19.9 C
Dushanbe

Парлумони Аврупо дар бораи саркӯби мардуми Бадахшон қатънома қабул мекунад

Имрӯз, 6-уми июли соли 2022 Парлумони Иттиҳоди Аврупо барои қабули қатъномае дар бораи саркӯби эътирозҳои ахир дар Вилояти Мухтори Кӯҳистони Бадахшони Тоҷикситон омодагӣ мегирад. Дар ин бора Энгин Эроглу, вакили Парлумони ИА хабар дод.

Энгин Эроглу, вакили Парлумони Иттиҳоди Аврупо

Энгин Эроглу, вакили Парлумони Аврупо аз Олмон дар ҳисоби твиттераш чунин навиштааст: “ Ба унвони гузоришгар дар сояи гурӯҳам, болои қатъномае дар бораи Вилояти Мухтори Кӯҳиистони Бадахшони Тоҷикистон кор мекунам, ҷое, ки эътирозҳо ба тарзи ваҳшиёна ва хушунатбор тавассути Ҳукумат саркӯб шуд. Ман барои озодии баён ва эҳтиром ба ҳуқуқи башар мубориза мебарам.”

Ҳамзамон як намояндаи Парлумони Аврупо дар суҳбат ба AZDA TV ин хабаро тасдиқ кард ва гуфт, ки то поёни ҳафтаи ҷорӣ, Парлумони ИА қатъномае дар бораи саркӯбҳои ахир дар Бадахшони Тоҷикистонро тасвиб хоҳад кард. Ӯ ҳамчунин афзуд, ки ҷомеаи шаҳрвандии Тоҷикистон ва мухолифин метавонанд гузоришҳои алтернативияшонро дар бораи вазъияти сиёсӣ ва саркӯбҳои ахир дар Тоҷикистон ба намояндагони Парлумон ИА фиристанд.

Парлумони ИА 9-уми июни соли 2016 қатъномае дар бораи вазъияти зиндониёни сиёсӣ дар Тоҷикистонро ба тасвиб расонида буд ва дар он хостори озодии фаврии Зайд Саид, раиси Ҳизби Тоҷикистони Нав, раҳбарони зиндонии Ҳизби наҳзати исломии Тоҷикистон ва вакилони зиндонӣ Бузургмеҳр Ёров ва Нуриддин Махкамов шуда буд, вале Ҳукумати Тоҷикистон талаботи ин қатъномаро нодида гирифта, иҷро накард.

Ҷаноби Энгин Эроглу, вакили Парлумони Иттиҳоди Аврупо аз кишвари олмон аст, ӯ ба намояндагӣ аз Ҳизби Демократи Аврупо “European Democratic Party” ва узви эътилофи “Бозсозии Аврупо” “Renew Europe” дар соли 2019 ба Парлумони Аврупо роҳ ёфтааст. Ӯ ҳамчунин узви Кумитаи ҳамкорӣ бо Парлумони Тоҷикистон буда ва гузоришгари ин кумита низ мебошад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Манъи ҳиҷоб дар мактабу беморҳохонаҳо

Мақомоти тоҷик пас аз қабули тарҳи нави қонун “Дар бораи танзими ҷашну маросим” дар мактабу бемористонҳо "рейд" гузаронда, ҳиҷоби занҳоро зӯран мекашанд.

Сарвазирро кӣ ва чаро парронд?

Рӯзи чоршанбе, 4-уми май пас аз як нишасти давлатӣ, ба ҷони Сарвазири Словакия Роберт Фитсо сӯиқасд сурат гирифта, ӯ ба бемористон мунтақил шуд.

Тамдиди муҳлати ҳабси гумонбарони ҳамла ба Крокус

Додгоҳе дар Русия муҳлати ҳабси чор зодаи Тоҷикистонро, ки дар дар ҳамлаи хунин ба “Крокус Сити Ҳолл” гумонбар мебошанд, барои 3 моҳи дигар дароз кард.

“Идгардак”-у пешвози ҳоҷиён ва “либосҳои ба фарҳанги миллӣ бегона” манъ шуд

Дар Тоҷикистон "идгардак"-и кӯдаконро дар рӯзҳои Иди Рамазон ва Қурбонро манъ карданд.