20.9 C
Dushanbe

ПМТ: Ҳукумат ба мо машруъият бахшидан намехоҳад

Раҳбари Департаменти иттилоотии Паймони Миллии Тоҷикистон мегӯяд, ки АМИТ “Ховар” ба хотири “машруъият надодан” исми созмони онҳоро дар феҳристи сомонҳои мамнуъ дар Тоҷикистон зирк накардааст.

Имрӯз, 18-уми октябри соли 2022, Темур Варқӣ, раҳбари Департаменти иттилооти Паймони Миллии Тоҷикистон (ПМТ) дар як суҳбати катбӣ дар посух ба ин ки оё Суди олии Тоҷикистон дар робита ба террористӣ хондани ПМТ дар қарори худ таҷдиди назар кардааст ё хайр, ба Azda tv гуфт: “Ба фикрам онҳо ба аллоҳидагӣ моро террорист гуфтанд ва нахостанд ба ПМТ машруъият додан. Гуфтан, ки ҳамика бас аст, ПМТ-ро таблиғ накунем, хубаст гуфтанд.”

Пеш аз ин субҳи имрӯз Агнетии миллии иттиллотии Тоҷикистон (АМИТ) “Ховар” номи 18 созмон ва ҷамъиятҳои мамнуъ дар кишварро нашр карда буд, ки дар ҷамъи онҳо исми Паймони Миллии Тоҷикистон вуҷуд надошт.

Ин ҳам дар ҳоле, ки ба қавли “Спутник-Тоҷикистон” ҳанӯз 3 сол пеш дар 14-уми октябри соли 2019 “Додгоҳи олии Тоҷикистон бо нашри як иттилоия эълон карда буд, ки ташкилоти “Паймони Миллии Тоҷикистон” иттиҳоди террористӣ-экстримистӣ эътироф карда шуда, фаъолияти он дар ҷумҳурӣ мамнуъ гардид”-ааст.

Ҷолиб он, ки мо дар ҷамъи  ташкилоту созмонҳое, ки қаблан Суди олии Тоҷикистон фаъолияти онҳоро дар дихили кишвар мамнуъ эълон карда буд, исме ҳеч ташкилотеро бо номи “Иттиҳоди миллии Тоҷикистон” надоштем.

Аммо акнун суол ин ҷост, ки оё АМИТ “Ховар” дар ҳамин шабу рӯз қасдан ба ҷои “Паймони миллии Тоҷикистон” номи онро ғалат зикр карда ва “Иттиҳоди миллии Тоҷикистон” навиштааст ва ё созмони дигареро дар назар дорад, ки мо тоҷикистониҳо аз вуҷуди он нав хабардор мешавем, нофаҳмост ва баҳсу ковишҳои мо низ дар ин хусус то ҳол натиҷа надодаанд.

Гуфта мешавад, Паймони Миллии Тоҷикистон як созмони эътилофӣ буда, зери чатри он чор ҳизбу ҳаракатҳои мухолифини Тоҷикистон бо раҳбарии Муҳиддин Кабирӣ ҷамъ шудаанд. Ин созмон соли 2017 дар шаҳри Варшава, пойтахти Лаҳистон аз таъсиси худ хабар дода буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти беш аз 20 нафар дар парвандаи ҳамла ба Крокус

Дар пайи ҳамлаи хунин ба “Крокус Сити Ҳолл”-и Красногорски...

Нақшаи даъвати баҳории сарбозон пурра иҷро шуд

Вазорати мудофиаи Тоҷикистон хабар дод, ки нақшаи даъвати баҳории ҷалби сарбозон ба Артиш дар кишвар рӯзи 22-уми майи соли ҷорӣ 100% иҷро шуд.

Мақомот мехоҳанд бародари як мухолифи тоҷикро аз хонааш берун кунанд

Мақомоти ноҳияи Зафаробод мехоҳанд замини як мухолифи тоҷик Салим Султонзодаро, ки дар он бародараш хона сохтаасту зиндагӣ мекунад, мусодира кунад.

Мақомот: Занҳо сатр напӯшанду мардҳо ришу мӯйи баланд нагузоранд!

Мақомоти амниятӣ ва интизомии кишвар дар кӯчаву бозорҳо "рейд" гузаронида, масъалаи пешгирӣ аз "либоси ба фарҳанги тоҷикон бегона"-ро сахт гирифтаанд.