Оё синни нафақа дар Тоҷикистон тағйир меёбад?

Бонки рушди Осиё (БРО) ба Тоҷикистон пешниҳод кардааст, ки дар оянда масъалаи боло бурдани синни нафақаро баррасӣ кунад. Ин пешниҳод дар гузориши нави бонк, ки моҳи октябр нашр шуд, зикр гаштааст.

Тибқи гузориш, Тоҷикистон метавонад дар дарозмуддат имкони расондани синни нафақаи занонро то 63 сол ё тадриҷан боло бурдани синни нафақаи мардону занонро то 65 сол мавриди омӯзиш қарор диҳад. Ҳоло синни нафақа дар кишвар барои занон 58 сол ва барои мардон 63 сол аст.

Ба гуфтаи коршиносони БРО, тағйири эҳтимолии синни нафақа метавонад ба устувории молиявии низоми нафақа мусоидат кунад. Дар гузориш гуфта мешавад, ки айни замон танҳо тақрибан сеяки аҳолии қобили меҳнат ҳаққи суғуртаи нафақа месупорад.

БРО таъкид кардааст, ки ин танҳо пешниҳод аст ва мақомоти Тоҷикистон то ҳол ҳеч тасмими ниҳоӣ қабул накардаанд. Ба гуфтаи бонк, пеш аз қабули чунин тағйирот бояд паёмадҳои эҳтимолии иҷтимоӣ, молиявӣ ва иқтисодии он ҳамаҷониба омӯхта шаванд.

Ин дар ҳолест, ки Тоҷикистон аз рӯи андозаи нафақа дар байни кишварҳои Осиёи Миёна дар ҷойи охир қарор дорад. Нафақаи миёна дар кишвар 510 сомониро ташкил медиҳад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Роналду ба корномаи 23-солаи худ дар тими миллии Португалия нуқта гузошт

"Агар ягон голи ман боиси шодии шумо шуда бошад, пас ҳама заҳматҳо арзанда буданд". Бо ин суханон Криштиану Роналду 5-уми ноябр аз тими миллии Португалия видоъ кард.

Боздошти гурӯҳе, ки беш аз ним тонна маводи мухаддиро ба хориҷ интиқол дод

Вазорати корҳои дохилии Тоҷикистон аз боздошти нуҳ нафар бо гумони қочоқи маводи мухаддир хабар дод.

Идомаи боздоштҳо ва ихроҷи муҳоҷирон аз Русия

Пулиси Русия аз ихроҷи 121 шаҳрванди хориҷӣ пас аз рейдҳои густурда дар шаҳри Жуковскии вилояти Маскав хабар дод.

Тоҷикистон барои воридоти 100 ҳазор тонна дизели иловагӣ бо Русия мувофиқа кард

Тоҷикистон бо Русия барои афзоиши квотаи воридоти бебоҷи сӯзишвории дизелӣ дар соли 2026 ба мувофиқа расидааст.