23.2 C
Dushanbe

Сафари Эмомалӣ Раҳмон ба Қазоқистон

Эмомалӣ Раҳмон, рӯзи 3-уми майи соли ҷорӣ дар раъси як ҳайати баландпояи кишвар озими Қазоқистон гардид.

Президенти Тоҷикистон дар раъси як ҳайъати баландпояи кишвар дирӯз тавассути ҳавопаймои ширкати Сомон-Эйр ба Қазоқистон сафар кардааст. Аммо, на ба ҳавопаймои нав харидааш.

Бино ба иттилои расмӣ, Эмомалӣ Раҳмон 20-уми апрели соли ҷорӣ бо маблағи 92 миллион доллар аз пули буҷети давлатӣ барои худаш аз Мексика як ҳавопаймои шахсӣ харида буд, вале то ҳол онро мавриди истифода қарор надодааст.

Гуфта мешавад, дар ин сафар Эмомалӣ Раҳмонро зиёда аз 20 нафар аз аъзои Ҳукумат ва дигар раҳбарону намоянадаҳои ниҳодҳои мухталифи Тоҷикистон ҳамроҳӣ мекунанд. Вайро дар шаҳри Остона ҳамтои қазоқаш Қосим-Жомарт Тоқаев истиқбол гирифт ва маросими пазироии расмӣ дар Қасри “Оқ-Арда”-и пойтахти ин кишвар сурат гирифтааст.

Хадамоти матбуоти Президенти Тоҷикистон мегӯяд, Эмомалӣ Раҳмон дар вақти мулоқоти сарони ду кишвар таъкид кард: “Мо ба ҳамкории мутақобилан судманд бо Қазоқистон аҳамияти аввалиндараҷа медиҳем. Азм дорем, ки минбаъд низ тамоми ҷанбаҳои муносибатҳои Тоҷикистону Қазоқистонро дар асоси усулҳои шарикии стратегӣ пайваста инкишоф диҳем. Мо имрӯз ҳуҷҷати таърихӣ – Эъломияи ҳамкории ҳампаймониро қабул мекунем, ки пояи муносибатҳои дуҷонибаи моро боз ҳам мустаҳкам мегардонад”.

Тавре дар хабар омадааст, дар рафти ин сафари Эмомалӣ Раҳмон ба Қазоқистон, “аз ҷониби вазорату идораҳо 20 санади нави ҳамкорӣ” ба имзо расонида шуд.

Гуфта мешавад, акасари ин санадҳои ҳамкорӣ дар қолиби ёддошти тафоҳум, харитаи роҳ ва барномаҳои ҳамкорӣ байни намояндаҳо ва ниҳодҳои мухталифи ҳар ду кишвар ба имзо расидаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Бозгашти нахустин гурӯҳи зоирони тоҷик

Нахустини гурӯҳи зоирони тоҷикистонӣ баъд аз анҷоми маросими Ҳаҷ-2024 аз Арабистони Саудӣ ба Ватан баргарштанд.

Нопадид шудани панҷ сокини Язгулом дар фурӯдгоҳи Кӯлоб

Панҷ нафар аз сокинони ноҳияи Язғулом дар фурӯдгоҳи шаҳри Кӯлоб нопадид шудаанд. Дар ин бора хешовандонашон ба расонаҳо дар Тоҷикистон хабар додаанд. 

Ҳамлаи террористӣ дар Доғистон 20 кушта ба ҷо гузошт

Бино ба иттилои Вазорати корҳои дохилии Русия, шаби 23-уми...

Абдусалом Одиназода аз зиндон озод шуд

Абдусалом Одиназода, донишманди тоҷики муқими Австралия баъд аз 3,5 соли зиндон рӯзи 19-уми июн ба озодӣ баромад.