18.9 C
Dushanbe

Мутахассисони вирусшинос барои таҳқиқи вируси ҳамагир ба Вуҳон рафтанд

Созмони Ҷаҳонии Беҳдошт як гурӯҳи мутахассисонро барои таҳқиқ ва пурра омӯхтани вируси “COVID-19” ба шаҳри Вуҳони Чин фиристод. Вуҳонро макони сарзадани коронавирус медонанд.

Рӯзи панҷшанбе 28 январи ҳамин сол ин ҳайат кори таҳқиқотии худро шуруъ кард, ҳарчанд маълум нест, ки онҳоро ба ҳама иншооти зарурӣ иҷозаи санҷиш медиҳанд ё хайр.

Бино ба иттилои хабаргузории “Ал-Ҷазира”, дар назар аст, мутахассисони Созмони Ҷаҳонии Беҳдошт аз озмоишгоҳҳое боздид кунанд, ки озмоишҳои аввалини вируси “COVID-19” онҷо гузаронида шудааст ва ҳамчунин аз бозоре, ки эҳтимолан вируси ҳамагир аз онҷо паҳн шуд, дидан кунанд.

Чанде пеш Созмони Ҷаҳонии Беҳдошт аз Чин хоста буд, ки мутахассисон барои озмоиши ин вирус ба Вуҳон раванд, аммо зоҳиран Чин ба ин дархост талаби рад дода буд.

Баъзе расонаҳо навишта буданд, ки Чин дар додани маълумоти бештар дар бораи ин вируси ҳамагир худдорӣ мекунад.

Пештар хабарҳо нашр шуда буд, ки наздикони онҳое, ки аз коронавирус дар Вуҳон фавтидаанд, мегуфтанд, ки онҳо зери фишори мақомоти Чин қарор доранд. Ва аз онҳо хоста шудааст, ки чизе нагӯянд.

Хабарҳо низ нашр шуда буд, як нафаре, ки аз вазъияти интишори коронавирус дар Вуҳон дар шабакаҳои иҷтимоӣ навор нашр кард, аз ҷониби мақомоти Чин боздошт шуда буд.

Аммо мақомоти Чин чунин фишорҳоро рад намуда, мегӯянд, ки як қатор давлатҳо мекӯшанд интишори коронавирусро тобиши сиёсӣ диҳанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.