10.9 C
Dushanbe

Намоиши нигораҳои таърихии Тоҷикистон дар Париж

211 адад нигораҳо аз Осорхонаи миллии Тоҷикистон ва Осорхонаи миллии бостоншиносии Тоҷикистон ба Музеи Гимей — Осорхонаи санъати Шарқи шаҳри Париж бурда шудааст.

Гуфтанист, дар ин осорхона аз рӯзи 13-уми октябр соли ҷорӣ то 10-уми январи соли 2022 намоиши нигораҳои таърихӣ таҳти унвони «Тоҷикистон-кишвари дарёҳои тиллоӣ» баргузор мегардад.

Бино ба иттилои АМИТ “Ховар”, дар ҳоли ҳозир аз Осорхонаи миллии Тоҷикистон 70 нигораи нодир ва аз Осорхонаи миллии бостоншиносии Тоҷикистон зиёда аз 140 нигораи нодир ба Париж бурда шудаанд.

Ҳамчунин дар ин рӯз бо забонҳои гуногун намоиши филмҳои тоҷикӣ ва наворҳо дар бораи мавзеъҳои таърихию сайёҳии Тоҷикистон дар назар гирифта шудааст.

Тибқи иттилои манобеи Аздо тв, Эмомалӣ Раҳмонов рӯзҳои наздик ба Париж сафар ва аз ин намоишгоҳ дидан хоҳад кард.

Таърихи бунёди Музеи Гимей соли 1889 замоне оғоз ёфт, ки фаронсавӣ Эмил Гиме, ки ба фарҳангҳои халқҳои дигар таваҷҷӯҳ дошт, дар заминаи коллексияи хусусии ашёҳои Шарқ як муассисаи хурди фарҳангиро таъсис дод.

Бори аввал Эмил Гиме коллексияи худро соли 1879 дар Лион ба намоиш гузошт ва баъд соли 1889 коллексияи Гиме ба Париж кӯчид.

Ҳоло дар ин осорхона мешавад бузургтарин коллексияи осори фарҳанги шарқиро, ки аз Чин, Ҷопон, Ҳиндустон ва Корея оварда шудаанд, пайдо кард.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи тоҷикон аз Кореяи Ҷанубӣ

Бино ба иттилои манобеи Azda tv, мақомоти Кореяи Ҷанубӣ дар ин чанд рӯзи ахир бархе аз муҳоҷирони тоҷикро боздошт ва аз ин кишвар ихроҷ кардаанд.

Ҷойивазкунии мақомдорон дар Тоҷикистон

Бо фармон ва қарорҳои нави Эмомалӣ Раҳмон чанд нафар аз як вазифа озод ва ба вазифа дигар таъйин шуданд.

Истирдоди як фаъоли тоҷик аз Лаҳистон ба Тоҷикистон

Мақомоти Лаҳистон ҳафтаи гузашта боз як фаъоли тоҷикро боздошт ва ба Тоҷикистон истирдод кардааст.

Чаро ҷавонон ифротгаро мешаванд?

Маънои луғавӣ ва истилоҳии ифротгароӣ Ифротгароӣ дар луғат ба маънои аз ҳад гузаштан, аз меъёр гузаштан ва зиёдаравӣ кардан аст (фарҳанги форсии Муин, фарҳанги форсии Амид). Калимаҳои мутародиф ва ё ҳаммаъно бо ифрот иғроқ, газофа, муболиға, сахтгирӣ, ғулув ва монанди ин мебошанд.