9.9 C
Dushanbe

Пайдо шудани қабрҳои махфӣ пас аз даргириҳои ахир дар Алмаато

Бино ба иттилои расмӣ, дар шаҳри Алмаатои Қазоқистон қабрҳои махфие пайдо шуда, ки дар онҳо гӯё шахсони силоҳбадаст, ки ҳангоми даргириҳои ахир кушта шуданд, ба сурати гурӯҳӣ дафн карда шудаанд.

Ба гузориши канали телеграмии “Фоҷеаи Алмаато”, ки хабарҳои расмии Қазоқистонро дар мавриди бетартибиҳои ахири ин кишвар нашр мекунад, маълумот дар бораи кашфи макони дафни силоҳбадастони кушташударо мақомоти расмӣ тасдиқ карданд.

Манбаъ аз қавли Салтанат Азирбек, намояндаи Ҳизби демократи шаҳри Алмаато менависад: “Бале, ман ин маълумотро тасдиқ мекунам. Қабрҳои махфӣ ба хотири мушкил кардани раванди шинохти ҳувияти шахсони иштироккунанда дар бетартибиҳо анҷом дода шудааст”.

Ҳамзамон раиси идораи пулиси шаҳри Алмаато Қанат Таймерденов мегӯяд, “маълум шуд, ки дар ҷараёни ошӯб тақрибан ҳафт ҳамла ба сардхона сурат гирифта, ҷасади 41 кушташуда аз сӯи афроди номаълум рабудааст.”

Аммо ин дар ҳолест, ки таҳлилгарони мустақили ин кишвар мегӯянд, ба эҳтимоли зиёд худи низомиёни давлатӣ нафарони зиёдеро куштаанд ва ин ҷиноятро ба сари силоҳбадастони номуайян мезананд. Ҳатто худи худи Президент Тоқаев фармон дода буд, ки ба сӯи мардум бидуни огоҳӣ оташ кшоянд. Ва ҳамла ба сардхонаову дафнҳои якҷоя баҳонаи пӯшидани ҷиноятест, ки ҳукумат бар сари гурӯҳҳои силоҳбадаст бор мекунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи тоҷикон аз Кореяи Ҷанубӣ

Бино ба иттилои манобеи Azda tv, мақомоти Кореяи Ҷанубӣ дар ин чанд рӯзи ахир бархе аз муҳоҷирони тоҷикро боздошт ва аз ин кишвар ихроҷ кардаанд.

Ҷойивазкунии мақомдорон дар Тоҷикистон

Бо фармон ва қарорҳои нави Эмомалӣ Раҳмон чанд нафар аз як вазифа озод ва ба вазифа дигар таъйин шуданд.

Истирдоди як фаъоли тоҷик аз Лаҳистон ба Тоҷикистон

Мақомоти Лаҳистон ҳафтаи гузашта боз як фаъоли тоҷикро боздошт ва ба Тоҷикистон истирдод кардааст.

Чаро ҷавонон ифротгаро мешаванд?

Маънои луғавӣ ва истилоҳии ифротгароӣ Ифротгароӣ дар луғат ба маънои аз ҳад гузаштан, аз меъёр гузаштан ва зиёдаравӣ кардан аст (фарҳанги форсии Муин, фарҳанги форсии Амид). Калимаҳои мутародиф ва ё ҳаммаъно бо ифрот иғроқ, газофа, муболиға, сахтгирӣ, ғулув ва монанди ин мебошанд.