13.9 C
Dushanbe

Русия ҳамлаҳои худ ба Украниаро “ҷанги шаҳрвандӣ” хонд

Раиси Шӯрои Федератсияи Русия мегӯяд, Маскав омодааст бо Киев сари мизи гуфугӯ ва музокирот бишинад, то дар Украина сулҳу субот барқарор шавад.

Бино ба иттилои, “INTERFAX“, “Валентина Матвиенко, раиси Шӯрои Федератсияи Русия гуфтааст, Русия музокирот бо Украинаро барои расидан ба созишномаи сулҳ идома медиҳад.”

Раиси Шӯрои Федератсияи Русия бар хилофи президенти ин кишвар Владимир Путин ҳамлаҳои кишвараш ба Украинаро “ҷанги шаҳрвандӣ” гуфта, таъкид кардааст: “Мо барои музокирот омодаем ва ба роҳҳалҳои мусолиматомези дипломатӣ ниёз дорем, аммо ин иродаи ду кишварро тақозо мекунад.”

Валентина Матвиенко, ки дирӯз ҳангоми мулоқот бо президенти Мозамбик дар Мапуту суҳбат мекард, афзуд:

Мо барои музокирот, имзои созишномае, ки ба ҷанги шаҳрвандӣ дар Украина хотима бахшад ва ба сулҳ оварда расонад, омодаем, аммо чунин вокунишеро аз тарафи Киев намебинем.

Рӯзи панҷшанбеи 24-уми феврали соли 2022 амалиёти низомии Русия дар минтақаи Шарқ ва Шимолу Шарқи Украина пас аз фармони Владимир Путин оғоз шуда буд.

Қабл аз оғози амалиёт раисҷумҳури Русия дар паёмаш гуфта буд: “Мутобиқи моддаи 51 қисми 7-и Оинномаи Созмони Милали Муттаҳид, бо иҷозати Шӯрои Федератсия Русия ва бо риояи шартномаҳои дӯстӣ ва кумаки мутақобила, ки аз ҷониби Маҷлиси федералӣ 22 феврали соли ҷорӣ бо Ҷумҳурии Халқии Донетск ва Ҷумҳурии Халқии Луганск тасмим гирифтам, ки амалиёти махсуси низомӣ гузаронам.”

Путин то имрӯз иддао дорад, ки ин амалиёти ӯ дифоъ аз худ ва барои пешгирӣ аз таҳдидҳои бузургтаре анҷом мешаванд. Аммо Амрико ва сарони кишварҳои арврупоӣ ин амалиёти низомии Русияро ҳуҷум ба хоки Украина дониста, аз Путин хостанд, фавран амалиётро қатъ кунад.

Бо гузашти наздик ба 100 рӯз аз оғози ҳамлаҳои Русия ба Украина то кунун Маскав натавонистааст, ки ба аҳдофи худ дар ин ҳамсоякишвараш даст пайдо кунад ва бо вуҷуди зери фишорҳо ва таҳримҳои зиёд қарор гирифтан ҳанӯз маълум нест, ки ҷанг дар Украина кай поён меёбад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ҷузъиёти боздошти Сулаймон Давлатов аз забони вакили дифоаш

Сабаби боздошти Сулаймон Давлатов, яке аз фаъолони сиёсӣ ва паноҳанда дар Литва, ки рӯзи ҷумъаи гузашта боздошт шуда буд, маълум шуд.

Навори нави чор гумонбари ҳамла ба “Крокус”

Хадамоти федералии амнияти Русия навори ыадиде аз бозпурсии чаҳор гумонбари ҳамлаи террористӣ ба "Крокус Сити Ҳолл"-и Красногорскро нашр кард.

То 600 сомонӣ ҷарима барои идгардаки кӯдакон дар Тоҷикистон

Вазорати маориф ва илми Ҷумҳурии Тоҷикистон бо судури қароре идгардакро дар рӯзи иди Рамазон барои кӯдакони боғча то донишомӯзони мактабу донишҷӯён мамнуъ эълон кад.

Боздошти Сулаймон Давлатов дар Литва

Мақомоти Литва Сулаймон Давлатов, як фаъоли сиёсии тоҷик ва паноҳанда дар ин кишварро боздошт кард.