Иқтисод

Орд дар Тоҷикистон гарон шуд

Дар Тоҷикистон нархи як халта орди 50 кг ба 290 сомонӣ расид ва дар баъзе вилоятҳои кишвар аз 300 сомонӣ ҳам гузаштааст.

Як халтаи орди воридотии навъи якум, ки ду ҳафта пеш 275 сомонӣ арзиш дошт, имрӯз нархаш то 290 сомонӣ боло рафтааст.

Орд яке аз маводи аслии ғизоӣ дар Тоҷикистон маҳсуб мешавад ва болоравии нархи он ба ҷайби мардум зарбаи сахт мезанад.

Бино ба иттилои Вазорати рушди иқтисод ва савдои кишвар, дар 11 моҳи соли 2021 воридоти орд нисбат ба соли 2020 30,2% кам шуда, ба кишвар беш аз 54,5 ҳазор тонна орд ба маблағи беш аз 15,4 миллион доллар ворид шудааст.

Дар ин давра афзоиши ҳаҷми воридоти гандум нисбат ба соли 2020 – 3,8% мушоҳида шуда, ба Тоҷикистон беш аз 907,6 ҳазор тонна гандум ба маблағи беш аз 231,2 миллион доллар гандум ворид карда шудаааст.

Қазоқистон яке аз таъминкунандаи аслии орд ва гандум дар бозори Тоҷикистон ба шумор рафта, вазъияти ахире, ки дар ин кишвар рух додааст метавонад нархи орд ва гандумро дар бозорҳои Тоҷикистон гаронтар кунад.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Иқтисод

Иқтисод

Дар Тоҷикистон содироти маҳсулот бештар шудааст

Иқтисод

Афғонистон аз ширкати "Барқи тоҷик" $28 млн қарздор аст

Иқтисод

Тавофуқи чорҷониба барои содироти гандуми Украина

Иқтисод

Имзои санадҳои ҳамкорӣ байни шаҳрҳои Хуҷанд ва Липетск