33.9 C
Dushanbe

Рустам не, Эмомалӣ Раҳмон номзади президентӣ шуд

Федератсияи иттифоқҳои касабаи мустақили Ҷумҳурии Тоҷикистон рӯзи 26-уми август зимни Анҷумани навбатии худ президенти кунунӣ Эмомалӣ Раҳмонро ҳамчун номзад аз тарафаи Иттифоқи касаба барои интихоботи президентии моҳи октябри соли ҷорӣ пешбарӣ кард. Дар ин бора Оҷонсии “Ховар” иттилоъ дод.

То имрӯз аллакай ин панҷумин раиси ҳизбест, ки номзад ба мақоми президент ва барои иштирок дар корзори интихоботӣ пешбарӣ мешавад. То чанд рӯзи пеш раисони 4 ҳизб – ҲАТ Рустам Лтифзода, ҲСТ Абдуҳалим Ғаффорзода, ҲДТ Сайидҷаъфар Усмонзода, ва ҲИИТ Рустам Раҳматзода ҳамчун номзади ҳизб ба мақоми президент пешниҳод шудаанд.

Вале то ҳол анҷумани худи Ҳизби халқии демократии Тоҷикистон баргузор нашудааст, тибқи маълумотҳо анҷумани ҳизби ҳоким дар рӯзи 3 сентябр баргузор мегардад. Коршиносон бар ин назаранд, ки то эълони Иттифоқҳои касаба баъзе аз пешбарӣ шудани номзадии Рустами Эмомалӣ ҳарф мезаданд, аммо акнун ба эҳтимоли зиёд метавон гуфт, ки дар анҷумани ҲХДТ номзадии Эмомалӣ Раҳмон пешбарӣ мешавад.

Дар баробари дигар ҳизбҳои сиёсии Тоҷикистон инчунин ҳаққи пешбарӣ намудани номзад ба мақоми президенти Тоҷикистонро Иттифоқҳои касаба ва Иттифоқи ҷавонон низ доранд. Ва ин иттифоқҳо метавонанд дар интихоботҳои президентӣ номзади худро дошта бошанд ва дар сиёсати кишвар саҳм гузоранд. Қарор аст интихоботи президентӣ дар Тоҷикистон 11-уми октябри соли равон баргузор шавад.

Эмомалӣ Раҳмон 28 сол мешавад, Тоҷикистонро раҳбарӣ мекунад, мухолифони ҳукумат ӯро барои саркӯб кардани дигарандешӣ, муроот накардани ҳуқуқи инсон, маҳдуд кардани озодии баёну виҷдон ва ҳуқуқи дигари бунёдии инсон танқид мекунанд.

Ба  гуфтаи нозирони байналмиллалӣ интихоботҳои Тоҷикистон ҳеч гоҳ мутобиқ ба меъёрҳои демократию байналмилалӣ ва шаффофу одилона баргузор нагардидааст,  ҳамеша ба тақаллуб ба манфиати ҳизби ҳоким дар Тоҷикистон, ки сарвараш Эмомалӣ Раҳмон аст, баргузор мегардад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.

Амрико гурӯҳи “Ҳайат Таҳрир аш-Шом”-ро аз листи террористон хориҷ кард

Иёлоти Муттаҳидаи Амрико гурӯҳи “Ҳайат Таҳрир аш-Шом”-ро, расман аз феҳристи созмонҳои террористӣ хориҷ кард.

Содир Ҷабборов ба Тоҷикистон омад

8-уми июли соли 2025 Президенти Қирғизистон Содир Ҷабборов бо даъвати раисҷумҳури худкомаи Тоҷикистон Эмомалӣ Раҳмон ба Душанбе омад.

Дар Маскав беш аз 500 муҳоҷирро ба шуъбаҳои пулис бурдаанд

Мақомоти Русия дар шаҳри Маскав барои ошкор кардани роҳҳои муҳоҷирати ғайриқонунӣ "рейд" гузарондааст.