Русия нисбат ба муҳоҷироне, ки ихроҷ шудаанд, вале дубора бо тағйири ному насаб ба ин кишвар сафар мекунанд, ҷазоҳои сангинтаре ҷорӣ мекунад.
Бино ба иттилои расмӣ, 15-уми октябр Вазорати корҳои дохилии Тоҷикистон хабар дод, ки муҳоҷирони корие, ки аз Русия ихроҷ шудаанд, вале дубора қасди сафари ба ин кишварро доранд, пеш аз сафар бояд бо онҳо тамос бигиранд.
Вазорати корҳои дохилии Тоҷикистон бо нашри як матлаб ба шаҳрвандони кишвар чунин тавсия кардааст: “Шаҳрванди Ҷумҳурии Тоҷикистон ҳангоми ворид шудан ба қаламрави Федератсияи Россия бояд корти муҳоҷиратро (ба таври худкор ё дастӣ) бо забони русӣ ё бо ҳарфҳои лотинӣ мувофиқи маълумоти дар шиноснома ё дигар ҳуҷҷати тасдиқкунандаи шахсият пур кунад. Шаҳрвандони Ҷумҳурии Тоҷикистон аз уҳдадории бақайдгирӣ дар маҳали будубош дар муҳлати 15 рӯз аз рӯзи убури Сарҳади давлатии ФР барои бақайдгирии муҳоҷират дар маҳали будубош, корти муҳоҷират ва ҳуҷҷати тасдиқкунандаи шахсияти онҳо озод карда мешаванд.”
Ба гуфаи вазорат, “Муҳлати будубоши муваққатӣ дар Федератсияи Русия ҳангоми омӯзиш дар асоси ариза дар ҳар шакл ва ҳуҷҷатҳои тасдиқкунандаи хатми таълим дар қаламрави Федератсияи Россия тамдид карда мешавад.”
Вазорати корҳои дохилӣ таъкид кардааст, ки мақомоти Русия ҳудуди 5 ҳазор нафарро дар гузашта аз Русия ихроҷ шуда буданд, вале бо тағйири ному насаб дубора ба ин кишвар баргаштаанд, ки аз ҷониби мақомоти ҳифзи ҳуқуқ ва марзбонони ин кишвар ошкор ва нисбати онҳо парвандаҳои ҷиноятӣ содир шудааст.
Инчунин тибқи ин муқаррароти қонунҳои нав муҳоҷирони корӣ, “муҳлати иҷозати будубоши муваққатӣ дар Федератсияи Русия барои шаҳрвандони хориҷие, ки ба ФР бо тартиби бидуни раводид омадаанд, аз 1 январ то 31 декабри соли 2025, дар маҷмуъ, дар давоми соли тақвимӣ 90 рӯзро ташкил медиҳад.”
Аз 1-уми декбари соли 2024 Вазорати корҳои дохилии Русия дар фурӯдгоҳҳои шаҳри Маскав ва нуқтаҳои автомобилии гузаргоҳи “Маштаково” дар вилояти Оренбург барои муайян кардани шахсияти биометрии шаҳрвандони хориҷӣ ҳангоми вуруд ба Федератсияи Русия бунгоҳҳои муаянеро ба роҳ мемонад.
Гуфта мешавад, бо таваҷҷуҳ ба таҳримҳои зиёде, ки алайҳи Русия ҷорӣ шудааст, ин кишвар рӯз ба рӯз ба буҳронҳои ҷадиде ҳам рӯбарӯ мешавад. Ичунин мақомоти он щар сол қоидаҳои буду боши муҳоҷиронро сахттар карда, нархи иҷозатномаи кориро ҳам қиматтар мекунанд. Ин ҳама боис шудааст, ки хеле аз муҳоҷирони корӣ барои кор ва таъмини шароити беҳтар ба кишварҳои дигар сафар кунанд.
