21.9 C
Dushanbe

Нархи гази моеъ дар Тоҷикистон гарон шуд

Нархи гази моеъ дар шаҳру вилоятҳои Тоҷикистон давоми ду ҳафтаи ахир 35% гарон шудааст. Дар ин бора “Sputnik Тоҷикистон” хабар медиҳад.

Бино ба иттилои ин расона, нархи гази моеъ, ки аз муҳимтарин маводи сӯхти мошинҳо дар Тоҷикистон дониста мешавад, субҳи имрӯз дар шаҳру ноҳияҳои вилояти Суғд ба 5,3 сомонӣ ва дар шаҳру навоҳии вилояти Хатлон ва шаҳри Душанбе ба 5,5 сомонӣ расидааст.

Сабаби гароншавии нархи гази моеъро то ҳол мақомоти кишвар расман шарҳ надодаанд. Аммо тоҷирон гуфтаанд, сабаби “гароншавии қимати газ аз воридот ва нархи дастраскунии он вобаста аст.”

Манобеи ин расона гуфтаанд, ки ширкатҳои яклухтфурӯшӣ пештар ҳар килои газро бар ивази 6 сомонӣ дастрас мекарданд, ҳоло он 7,5 – 8 сомонӣ ва аз ин ҳам зиёдтар шудааст.

Гуфта мешавад, дар баробари гароншавии нархи гази моеъ, нархи сӯзишвории бензину дизел ҳам гарон шудааст. Имрӯз дар тоблуҳои нуқтаҳои фурӯши сӯзишворӣ “нархи бензини навъи АИ 92 9,8 – 10 сомонӣ, АИ 95 10, 2 -10, 4 сомонӣ ва сӯзишвории дизелӣ ба 9,8 – 9,9 сомонӣ мебошад.”

Ин дар ҳолест, ки 4-уми августи соли ҷорӣ Қурбонзода Сафаралӣ, сардори Хадамоти зиддиинҳисории Тоҷикистон зимни нишасти матбуотие гуфта буд, ки дар 6 моҳи аввали соли ҷорӣ ба ҳудуди кишвар наздики 100 ҳазор тонна маводи сӯзишворӣ ворид карда шудааст.

Сардори Хадамоти зиддиинҳисорӣ дар ин нишаст гуфт, ки дар шашмоҳаи аввали соли ҷорӣ 207,8 ҳазор тонна гази моеъ ба маблағи 83,7 миллион доллар ва бо нархи миёнаи 403 доллар барои 1 тонна ворид карда шудааст. Ӯ афзуд, ки ин омор нисбат ба ҳамин давраи соли гузашта 114 доллар ё 22% коҳиш ёфтааст. Аммо дида мешавад, ки нарх баракс гаронтар шуда, на ин ки коҳиш ёфтааст.

Гуфта мешавад, аз миқдори умумии гази моеъи воридгашта ба кишвар 73,5% ба Қазоқистон, 24,7% ба Русия ва 1,9% аз Узбекистон рост меояд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Даргузашти генерал Ғайрат Адҳамов

Генерал Ғайрат Адҳамов, яке аз собиқ қумандонҳои мухолифини ҳукумати Эмомалӣ вафот кард.

Шикасти Инглистон дар муқобили Испониё

Мунтахаби миллии футболи Испониё дар муқобили тими миллии Инглистон пирӯз шуд.

Раиси Ҳизби сотсиалистиро ҳам аз вазифа барканор кардан мехоҳанд

Мақомоти болоии Ҳибзи сотсиалистии Тоҷикистон гуфтаанд, ки дар Анҷумани...

Эълони мукофотҳо барои иштирокчиёни бозиҳои олимпӣ

Дар бозиҳои тобистонаи олимпӣ-2024 дар шаҳри Парижи Фаронса 14...