ кардан аст (фарҳанги форсии Муин, фарҳанги форсии Амид). Калимаҳои мутародиф ва ё ҳаммаъно бо ифрот иғроқ, газофа, муболиға, сахтгирӣ, ғулув ва монанди ин мебошанд.