36.9 C
Dushanbe

Номаи саргушода ба Президент: Лаҷоми прокурори ноҳияи Раштро бикашед!

Ҷунайдуллоҳи Худоёров, як фаъоли шабакаи иҷтимоии Фейсбук бо навиштани

Сурат: Фейсбук

Ба иддаои Худоёров, прокурори ноҳияи Рашт баъд аз ҷабрдида эълон шудани бародараш болои муфаттишон фишор оварда, аз онҳо хостааст, ки бар зидди Саъдуллоҳ Худоёров парвандаи ҷиноятӣ боз кунанд.

Ӯ менависад: “Дар рӯзи равшан дар маркази ноҳия шаҳрвандро 5 нафар латукӯб намуда, узвҳои ҳаётан муҳими бародарамро шикастаанд. Аз ин 5 нафар 3 нафарашонро шоҳид гузаронида, алайҳи 2 нафар парванда боз намудаанд. Ва боз мехоҳанд бо ҷурабозӣ ин ду нафарро низ аз ҷавобгарии ҷиноятӣ бо ҳиллаву найранг озод намоянд. Пракурори н.Рашт бошад ҷурабозӣ карда, барои манфиати шахсии худаш ба муфатишон фишор оварда, фармон додааст, ки алайҳи Худоёров Саъдулло парвандаи ҷиноятӣ оғоз кунед, то парванда дуҷониба шавад. Муфатишон бошанд аз тарси Кишварзода Абдурашид аз болои бародари ман ғайриқонунӣ ва бидуни далелу асос бо моддаи 237 қмси 1 парвандаи ҷиноятӣ оғоз намудаанд. Вақте аз онҳо пурсидааст, ки бо кадом далел парванда боз кардед? Муфатишон гуфтаанд, ки моҳам шарм медорем аз ин корамон, вале илоҷе надоем зеро дар зери фишори Пракурори н-Рашт Кишварзода Абдурашид қарор дорем, ва ба ин амали шармовар даст задем. Муфаттишон аз бародарам Саъдулло  хоҳиш намудаанд, ки гапи бударо берун набаранд, чунки имкон дорад моро ба ягон бало гирифтор намоянд. Аз ин лиҳоз ман тасмим гирифтам, то дарди онҳоро инҷо нависам ва ба самъи Шумо расонам то аз ин амалҳои ғайриқонунии Кишварзода бохабар шуда, лаҷомашро бикашед”.

Ҷунайдуллоҳ Худоёрзода борҳо аз камбудии мақомоти ноҳияи Рашт дар шабакаҳои иҷтимоӣ интиқод кардааст. Худи ӯ низ соли 2018 бо иттиҳоми ифротгароӣ ба 5 сол зиндон маҳкум шуд, вале бар асоси қонуни афв 28 октябари соли 2019 озод шуд. Ҷунайдулло аз амалҳои ғайриқонунии Қаноатшо Лоиқзода, собиқ раиси ноҳияи Рашт зиёд танқид мекард.

Худи Ҷунайдуллоҳ ва наздиконаш иттиҳомоти алайҳаш эълоншударо рад карда, онро дорои ангезаи сиёсӣ номида буданд. Ба гуфтаи худи Ҷунайдуллоҳ, интиқоди ӯ аз кори Қаноатшоҳ ва дигар мақомоти ноҳияи Рашт боиси зиндон шуданаш гардид.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ҳалокати 5 узви як хонавода дар Суғд

Бар асари як садамаи нақлиётӣ дар вилояти Суғд 7 нафар кушта ва ду каси дигар захмӣ шудааст.

Эмомалӣ Раҳмон писари Аҳмадшо Масъудро аз Душанбе ронд

Бархе расонаҳои афғонистонӣ хабар доданд, ки мақомоти Тоҷикистон дафтари Ҷабҳаи муқовимати миллии Афғонистонро дар Душанбе бастааст.

Боздошти як шаҳрванди Узбекистон дар Лаҳистон

Бино ба иттилои расонаҳои лаҳистонӣ, як шаҳрванди Узбекистон бо иттиҳоми ҳамла ба корд ба ҷони ду ноболиғ боздошт шудааст.

Беш аз 135 муҳоҷир дар интизори ихроҷ аз Русия

Сафорати Тоҷикистон дар Русия эълон кардааст, ки танҳо дар як боздоштгоҳи муваққатии Маскав беш аз 135 муҳоҷири тоҷикистонӣ дар интизори ихроҷ қарор доранд.