31.9 C
Dushanbe

Осиёи Марказӣ зиёда аз 120 ҳазор зиндонӣ дорад

Ҳукуматҳои кишварҳои Осиёи Марказӣ бо баҳонаҳои мухталиф зиёда аз 120 ҳазор нафарро зиндонӣ кардаанд, ки дар байни онҳо чеҳраҳои сиёсӣ ва таъсиргузор дар ҷомеа кам нестанд.

Бино ба иттилои бахши дафтари Созмони Милали Муттаҳид дар заминаи маводи мухаддир ва ҷиноятҳо дар Осиёи Марказӣ бо нашри як феҳрист мегӯяд, ки дар ҳоли ҳозир кишварҳои Осиёи Марказӣ дар зиндонҳои худ зиёда аз 120 ҳазор зиндонӣ доранд.

Ба қавли манбаъ, дар ҳоли ҳозир байни ин кишварҳои панҷгона, ки аз ҳама бештар зиндонӣ дорад, Қазоқистон бо доштани 35 ҳазор 228 нафар дар ҷои аввал меистад. Тибқи ҳисобҳои омории Сомзмони Милали Муттаҳид, айни замон Қазоқистон зиёда аз 19 миллиону 710 ҳазор нафар аҳолӣ дорад.

Бар асоси ин ҷадвал кишвари Туркманистон бо доштани 35 ҳазор зиндонӣ ҷои дуюмро аз худ кардааст. Тибқи ҳисобҳои омории Сомзмони Милали Муттаҳид, айни замон Туркманистон беш аз 6 миллион ва 265,5 нафар аҳолӣ дорад.

Дар ин радабандӣ кишвари Узбекистон бо доштани 29 ҳазор зиндонӣ пас аз Туркманистон ва Қазоқистон мақоми сеюмро ишғол кардааст. Тибқи ҳисобҳои оморӣ, кишвари Узбекистон зиёда аз 35 миллион ва 22 ҳазор нафар аҳолӣ дорад.

Кишвари Тоҷикистон бо доштани 14 ҳазор зиндонӣ дар ҷои чорум қарор дорад. Теъдоди аҳолии Тоҷикистон беш аз 10 миллион ва 200 ҳазор нафар арзёбӣ мешавад.

Дар ин феҳрист Қирғизистон ҳам бо доштани 7 ҳазору 633 нафар зиндонӣ дар зинаи 5-ум қарор дорад. Созмони Милали Муттаҳид мегӯяд, ин кишвар дар ҳоли ҳозир беш аз 6 миллион 860 ҳазор нафар аҳолӣ дорад.

Гуфта мешавад, доштани 14 ҳазор зиндонӣ, ки дар байни онҳо зиндони сиёсӣ ва эътиқодӣ зиёд аст, барои кишваре чун Тоҷикистон, ки камтар аз 10 миллиону 202 ҳазор нафар аҳолӣ дорад ва ҳамзамон наздик ба 3 миллион нафар аз нерӯи зеҳнӣ ва кориаш дар муҳоҷират хориҷ аз Тоҷкиистон ба сар мебаранд, хеле нигаронкунанда аст. Ва агар ин феҳрист бар асоси ҳузури нерӯҳои фикрӣ ва корӣ дар дохили кишварҳо таҳия шавад, эҳтимол Тоҷикистон дар байни ин кишварҳо бо доштани 14 ҳазор зиндонӣ дар мақоми аввал қарор мегирад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Анҷумани иқтисоди рақамии СҲШ дар шаҳри Тянҷзини Чин

Дар чаҳорчӯби Анҷумани иқтисоди рақамии Созмони ҳамкории Шанхай (СҲШ) дар шаҳри Тянҷзини Чин ҷаласаи пӯшидаи вазирони иқтисодии кишварҳои узви ин созмон баргузор гардид.

Боздошти як омӯзгори забони англисӣ дар Душанбе бо иттиҳоми рафтори ғайриахлоқӣ

Раёсати корҳои дохилии шаҳри Душанбе хабар дод, ки як марди 50-сола бо иттиҳоми рафтори ғайриахлоқи ба як гурӯҳ духтарони ҷавон боздошт шудааст.

Чаро мақомот дар бораи хабари ихроҷи муҳоҷирони афғонистонӣ хомӯшанд?

Масъулини муҳоҷирони афғонистонӣ дар Душанбе хабари ихроҷи шаҳрвандони Афғонистон аз Тоҷикистонро рад карданд.

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.