26.9 C
Dushanbe

Пас аз ҳодисаи фурӯдгоҳи Кишинёв вазири дохилаи Молдова истеъфо дод

Имрӯз, 14-уми июл Анна Ревенко, вазири корҳои дохилаи Молдова аз мансаби худ истеъфо дод. Дар ин бора Сарвазири Молдова Дорин Речан рӯзи ҷумъа ба рӯзноманигорон хабар дод.

Ба иттилои манбаъ, ҳамроҳ бо Анна Ревенко инчунин ду вазири дигар, Анатолий Топале, вазири маориф ва илм ва Липия Дабижа, вазири инфрасохтор ва рушди минтақавии ин кишвар низ аз мақомҳои худ истеъфо доданд.

Сарвазири Молдова дар нишасти матбуотӣ гуфт, ки “фардо ман номзадҳои навро барои ин вазифаҳо барои тасдиқ ба президенти кишвар пешниҳод мекунам.

Пас аз ҳодисаи тирпарронии Рустам Ашӯров, шаҳрванди Тоҷикистон дар фурӯдгоҳи Кишинёв, ки ба кушта шудани муовини сардори Раёсати марзбонӣ ва як корманди Хадамотии амнияти ин фурӯдгоҳ анҷомид, сиёсатмадорон ва коршиносони ин кишвар истеъфои роҳбарони Вазорати корҳои дохилӣ ва Раёсати марзбониро талаб карда буданд.

Пештар Сарвазири ин кишвар хабар дода буд, ки рӯзи ҷумъа ҷаласаи Ҳукумат дар робита ба ҳодисаи маргбор дар фурӯдгоҳи Кишинёв баргузор мешавад. Сарвазир оиди дархости ҳизбҳои мухолифин ва намояндагони ҷомеаи маданӣ дар хусуси ба истеъфо фиристодани вазири ВКД, сардори Раёсати марзбонии Молдова ва дигар сохторҳои қудратӣ таъкид карда буд, ки “Ҳукумат дар бораи рӯйдодҳои фурӯдгоҳ ҳисобот омода мекунад ва пас аз он қарорҳо дар мавриди истеъфои вазирон ва қабули кардҳои ҷадид қабул карда мешавад“.

Ёдовар мешавем, ки Рустам Ашӯров, шаҳрванди 43-солаи Тоҷикистон шоми 30-юми июн дар фурӯдгоҳи Кишинёв, замоне ки ба ӯ иҷозаи убур аз марзи ин кишварро надоданд, аз камари муовини сардори Нерӯҳои марзбонии Молдова дар фурӯдгоҳ Сергей Мунтияну туфангчашро гирфта, ӯ ва як маъмури бахши амниятиро кушт ва бар асари тирҳои ҷавобӣ Ашӯров захмӣ шуда, давоми се рӯз дар як бемористони ин кишвар дар ҳолати беҳушӣ қарор дошт. Дар ниҳоят ӯ шаби 3-уми июли соли ҷорӣ даргузашт.

Рустам Ашӯровро дар Тоҷикистон дар ҷинояти рабудани Шуҳрат Исматуллоев, муовини раиси “Ориёнбонк” гунаҳкор медонанд ва алайҳаш парванда боз шуда буд.

Вазорати дохилаи Молдова ба хабарнигорон гуфт, ки “Мо муайян кардем, ки Рустам Ашӯров собиқ корманди милисаи Тоҷикистон буда ва дар ин сохтор 7 сол кор кардааст.” Инчунин гуфта мешавад, Ашӯров бо иттиҳоми ғоратгарӣ аз вазифа ронда шуда ва зиндонӣ ҳам шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Барои муҳоҷирон дар Русия боз як имтиҳони дигар изофа шуд 

Муҳоҷирони корӣ дар Русия барои гирифтани патент бояд ба таври шифоҳӣ имтиҳони забони русӣ супоранд.

Ҷузъиёти тоза дар бораи ҳодисаи дастгоҳҳои паёмрасони “Ҳизбуллоҳ”

Гурӯҳи "Ҳизбуллоҳ" мегӯяд, Исроил то кунун 5 ҳазор дастгоҳи паёмрасони "Пейҷер"-ро, ки аъзои ин гурӯҳ истифода мекарданд, тарконидааст.

Маълум шуд чаро табибони тоҷик тарки Ватан мекунанд

Баъзе аз тпбибони тоҷик аз он шикоят доранд, ки бемористонҳои кишвар барои ба кор қабул кардан аз онҳо пули зиёд талаб мекунанд.

Захмӣ шудани сафири Эрон ва садҳо нафари дигар дар Лубнон

Дар ҷануби Лубнон садҳо нафар бар асари таркиши дастгоҳҳои иртиботии "Пейҷер" захмӣ шудаанд. Аксари захмиён аъзоёни гурӯҳи “Ҳизбуллоҳ” гуфта мешаванд.