14.9 C
Dushanbe

Мушкилоти марз аз оинаи ҳамсоя, ё чаро Тоҷикистонро гунаҳкор меҳисобанд?

Расонаҳои қирғизӣ менависанд, ки низомиёни Тоҷикистон сокинони Бодкандро ба чарогоҳҳо роҳ намедиҳанд. Дар ин бора ба хабаргузории 24.kg сокинони деҳаи Оқ-Сой хабар доданд.

Ба гуфтаи сокинонони ин деҳа, низомиёни тоҷик роҳро ба чарогоҳҳо дар қитъаи Тоош-Кандики деҳаи Капчигай бастаанд.

“Низомиён ба як минтақаи маълумнашуда омада, ба рондани чӯпонҳо ва чорво оғоз карданд. Онҳое, ки мехостанд ба чарогоҳ раванд, нагузоштанд. Булдозер ҳам оварданд ”, – гуфтанд сокинони Оқ-Сой.

Бино ба иттилои хабаргузории 24.kg сокинони маҳаллӣ дар назди бинои маъмурии минтақа ҷамъ омада, талаб доранд, ки низомиёни кишвари ҳамсоя қисмати номаълуми марзро тарк кунанд ва ба онҳо барои чарогоҳ роҳ кушоянд.

Аммо дар ин бора аз ВКХ Тоҷикистон расман изҳороте пахш нашудааст ва маълум нест, ки бо чи далиле марзбонони тоҷик чӯпонҳои қирғизро аз чарогоҳҳо рондаанд. Вале ба эҳтимоли зиёд худи чӯпонҳо марзро убур кардаанд ва ё дар нуқтаҳои баҳсӣ қарор доштаанд.

Ёдовар мешавем, ки як ҳафта мешавад, пас аз изҳороти Улукбек Марипов сарвазири Қирғизистон дар бораи он ки як қисми рӯдхонае, ки тавассути он обанбори Торткӯл пур карда мешавад, ба Тоҷикистон гузашт, сокинони Бодкандро ба шӯр овардааст.

Сокинони Ботканд ба изҳороти сарвазир вокуниш нишон дода, гуфтаанд, ки чӣ гуна сарвазир метавонад чунин изҳоротро аз минбари парлумон баён кунад. Баъд аз ин изҳорот 5 феврал дар Бодканд, рӯзи ҳаштум дар Бишкек, гирдиҳамоиҳо бо талаби тавзеҳоти раиси Девони вазирон баргузор шуданд. Пас аз он Вазорати корҳои хориҷии Тоҷикистон вокуниш нишон дода, ҷониби Қирғизистонро даъват кард, ки дар изҳороти худ дар бораи марз эҳтиёткор бошанд.

Баъди ин ҳама эътирозҳо Улукбек Марипов шарҳ дод, ки бадхоҳон суханони ӯро таҳриф кардаанд. Марипов мегӯяд, ӯ саргаҳи наҳрро (ҳавзаи тақсимоти об, ки тавассути он обанбори Торткул пур мешавад) дар назар надошт, балки рӯдхонаи ҳамсояи Кайирма ба Тоҷикистон тааллуқ дорад.

Дар ҳамин ҳол роҳбари Ассотсиатсияи истифодабарандагони оби ноҳияи Ботканд Уланбек Калдарбеков ба хабаргузории 24.kg дар бораи изҳороти масъулин гуфт, сарвазир кӯшиш кард, ки гуфтаҳои худро шарҳ бидиҳад ва ба хатои дуюм роҳ дод.

“Чӣ гуна шумо гуфта метавонед, ки Кайрма ба Тоҷикистон таалуқ дорад? Дар Ботканд мо кӯшиш мекунем, ки ҳар як порча заминро нигаҳ дорем. Бо вуҷуди камбуди пул, бачаҳо дигар ба Бишкек ё Русия намераванд. Зеро онҳо метарсанд, ки хонаҳо ва заминҳои онҳоро мегиранд”, мегӯяд роҳбари Ассотсиатсияи истифодабарандагони оби ноҳияи Ботканд.

Ёдовар мешавем, ки танишҳо байни сокинони минтақаҳои наздисарҳадии ин ду кишвар солҳост, ки идома дорад ва ин муноқишаҳо дар нуқтаҳои номуайянии марзҳо сар мезанад, ки то ҳол даҳҳо захмӣ ва кушта аз ду ҷониб ба ҷо гузоштааст.

Байни Тоҷикистон ва Қирғизистон 976 километр марзи муштарак вуҷуд дорад, ки аз ин шумор танҳо 504 километри он таъйин ва аломатгузорӣ шудааст. Боқӣ 472 километри дигари марзи давлатии миёни ду кишвар аломатгузорӣ нашуда номуайян боқӣ мондааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.