-3.1 C
Dushanbe

Нархи билетҳо аз Русия ба Тоҷикистон арзон мешавад

Масъулони ширкати “Сомон Эйр” гуфтаанд, ки то 31-уми август нархи билети бозгашт аз Русия ба Тоҷикистонро арзон мекунанд, аммо чанд дарсад арзон шудани он маълум нест.

Поин фаромадани нархи билетҳоро дар “Сомон Эйр” ба холӣ нарафтани ҳавопаймоҳои худ аз Тоҷикистон ба Русия рабт додаанд. Ба ширкат иҷоза дода шудааст, ки вақти парвоз ба Русия метавонанд шаҳрвандони Русияро бо худ бибаранд. Дилшод Исматуллозода, раиси ширкати “Тоҷик Эйр” дар як суҳбат боло рафтани нархи билетҳоро чунин шарҳ дода буд:

“Дар сурате ки ҳавопаймоҳо аз Тоҷикистон ба Русия холӣ раванд, ҳангоми бозгашт нархи билет ва хизматрасониҳо 40 дарсад боло мераванд”.

Коршиносон дар робита ба ин масъала мегӯянд, ки арзоншавии қиммати биллетҳо зоҳиран барои муҳоҷирон хуб аст, аммо мутаассифона таҷриба нишон додааст, ки ин амал чандон ба нафъи муҳоҷирон тамом намешавад, зеро дар байн нафароне пайдо мешаванд, ки болои нархҳои муайяншуда чанд баробар илова намуда ба муҳоҷирони корӣ мефурӯшанд.

Cафири Тоҷикистон дар Русия Имомиддин Сатторов пештар гуфта буд, ки нархи билет барои парвозҳои чартерӣ 24 ҳазор рубли русист. Вале як муҳоҷир дар суҳбат ба “Аздо тв” гуфта буд, ки нархи билет на онест, ки сафир мегӯяд. Вақте муҳоҷирон барои хариди билет муроҷиат мекунанд нархи як билет 45-50 ҳазор, ҳатто 70 хазор рубл гуфта мешавад. Муҳоҷир гуфта буд,

“Нархе, ки Сафорат муайян кардааст, яъне 23-24 ҳазор, бо ин нарх аслан билет ёфт намешавад, агар 70 ҳазор рубл диҳӣ дар ҳол билетат медиҳанду саворат мекунанд”.  

Пештар нафареро боздошт карда буданд, ки дар назди сафорат ба фиреби мардум ва фурӯши билет машғул буд. Он замон муҳоҷирон суол дода буданд, ки чаро ходимони амниятӣ ва дар умум кормандони сафорат, ки “билетфурӯш” ҳам худро корманди онҳо ва ҳам дар назди идораи онҳо даст ба мардумфиребӣ задааст, пештар огоҳ нашуданд?

Иззат Амон, яке аз ҳомиёни ҳуқуқи муҳоҷирон дар Русия дар суҳбат бо “Аздо тв” гаронии билетҳо ва вазъияти муҳоҷирони меҳнатиро чунин шарҳ дод:

То ҳол парвозҳои доимӣ байни Тоҷикистон ва Русия аз сар гирифта нашудааст. Парвозҳои маъмулӣ аз моҳи март байни ду кишвар бо сабаби вируси оламгир қатъ шуда буд. То имрӯз ҳазорҳо муҳоҷири точик бо парвозҳои чартерӣ ба Ватан баргаштанд. Вале муҳоҷирини зиёде дар Русия бекор мондаанду аз сабаби қимат будани нархи билет ва надоштани пул наметавонанд билет бихаранду ба Тоҷикистон баргарданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Аз Насимҷон Шарифов то ҳол хабаре нест

Бо гузашти се рӯз аз Насимҷон Шарифов, намояндаи Ҳаракати...

Мудири шуъбаи “Қаряи Боло” боздошт шуд

Мудири шуъбаи беморхонаи "Қаряи Боло"-и пойтахт бо иттиҳом даст доштан дар тасарруфи беш аз 70 ҳазор сомонӣ боздошт шудааст.

Як сарбози амрикоӣ дар назди сафорати Исроил худро оташ зад

Рӯзи якшанбе, 25-уми феврали соли ҷорӣ як сарбози нерӯҳои ҳавоии Амрико дар назди сафорати Исроил дар Вашингтон худро оташ зад.

Музокироти пинҳонии Тоҷикистон бо Толибон

Мақомоти Тоҷикистон бо намояндаҳои Толибон ба сурати пинҳонӣ дар шаҳри Душанбе мулоқот кардаанд.