19.9 C
Dushanbe

Сафари Шавкат Мирзиёев ба Душанбе

Раисҷумҳури Узбекистон Шавкат Мирзиёев рӯзи 18-уми апрели соли ҷорӣ бо сафари расмӣ вориди пойтахти Тоҷикистон, шаҳри Душанбе шуд.

Ба иттилои Хадамоти матбуоти Президенти Тоҷикисон, Мирзиёевро дар Фурӯдгоҳи байналмилалии Душанбе Эмомалӣ Раҳмон пешвоз гирифта ва баъдан то қасри раёсатҷумҳурӣ ӯро ҳамроҳӣ кардааст. Пешвози расмии Мирзиёев дар “Қасри миллат” баргузор шуд.

Гуфта мешавад, сафари раисҷумҳури Узбекистон Шавкат Мирзиёев ба Тоҷикистон ду рӯз идома хоҳад кард. Интизор меравад, дар ин сафар раҳбарони ду кишвари ҳамсоя созишномаҳои навро дар соҳаҳои иқтисоду тиҷорат ва дигар масоили марбут ба муносибатҳои дуҷониба ба имзо расонанд.

Ёдовра мешавем, ки ҳафтаи гузашта Вазорати корҳои хориҷии Тоҷикистон аз мулоқоти вазирони корҳои хориҷии Тоҷикистону Узбекистон, Сироҷиддин Муҳриддин ва Бахтиёр Саидов хабар дода буд. Ба иттилои манбаъ, меҳвари асосии гуфтугӯи ду вазир баррасии масъалаҳои марбут ба омодагии сафари давлатии президенти Узбекистон ба Тоҷикистон буд, вале ин ниҳод торихи дақиқи сафари Мирзиёев ба Тоҷикистонро зикр накарда буд.

Баъдан хабаргузории “Asia Plus” аз қавли сафорати Узбекистон дар Тоҷикистон хабар дод, ки сафари Шавкат Мирзиёев ба Душанбе рӯзҳои 18 ва 19-уми апрели соли ҷорӣ сурат мегирад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Манъи ҳиҷоб дар мактабу беморҳохонаҳо

Мақомоти тоҷик пас аз қабули тарҳи нави қонун “Дар бораи танзими ҷашну маросим” дар мактабу бемористонҳо "рейд" гузаронда, ҳиҷоби занҳоро зӯран мекашанд.

Сарвазирро кӣ ва чаро парронд?

Рӯзи чоршанбе, 4-уми май пас аз як нишасти давлатӣ, ба ҷони Сарвазири Словакия Роберт Фитсо сӯиқасд сурат гирифта, ӯ ба бемористон мунтақил шуд.

Тамдиди муҳлати ҳабси гумонбарони ҳамла ба Крокус

Додгоҳе дар Русия муҳлати ҳабси чор зодаи Тоҷикистонро, ки дар дар ҳамлаи хунин ба “Крокус Сити Ҳолл” гумонбар мебошанд, барои 3 моҳи дигар дароз кард.

“Идгардак”-у пешвози ҳоҷиён ва “либосҳои ба фарҳанги миллӣ бегона” манъ шуд

Дар Тоҷикистон "идгардак"-и кӯдаконро дар рӯзҳои Иди Рамазон ва Қурбонро манъ карданд.