20.9 C
Dushanbe

Оғози даври сеюми воксинагирӣ дар Фаронса

Президенти Фаронса Эммануэл Макрон гуфт, ки зоҳиран барои пиронсолон ва нафарони осебпазир вояи сеюми ваксина аз коронавирус лозим мешавад. Макрон дар ин бора дар Инстаграми худ хабар дод.

Президенти Фаронса мегӯяд, ки “мо метавонем гузаронидани вояи сеюми ваксинаро аз аввали тирамоҳ шурӯъ кунем”.

Қаблан ҳукумати Фаронса гуфта буд, ки мавҷи чоруми пандемия тамоми кишварро фаро гирифтааст. Тибқи маълумоти охир, дар Фаронса 6 миллиону 26 115 нафар ба коронавирус сироят ёфта, 111 ҳазору 695 бемор фавтидаанд.

Макрон инчунин тавсеаи рӯйхати ҷойҳоеро эълон кард, ки танҳо бо пешниҳоди “шиносномаи саломатӣ”(ҳуҷҷате, ки воксин гирифтани шахсро бар зидди коронавирус тасдиқ мекунад) ворид шудан мумкин аст. Илова бар ин, раҳбари Фаронса ҳушдор дод, ки бархе аз категорияҳои шаҳрвандон бечунучаро эм хоҳанд шуд.

Ёдовар мешавем, ки рӯзи шанбеи гузашта дар саросари Фаронса, беш аз 200,000 нафар дар тазоҳурот алайҳи нақшаҳои ҳукумат барои тавсеаи эътибори шиносномаҳои саломатӣ (COVID-паспортҳо) ширкат карданд.

Сарфи назар аз эътирозҳои қаблӣ, шаби 26-уми июл парлумони Фаронса қонунеро тасвиб кард, ки муаррифии “шиносномаи саломатӣ” -ро дар тарабхонаҳо ва сафарҳои дохилӣ дар саросари кишвар талаб мекунад ва инчунин ҳамаи кормандони тибро ба ваксинзанӣ водор мекунад.

Эммануэл Макрон дар ҳоле аз вояи сеюми ваксина мегӯяд, ки раҳбари Созмони Ҷаҳонии Беҳдошт рӯзи чоршанбеи 4-уми август даъват кард, ки ҳадди ақал то охири моҳи сентябр задани ваксинаҳои иловагиро бар зидди COVID-19 қатъ кунанд.

Бо вуҷуди авҷ гирифтани мавҷи ҷадид дар Тоҷикистон мақомот табибонро ба масҷидҳо мефиристанд, то баъди намози ҷумъа мардумро маҷбурӣ ваксина бизананд. Ҳолатҳое ҳам дар кишварамон сабт шудааст, ки табибон дар ба дари хонаҳои мардум гашта, аз шаҳрвандон илтимос мекунанд, то ваксина бигиранд.

Бино бар иттилои Вазорати тандурустӣ дар Тоҷикистон, то кунун бештар аз ним миллион нафар ваксина гирифтаанд. Тибқи оморҳои расмӣ аз моҳи апрели соли 2020 то 2-юми августи соли ҷорӣ дар Тоҷикистон бештар аз 15 ҳазор нафар ба коронавирус гирифтор шуда, 121 нафар аз ин беморӣ фавтиаанд. Омори расмие, ки бисёриҳо ба он шубҳа доранд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.