18.9 C
Dushanbe

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.

Бино ба иттилои расмӣ, 25-уми майи соли 2023 Эмомалӣ Раҳмон, ки дар ҷаласаи васеи Шӯрои олии иқтисодии авруосиёи Иттиҳоди иқтисодии Авруосиё даъват шуда буд, зимни суханоронияш гуфт: “кишварҳои аъзо ва нозирони Иттиҳоди иқтисодии Авруосиё шарикони анъанавии Тоҷикистон маҳсуб меёбанд ва кишвари мо дар асоси дуҷониба бо аксари онҳо робитаҳои зичи тиҷоративу иқтисодӣ дорад.”

Ба қавли манбаъ, Тоҷикистон дар доираи созишномаҳои дуҷониба ва бисёрҷониба бо ҳама кишварҳои узви доим ва нозири ин созмон робитаҳои сиёсӣ ва доду гирифтҳои тиҷоратӣ ва иқтисодӣ дорад ва танҳо дар соли 2022 ҳаҷми умумии гардиши мол миёни Тоҷикистон ва кишварҳои узви Иттиҳоди иқтисодии Авруосиё “зиёда аз 42 фоизро ташкил карда, қариб панҷоҳ фоизи содироти молҳои истеҳсоли маҳаллӣ ба онҳо рост меояд.”

Гуфта мешавад, дар ин ҷаласа Эмомалӣ Раҳмон бо даъвати ҳамтои русиаш Владимир Путин ба сурати “раҳбари давлати даъватшуда” иштирок ва суханронӣ кардааст, вале дар вақти суханронӣ ба сурати возеҳ ишора накард, ки Тоҷикистон қасди ворид шудан ба ин созмони минтақавиро дорад.

Ба гуфтаи бархе коршиносон, ин нишасти Шӯрои олии иқтисодии Иттиҳодии иқтисодии Авруосиё, ки зери раҳбарии Кремлин барномарезӣ ва баргузор гардид, як навъ посух ба нишасти сарони кишварҳои “Чин-Осиёи Марказӣ” буд, ки чанд рӯз пеш бо раҳбарии Пекин баргузор гардид ва Си Ҷинпин бо ваъдаҳои зиёди иқтисодӣ зери назорат гирифтани кишварҳои минтақаро ба намоиш гузошта буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.