9.9 C
Dushanbe

Рӯйхати зиндониёни бадахшонии “говсуд”-шуда

Рустами Ҷонӣ, рӯзноманигори тоҷик дар саҳифаи фейсбукияш рӯйхатеро нашр карда, ки номи 36 зиндонии зодагони Бадахшон дар он дарҷ гардидааст.

Ин рӯзноманигори тоҷик мегӯяд, рӯйхати мазкур аз дохили Тоҷикистон ба дасти ӯ расида, номгӯи помириҳое ҳастанд, ки Ҳукумат дар ин авохир онҳоро боздошт кардааст. Ва ин 36 нафар 10-уми январ аз боздоштгоҳи муваққатӣ ба Муассисаи ислоҳии 3/4 шаҳри душанбе интиқол ёфтаанд.

Дар рӯйхати нашршуда дида мешавад, ки аксари маҳкумшудаҳо бо моддаи 187 қисми 2 (Ташкили иттиҳоди ҷиноятӣ ва иштирок дар иттиҳоди ҷиноятӣ) гунаҳкор дониста, аз 2 сол то 15 сол зиндонӣ шудаанд. Ҳатто беш аз 20 нафарашон 10 солу 6 моҳ ва ё 9 солу 6 моҳӣ маҳкум шудаанд.

Ин рӯзноманигор менависад, ки додгоҳ онҳоро бидуни ягон баррасиву муҳокима “говсуд” кардааст. “Шояд дар ягон таҷрибаи судҳои ҷаҳон Шумо ин гуна чизро дучор намеоед, ки якбора чанд нафар ҳукми яклухт гирифта бошад.”, меафзояд ӯ.

Рустами Ҷонӣ мепурсад, “инро ба ҷуз”тройка” чӣ метавон гуфт? Ҳамаи онҳо аз рӯи модаи 187 қисми 2 зиндон шуданд. Ин модаро метавон дигар “модаи помириҳо” номид. Дар назари ҳукумат ҳар фаъоли помирӣ аъзои гурӯҳи ҷиноятӣ аст.”

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи тоҷикон аз Кореяи Ҷанубӣ

Бино ба иттилои манобеи Azda tv, мақомоти Кореяи Ҷанубӣ дар ин чанд рӯзи ахир бархе аз муҳоҷирони тоҷикро боздошт ва аз ин кишвар ихроҷ кардаанд.

Ҷойивазкунии мақомдорон дар Тоҷикистон

Бо фармон ва қарорҳои нави Эмомалӣ Раҳмон чанд нафар аз як вазифа озод ва ба вазифа дигар таъйин шуданд.

Истирдоди як фаъоли тоҷик аз Лаҳистон ба Тоҷикистон

Мақомоти Лаҳистон ҳафтаи гузашта боз як фаъоли тоҷикро боздошт ва ба Тоҷикистон истирдод кардааст.

Чаро ҷавонон ифротгаро мешаванд?

Маънои луғавӣ ва истилоҳии ифротгароӣ Ифротгароӣ дар луғат ба маънои аз ҳад гузаштан, аз меъёр гузаштан ва зиёдаравӣ кардан аст (фарҳанги форсии Муин, фарҳанги форсии Амид). Калимаҳои мутародиф ва ё ҳаммаъно бо ифрот иғроқ, газофа, муболиға, сахтгирӣ, ғулув ва монанди ин мебошанд.