32.9 C
Dushanbe

Русия: Бимаи тиббӣ барои муҳоҷирон ҳатмист (Видео)

Русия се намуди суғуртаи тиббиро ба муҳоҷирон пешниҳод карда, интихоби яке аз онҳоро ҳатмӣ эълон кард.

Раиси Федератсияи муҳоҷирони Русия, Вадим Кожено дар як навори видеоӣ шарҳ дод, ки як муҳоҷири корӣ дар ин кишвар чӣ гуна метавонад, бимаи тиббиро дастрас кунад.

Коженов дар ин навори видеоӣ мегӯяд, суғурта барои ҳар як хориҷӣ ҳатмист ва бояд дониста шавад, ки имрӯз барои онҳо се намуди суғурта вуҷуд дорад: “Бимаи саломатии муҳоҷир”, “Бимаи саломатии муҳоҷир +” ва “Бимаи саломатии муҳоҷир ва кӯдакон”.

“Бимаи саломатии муҳоҷир”

Гуфта мешавад, арзиши он дар яксол 2,5 ҳазор рубли русӣ буда, ба шахс имкон медиҳад, ки дар давоми эътибори ҳуҷҷат ба маблағи то 100 ҳазор рубл табобат гирад:

Эзоҳ:

то 25 ҳазор рубл – барои табобати амбулаторӣ;

то 25 ҳазор рубл – барои табобат дар маркази травматологӣ;

то 50 хазор рубл – барои дар беморхона хобидан.

“Бимаи саломатии муҳоҷир +”

Довталаби ин намуди суғурта солона метавонад бо пардохти 4 хазор рубл онро дастрас намояд. Тибқи ин санад, дорандаи “Бимаи саломатии муҳоҷир +” дар ҳолати зарурат метавонад кумаки тиббӣ ба маблағи то 250 хазор рубли русиро дарёфт кунад.

Дар ин вариат тафовут дар он аст, ки суғуртаи тамдидшуда ба муҳоҷир имкон медиҳад, ки дар сурати осеб дидан дар натиҷаи садама то 50 ҳазор рубл пули нақд дарёфт мекунад.

Дар бораи марги шахси сугурташуда низ шарте мавчуд аст: ба хешу табори марҳум мабалғи то 50 ҳазор рубли русӣ дода мешавад. Илова бар ин, хароҷоти интиқоли ҷасад ба ватан то 50 ҳазор рублро фаро мегирад.

“Бимаи саломатии муҳоҷир ва кӯдакон”

Кӯдаки то 12-сола, аз ҷумла метавонад дар давоми муҳлати эътибори ин санад дар ҳаҷми то 100 ҳазор рубл табобат гирад. Ҳаҷми суғурта ҳамон тавре, ки дар вариантҳои қаблӣ вуҷуд дорад, мебошад.

Барои калонсолон ва кӯдак, якчунин суғурта дар як сол 5 ҳазор рубл арзиш дорад.

Тафсилоти бештар: дар вебсайти Федератсияи муҳоҷирони Русия

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сафорат боздошти муҳоҷирон дар Митиноро шарҳ дод

Сафорати Тоҷикистон дар Маскав рӯзи 30-уми майи соли ҷорӣ пас аз боздошти беш аз 150 муҳоҷири корӣ, ки дар расонаҳои дохилӣ ва хориҷӣ бозтоби густарда ёфт, шарҳ дод.

Санги қабри Мамадбоқировро канданд

Кормандони Кумитаи давлатии амнияти миллии Тоҷикистон санги рӯи қабри...

Киев ва Маскав ҳар ду мавриди ҳамла қарор гирифтанд

Тайи се рӯзи ахир Русия ҳамлаҳои худ алайҳи Украинаро афзоиш додааст, вале Маскав ҳам субҳи имрӯз мавриди ҳамла қарор гирифт.

Бонки миллӣ мизони таваррум дар кишварро эълон кард

Тибқи нишондодҳои расмӣ, дар 4 моҳи аввали соли ҷорӣ Маҷмуи маҳсулоти дохилӣ дар кишвар 8 дарсад рушд карда, сатҳи таваррум 2,3 дарсадро ташкил додааст.