Ҳаракати сиёсии “Гурӯҳи 24” рӯзи 11-уми марти соли ҷорӣ бо нашри изҳороти фарвие аз бенишон шудани раҳбари ин ҳаракт Суроби Зафар хабар дод.
Дар изҳорот гуфта мешавад, Суроби Зафар, ки аз соли 2014 дар Истанбули Туркия қонунӣ зиндагӣ мекард ва ҳеч қонуни будубоши ин кишварро поймол накардааст, аз 10-уми март ин ҷониб бедарак аст.
“Ӯ аз субҳи рӯзи 10-уми марти соли ҷорӣ дар тамос нест ва гушӣ (Телефона)-аш низ хомӯш аст. То ҳанӯз аз Суҳроб ҳеч хабаре нест ва дар куҷо қарор доштанаш ҳам маълум нест.“, омадааст дар изҳороти “Гурӯҳи 24”.
Ин гурӯҳи сиёсӣ дар изҳороташ оварда, ки Суроби Зафар дар Туркия солҳои ахир ҳамвора паёмҳои таҳдидомез дарёфт мекард, ки дар онҳо гуфта мешуд, ба зудӣ рабуда ва ба Тоҷикистон бурда мешавад.
Ба гуфтаи ин гурӯҳ, бо вуҷуди он ки ӯ дар ин кишвар қонунӣ будубош мекард, мақомоти Тоҷикистон борҳо талош карда буданд, ки ӯ ва ҳамсафонашро боздошт ва ба кишвар истирдод кунад, аммо муваффақ нашуда буданд. “Гурӯҳи 24” дар ин изҳороташ мегӯяд, эҳтимол меравад ин бор ӯро мақомоти тоҷик бо роҳҳои ғайриқонунӣ рабудаанд.
Ин дар ҳолест, ки моҳи феврали соли 2023 Насимҷон Шарипов, яке аз аъзои фаъоли ин гурӯҳи сиёсӣ, ки қаблан ҳам аз ҷониби пулиси Истанбул ҳамроҳи Суҳроби Зафар боздошт шуда буд, бенишон гашта, то ҳол макони ӯ маълум нашудааст.
Ин бори аввал нест, ки мухолифони ҳукумати Тоҷикистон, ки дар хориҷ аз кишвар қарор доранд, ба тарври ногаҳонӣ бенишон мешаванд. То ин дам даҳҳо ҳолат вуҷуд дорад, ки мухолифони фаъол ба таври ҷудогона аз кишварҳои аврупоӣ, Русия, Туркия ва ғайра ногаҳон нопадид ва чанде баъд аз Тоҷикстон пайдо мешаванд.
Мухолифони ҳукумати Эмомлаӣ Раҳмон мегӯянд, мақомоти кишвар чун наметавонанд ба таври қонунӣ онҳоро ба кишвар бозпас баранд, бо роҳи одамрабоӣ ин корро анҷом медиҳанд, то мухолафонашро хомӯш кунонанд.
