-3.1 C
Dushanbe

Парвандаи кормандони дастгиршудаи ВКД ба суд ирсол шуд

Агентии назорати давлатии молиявӣ ва мубориза бо коррупсияи Тоҷикистон аз анҷоми тафтишоти парвандаи ду корманди Вазорати корҳои дохилии Тоҷикистон хабар дод.

Ин ду корманди ВКД 10 сентябри соли 2020 дар бинои Вазорат аз ҷониби кормандони Агентии зидди фасод дастгир шуда буданд.

Бино ба иттилои дафтари матбуоти Агентии зидди фасод Исматшозода Зебунисо Исматшо сардори шуъбаи таҳлил ва назорати Раёсати таҳқиқи ВКД Ҷумҳурии Тоҷикистон, бо маслиҳати пешакӣ ҳамроҳи таҳқиқотчии ҳамин Раёсат Ҳалимзода Қумригул Раҷаб дар бинои ВКД Ҷумҳурии Тоҷикистон бо шаҳрванд “А” вохӯрда, аз ӯ барои аз маҳзани маълумотии Сармаркази иттилооти таҳлилии ВКД Ҷумҳурии Тоҷикистон тоза кардани маълумотҳо дар бораи доғи судӣ доштанаш, маблағи 1200 доллари ИМА талаб намуданд.

Қайд мешавад, ки дар натиҷаи гузаронидани чорабиниҳои оперативӣ-тафтишотӣ Исматшозода З.И. ва Ҳалимзода Қ.Р. баъди гирифтани 1200 доллари ИМА аз шаҳрванд “А” дастгир гардида, маблағи мазкур аз онҳо ҳамчун далели шайъӣ дарёфт ва мусодира шуд.

Нисбати ин ду нафар бо моддаи 247 қисми 2 бандҳои “б,в,г” Кодекси ҷиноятии Ҷумҳурии Тоҷикистон парвандаи ҷиноятӣ боз шуда, он баъди анҷоми тафтиши пешакӣ барои баррасӣ ба суд ирсол шудааст.

Дастгир шудани кормандони сохторҳои қудратӣ бо иттиҳомӣ ришваситонӣ бори аввал нест, ки сурат мегирад. Ҳатто соле пеш аз ҷониби КДАМ кормандони худи ниҳоди мубориза бо фасод бо ин иттиҳом дастгир ва зиндонӣ шуда буданд.

Коршиносони соҳа яке аз сабабҳои ба ришваву фасод даст задани кормандони давлатиро дар маоши кам ва инчунин реша давондани ин беморӣ дар тамоми соҳаҳои ҷумҳурӣ марбут медонанд. Ба ин маъно, ки аксари мансабдорони баландпоя ба ин кор моиланд ва барои кормандони радаҳои поёнтар баҳонае мешавад, ки ба фасод даст бизананд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Аз Насимҷон Шарифов то ҳол хабаре нест

Бо гузашти се рӯз аз Насимҷон Шарифов, намояндаи Ҳаракати...

Мудири шуъбаи “Қаряи Боло” боздошт шуд

Мудири шуъбаи беморхонаи "Қаряи Боло"-и пойтахт бо иттиҳом даст доштан дар тасарруфи беш аз 70 ҳазор сомонӣ боздошт шудааст.

Як сарбози амрикоӣ дар назди сафорати Исроил худро оташ зад

Рӯзи якшанбе, 25-уми феврали соли ҷорӣ як сарбози нерӯҳои ҳавоии Амрико дар назди сафорати Исроил дар Вашингтон худро оташ зад.

Музокироти пинҳонии Тоҷикистон бо Толибон

Мақомоти Тоҷикистон бо намояндаҳои Толибон ба сурати пинҳонӣ дар шаҳри Душанбе мулоқот кардаанд.